Milliy istiqlol

Boshqacha aytganda, huquqiy madaniyatning ikki
tomoni bo‘lib, ularga rioya qilish barchaning burchi
hisoblanadi. U, avvalambor, insonning o‘z huquq va
erkinliklarini yaxshi bilishi va ulardan to‘liq foydalani-
shini talab etadi. Ikkinchidan esa, o‘sha insonning
qonun oldidagi, boshqa insonlar, xalqi va Vatani
oldidagi burchi va majburiyatini ham unutmasligini
taqozo qiladi.

---

64
Huquqiy madaniyatli odam qonunlardan qo‘rqqani uchun
emas, balki ularni hurmat qilgani, qonunlar timsolida xalq
xohish-irodasini ko‘rgani uchun ham qonun asosida yashashni
o‘z hayotining mazmuni dåb biladi.
Buni yanada aniqroq tasavvur qilish uchun shuni bilingki,
sizning huquq va erkinligingiz xuddi sizdåk boshqa bir kishining
huquq va erkinliklari chågarasigacha davom etadi. O‘sha kishi-
ning qonuniy huquq va erkinliklarini hurmat qilish sizning qonun
oldidagi majburiyatingiz hisoblanadi. Chunki huquqiy dåmokratik
davlat o‘z nomi bilan erkin jamiyatdir. Unda zo‘ravonlik, kuch
bilan majburlash yo‘q. Barcha munosabatlar fuqarolarning ongli
harakat qilishiga asoslanadi. Bu jamiyatda hamma erkin yashaydi,
hayotning barcha sohalari qonun asosida erkin rivojlanadi. Bu
imkoniyatlardan to‘laqonli foydalanish Konstitutsiya va qonun-
larda bålgilab qo‘yilgan majburiyatlarni og‘ishmasdan ado etishni
talab qiladi. Aks holda, qonunda ko‘zda tutilgan jazo choralari
ko‘riladi, ya’ni bunday jamiyatda qonun bårgan erkinlik va
imkoniyatlarni suiistå’mol qilishga yo‘l qo‘yilmaydi.
Har qanday madaniyat yuksak ong va tafakkurga asoslangani
singari, huquqiy madaniyat ham odamlarda, avvalo, huquqiy
tafakkur va dunyoqarashni shakllantirishni talab etadi. Huquqiy
tafakkur va dunyoqarash esa Konstitutsiya, qonunlarni, umuman
huquq ilmini o‘rganish orqali shakllanadi. Shuning uchun ham
mamlakatimizda aholining, ayniqsa, yoshlarning huquqiy bilim
va madaniyatini oshirishga alohida e’tibor bårilmoqda.