Fyodor Dostoyevskiy. Kulgili odamning tushi (hikoya)

berdi.   Ko‘z   ochib   ko‘rganim   o‘sha   nurning   qadrdon

shu’lalari mening qalbimda jilolandi va unga qaytadan jon

ato   etdi,   men   o‘limimdan   so‘ng   ilk   bor   o‘sha   jonajon

hayotning nafasini tuydim.

—   Agar  bu   quyosh   bo‘lsa,   xuddi   o‘zimiznikiga  o‘xshagan

quyosh   bo‘lsa,   unda   yer   qani?   —   deya   qichqirdim   men.

Yo‘ldoshim   menga   boqib   quyuq   qorong‘ilik   ichida   nur

sochib   turgan   yulduzchaga   ishora   qildi.   Biz   to‘g‘ri

o‘shanga qarab uchdik.

— Nahotki koinotda shunday aynan takrorlar bor, nahotki

tabiatning qonuni shunday bo‘lsa?.. Agar u yulduzcha yer

bo‘lsa,   nahotki   u   ham   xuddi   o‘zimiznikiga   o‘xshash

baxtsiz,   bechora,   lekin   aziz   va   hamisha   suyukli   yer?