Akademiyalıq licey oqıwshılarınıń intellektual qábiletlerin jedel ósiiriwdi, olardıń tereń differenciyalastırılǵan hám kásip-ónerge baǵdarlanǵan bilim alıwın támiynleytuǵın úsh jıllıq orta arnawlı oqıw ornı bolıp tabıladı. Kásip-texnikalıq kolledji oqıwshılardıń kásip-ónerge beyimliligin, kásiplik sheberligin tereń rawajlandırıwdı, tańlanǵan kásip boyınsha bir yamasa bir neshe qánigelik alıwdı támiynleytuǵın úsh jıllıq orta kásip-texnikalıq oqıw ornı bolıp tabıladı. Joqarı bilim beriw joqarı mamanlıqtaǵı qánigelerdi tayarlawdı támiyinleydi. Joqarı maǵlıwmatlı qánigeler tayarlaw joqarı oqıw orınlarında (universitetler, akademiyalar, institutlar hám joqarı mektepler, basqa da bilimlendiriw mákemeleri) orta arnawlı, kásip-texnikalvıq bilim tiykarında ámelge asırıladı. Joqarı bilim beriw tómendegidey eki basqıshta ámelge asırıladı: Birinshi – bakalavriat oqıw múddeti keminde tórt jıl bolǵan hám joqarı bilimlendiriw baǵdarlarınıń biri boyınsha bazalıq, irgeli bilim beretuǵın joqarı bilim beriw basqıshı.
Do'stlaringiz bilan baham: |
