Balalar psixologiyasi kk

 Anketa metodi. Adamlar psixikasini ja`miyetlik soraw tiykarinda u`yreniw. Bul metod ja`rdemi nde 
tu`rli jastag`i adamlardin` psixologiyaliq qa`siyetleri na`rse ha`m ha`diyselerdin` mu`na`siybetleri u`yreniledi. 
Anketa tiykarinan u`sh tu`rde o`tkeriledi. 
Olardin` birishni tu`ri aniqlang`an motivlerdi aniqlawg`a tiykarlang`an sorawlarg`a du`ziledi. Ekinshi 
tu`rinde ha`r bir sorawdin` bir neshe tayin juwaplari beriledi. U`shinshi tu`rdegi anketada sinaliwshig`a jazilg`an 
tuwri juwaplar ballar menen bahalaw usinis etiledi. Anketadan tu`rli jastag`i adamlardin` uqipliqlarin, belgili 
tarawg`a qizig`iwshi ha`m ko`nlikpesin o`zine, ten`qurlarina, u`lken ha`m kishilerge mu`na`sebetlerin aniqlaw 
ushin paydalaniladi. Tarqatilg`an anketalar jiynaladi ha`m elektron esaplaw mashinalarinda esaplanadi, 
analizlenedi, son` izertlewge juwmaq jasalip, ilimiy ha`m a`meliy tu`rde juwmaqlar shig`ariladi. Anketa metodi 
adam psixikasini u`yreniw ushin bay mag`liwmatlar jiynaw mu`mkinshiligin beredi. Biraq onda alinatug`in 
mag`liwmatlar barhulla a`dil qa`siyetke iye bolmaydi. Bunday kemshilikke jol qoymasliq ushin anketa ishindegi 
tekseriw waziypasin orinlawshi sorawlardi puxta islep shig`iw maqsetke muwapiq. 
Sa`wbet metodi. Erkin, so`ylew mu`na`sebeti menen aling`an Adam psixik xizmetinin` juwmag`ini 
tekseriw degeni. Bul metod ja`rdeminde Adam psixikasini u`yreniwde sa`wbettin` maqseti ha`m waziypasi 
belgilenedi, onin` ob`ekti ha`m sub`ekti tan`lanadi, jeke adamlar, topar ha`m ja`ma`a`t menen o`tkeriw 
jobalastiriladi, u`yrenilib atirg`an na`rse menen baylanisli soraw juwap ta`rtibi tayarlanadi. Sa`wbettin` basli 
maqseti belgili bir jag`day yamasa mashqalani sheshiw protsessinde insan psixikasindag`i o`zgerislerdi u`yreniw 
mu`mkin. Sa`wbet arqali tu`rli jastag`i adamlardin` oylawi, aqil - ziyrekligi, minez-quliq, qizig`iwi, bilim 
da`rejesi, erki, ko`z-qarasi tuwrali mag`liwmatlar alinadi.