Diktant tu’rleri ha’m metodikasi

III sherek


AYTIW DIKTANTI


Gu’z ko’rinisi
Keshki gu’z. salqın samal esti. Sarı, qızg’ısh japıraqlar jerge shashıldı.
Gu’z ta’biyatın tamasha etiw ushın bag’qa keldim. A’tirap tım-tırıs, anda-sanda quslardın’ dawısı esitiledi. Olar bul jer menen xoshlasıp, qublag’a jol almaqta.
Bag’dag’ı miyweler a’lleqashan jıynap alıng’an. Ot-sho’pler sarı ren’ge kirgen. Qurt-qumırısqalar inlerine jasırıng’an.
Men ta’biyattı toyıp-toyıp tamasha ettim. Onı su’wrette ko’rsetiw ushın boyawlardı tayarladım. Mine, menin’ salg’an su’wretim. Ba’lkim, uqsag’an shıg’ar-a?


AYTIW DIKTANTI


Kitap
Kitap – insan ruwxıy du’nyasının’ bayıwı, pikirlew shen’berinin’ ken’eyiwine ja’rdem beriwshi qural. Onı ba’rha dos tutıw, onnan ko’p na’rselerdi u’yreniwge ha’reket qılıw lazım.
Ko’p kitap oqıg’an bala shıg’armadag’ı pikirlerdi o’z qa’lbine jaylastıradı. Ma’mlekettin’ rawajlanıwı ushın xızmet etiwge, jaqsı insanlar qatarınan orın alıwg’a ha’reket etedi.
Kitapxana – nurxana. Kitapxanag’a tez-tez baratug’ın bala, a’lbette, ko’p na’rselerdi biledi. Sebebi kitaplar insan o’mirinin’ mazmunlı o’tiwine, ilimli, bilimli bolıwına ja’rdem beredi.


DO’RETIWSHILIK DIKTANT


To’rt ma’wsim
1. Qıs, qaqaman, ayaz, temperatura, pa’s, muz, ızg’ırıq, samal.
2. Ba’ha’r, jag’ımlı, samal, quyash, maysa, shashtı, ko’klem, atız, is.
3. Jaz, ku’nler, ıssı, miywe, ovosh, palız.
4. Gu’z, bult, jıyın-terim, aspan, paxta, qırman, diyqan, qızg’ın, is.


ERKIN DIKTANT
1. Qıs qattı keldi. Ha’mme jaq qar menen qaplandı. Izg’ırıq samal tınbaydı. Quslar awqat taba almay qıynalıp qaldı.
2. Sabır menen men olarg’a da’n, nan usaqların shashtıq. Olar terip jedi. Klassımızdag’ı balalar da quslarg’a g’amxor. Gu’lnara ha’m Sa’rbinaz quslarg’a da’n salg’ısh qoydı.
3. Mart ayı keldi. Qarlar eriy basladı. Endi quslar qar erigen jerlerden awqat tabıp jey basladı.