Tabiiyot-geografiya fakulteti
Download 0.59 Mb.
|
BIOLOGIYA FANINI O`QITISHDA INTERFAOL USLUBLARDAN FOYDALANISH
- Bu sahifa navigatsiya:
- Ta`lim-tarbiya jarayonida Insertdan foydalanishda quyidagi talablarga amal qilinishi
- Klaster
- Venn diagrammasi
- Atamalar
- 1 — tonshiriq. Atamalar raqamini ularning ta`rifi bilan juftlang.
Insert - lokal darajadagi pedagogik texnologiya bo`lib, o`quvchilar tomonidan o`quv materialidagi asosiy g`oya va faktik materiallarni anglashiga zamin yaratish maqsadida qo`llaniladi.
O`quvchilarni insert yordamida ishlash ko`nikmalarini rivojlantirish uchun ularga o`rganiladigan o`quv materiallari va maxsus jadval tarqatiladi. O`quvchilar har bir abzatsni o`rganib chiqib, maxsus jadvalga muayyan simvollar yordamida belgilash tavsiya etiladi. Agar abzatsda berilgan ma`lumot shu kungacha o`zlashtirgan bilimlariga mos kelsa, “Bilaman” - V, agar ma`lumotlar tushunarli va yangi bo`lsa, u holda “Ma`qullayman” +, agar ma`lumotlar o`quvchilar o`zlashtirgan bilimlariga mos kelmasa, u holda “O`rganish lozim”-, o`quvchilar o`quv materiallarini o`zlashtirishda qiyinchilik xis etsa, u holda “Tushunmadim” -? belgisini qo`yadi. Insertda foydalaniladigan maxsus jadval
Ta`lim-tarbiya jarayonida Insertdan foydalanishda quyidagi talablarga amal qilinishi: O`quvchilar kichik guruhga ajaratiladi, lekin insert vazifasida dastlab har bir o`quvchi yakka tartibda ishlaydi va jadvalni to`ldirishi, guruh a`zolari belgilangan muddatda ishlashni yakunlaganlaridan so`ng, fikrlarini taqqoslashi; O`quv bahsi orqali kichik guruh a`zolarining jadvaldagi belgilarining bir xil bo`lishini ta`minlash, ya`ni jadvaldagi keyingi ikki ustuni bo`yicha bir xillikka erishish; O`qituvchi o`quv materiali asosida tuzilgan savol-topshriqlari va kichik guruh a`zolarining jadvaldagi belgilari asosida o`quv bahsini tashkil etishi lozim. Insert bilan ishlashning afzallik tomoni avval kichik guruh a`zolari o`rtasida, so`ng kichik guruhlar bilan o`zaro o`quv bahsi o`tkazilishi, baxsda o`quvchilar tomonidan yo`l qo`yilgan kamchiliklarni to`ldirish, bilimidagi bo`shliqlarni to`ldirish yuzasidan o`qituvchi tomonidan berilgan axborot ta`lim samaradorligiga xizmat qiladi. Insertdan foydalangan o`qituvchining pedagogik faoliyatidagi axborot manbai funksiyasi bir muncha kamayib, o`quvchilarning bilish faoliyatini boshqarish va nazorat funksiyalari ortadi. Shu sababli, o`qituvchi bu masalalarni puxta rejalashtirishi va amalga oshirishi lozim. Biologiyani o`qitishda o`quvchilarning o`zlashtirgan bilimlarini tizimlashtirish, mustahkamligini ta`minlash maqsadida Klasterdan foydalanish muhim o`rin tutadi. Klaster - cluster - ingliz tilida shajara degan ma`noni anglatadi. Ushbu lokal texnologiya o`quvchilar tomonidan o`zlashtirgan va o`zlashtiradigan g`oya, nazariya, qonuniyat va tushunchalar o`rtasidagi bog`lanishini anglash, bir-biriga uzviyligini tushunishga imkon yaratib tahliliy-tanqidiy fikr yuritish ko`nikmalarini rivojlantirishga zamin tayyorlaydi. Klasterni tuzish quyidagi tartibda amalga oshiriladi: Biologiya kursi mazmunidagi muayyan g`oya doska yoki qog`oz o`rtasiga yoziladi; Ushbu g`oya bilan bog`liq qonuniyatlar, tushunchalar bir-biriga bog`liq holati ko`rsatkich bilan belgilanadi, so`ngra mazkur qonuniyat va tushunchalarning faktik ma`lumotlari grafik tarzda yoziladi va tarmoq hosil qilinadi. Avval o`rganilgan mavzu va o`rganiladigan mavzu o`rtasidagi bog`lanishlar haqida xulosa chiqariladi. Klasterdan foydalaniladigan darslarda o`quvchilar teng sonli kichik guruhlarga ajratilib, ularga o`quv topshirig`ining didaktik maqsadi va bajarilish tartibi tushuntirilgandan so`ng, ular ajratilgan vaqt ichida fikrlarini jamlab, o`zlari tuzgan Klasterni himoya qilib, fikrlarini dalillashga imkon yaratilib, eng yaxshi va asosli tuzilgan Klaster aniqlanadi, g`oliblar rag`batlantiriladi. Klaster bitta mavzu yoki bob bo`yicha yaxlit tuzish o`quvchilarning tizimli fikr yuritishiga zamin yaratadi. Klasterning asosida asosiy g`oya yoki tushuncha o`rin oladi, masalan, genlarning o`zaro ta`siri bo`yicha quyidagicha tuziladi: 1-topshiriq. Genlarning belgilarga ta`siriga ko`ra guruhlarga ajrating. 1. To`liq dominantlik. 2. Komplementariya. 3. Oraliq irsiylanish. 4. Epistaz. 5. Polimeriya. 6. Pleyotropiya. 7. Ko`p allellik. Klasterning javobi: Bir genning bir belgiga ta`siri- 1, 3, 7, bir nechta genning bir belgiga ta`siri- 2, 4, 5, bir genning ko`p belgiga ta`siri - 6. Ta`lim-tarbiya jarayonida lokal darajada qo`llaniladigan texnologiyalardan biri- Venn diagrammasi bo`lib, uni ishlab chiqqan ingliz olimi Djon Venn nomi bilan yuritiladi. Venn diagrammasi o`rganilayotgan mavzudan o`rin olgan fakt, tushuncha va jarayonlarii tahlil qilish, sintezlash va taqqoslashni talab etadi. Ushbu diagrammadan tabiiy tanlanish va sun`iy tanlash, tabiiy tanlanish, yashash uchun kurash shakllarini tahlil qilish, sintezlash va taqqoslashda foydalanish mumkin. Venn diagrammasi quyidagi ko`rinishda bo`lishi tavsiya etiladi. Biologiya kursi mazmunidagi muammoli masalalarni o`qitishda “Keys”dan foydalanish yuqori samara beradi. “Keys” - case stadies ingliz tilidan olingan bo`lib, jarayon yoki vaziyat degan ma`noni beradi. Biologiyani o`qitishda dastur mazmunidagi evolyusion tushunchalar yetakchilik qilgan, shuningdek munozarali “O`simliklarning paydo bo`lishi va rivojlanishi”, “Hayvonot olamining paydo bo`lishi va rivojlanishi” kabi mavzularni o`qitishda foydalanish mumkin. Ta`lim-tarbiya jarayonida Keysdan foydalanish uchun o`qituvchi: Dastur mazmunidagi muammoli mavzularni aniqlashi, shu mavzularni o`qitish uchun muammoli savol-topshiriqlar tuzishi; Dars davomida muammoli savol-topshiriqlarning qiyinchilik darajasiga ko`ra yakka tartibda yoki o`quvchilarning kichik guruhlarida mustaqil ishlarni tashkil etilishini aniqlashi; O`quvchilarning bilish faoliyatini mazkur muammolarni hal etish, o`quv munozaralari orqali muloqotga kiritish yo`llarini rejalashtirishi; Muammoli savol-topshiriqlar asosida tashkil etilgan o`quv munozaralarida yakuniy fikrni vujudga keltirishi lozim. Biologiyani o`qitishda izohlashni talab etadigan biologik muammolar muhim o`rin tutib, o`quvchilarda ob`ektlarni tanish, ob`ektlar o`rtasida bog`lanishlarni aniqlashda ham Keys stadidan foydalanish imkoniyati mavjud. Quyida botanikani o`qitishda Keys stadidan foydalanish imkonini beradigan muammoli masalalar berilmoqda: masala. Lishayniklar tabiatda keng tarqalgan, hattoki dengiz va okeanlardagi suvdan chiqib qolgan qoyalarda ham o`sadi, lekin shaharlarda uchramasligining sababini aniqlang. masala. O`rmonlarda qirqquloqlar juda ko`p uchraydi. Qirqquloqlarning ahamiyatini anglagan holda o`rmonchilar boshqa daraxtlarni kesib tashladilar. Natijada qirqquloqlar qirilib ketdi. Mazkur holatning sababini aniqlang va javobingizni sxema tarzida ifodalang. masala. Olcha va gilos mevasini chumchuq ham, qarg`a ham iste`mol qiladi. Chumchuq mevani cho`qiydi, qarg`a yutib yuboradi. Sizningcha bu qushlarning qaysi biri o`simlik uchun foyda keltiradi? masala. Oq qayin o`rmondagi o`simliklarning 1-raqamlisi sanaladi, ya`ni dastlab oq qayin o`sa boshlaydi va o`rmon hosil qiladi. Lekin, oq qayinli o`rmon vaqtinchalik sanaladi. O`rmonda sodir bo`ladigan o`zgarishlarni sxematik tarzda ifodalang. masala. Ma`lumki, o`simlikning ildiz sistemasi uning o`sayotgan muhitga bog`liq. Botqoqlikda yoki cho`lda o`sayotgan o`simlikning ildizi nisbatan rivojlangan bo`lishini aniqlang. O`quvchilar ushbu muammoli masalalarni hal etish jarayonida avval o`zlashtirgan bilim, ko`nikma va malakalarni yangi vaziyatda qo`llashi, o`z javoblarini dalillashi, xulosa yasashi asnosida ularning mustaqil fikr yuritish ko`nikmalari rivojlantiriladi. Quyida zoologiya darslarida Keys stadidan foydalanish uchun zarur bo`ladigan muammoli masalalardan namunalar berilmoqda. masala. Nima sababdan qushlarda diafragma bo`lmaydi-yu, sut emizuvchilar uchun diafragma zarur? masala. Faraz qiling sizga qushning skeleti berilib, uning qaysi muhitda yashaganligi va qanday oziq turi bilan oziqlanganligini aniqlash so`raldi. Siz avvalo nimalarga e`tibor qaratish lozimligi va qanday aniqlashni tavsiya etgan bo`lardingiz? masala. Xasharotlarda yurak urushining chastotasi tana hajmiga bogliq emas. Buni qanday izohlash mumkin? masala. Qushlarda tish bo`lmasligi qaysi organlarining o`zgarishiga olib kelgan? Siz bu holatni qanday izohlaysiz? Masala. Odamni operatsiyaga tayyorlash jarayonida narkoz maskasi yuz tomoniga qo`yiladi. Hasharotlarni tinchlantirish uchun narkoz maskasini qaerga qo`yishni tavsiya etasiz? Odam va uning salomatligini o`qitishda foydalaniladigan muammoli masalalar nafaqat shu o`quv fani balki avvalgi sinflarda o`zlashtirgan bilim, ko`nikma va malakalarni yangi vaziyatda qo`llashi orqali fanlar o`rtasidagi aloqani amalga oshirish, shuningdek, bilimlarni tizimga solib, yaxlit tasavvur qilish, o`z javoblarini dalillashi, xulosa yasashi asnosida ularning mustaqil va ijodiy fikr yuritish ko`nikmalari rivojlantiriladi. masala. 150g go`sht iste`mol qilinganda organizmda 150 kk energiya hosil bo`ladi, u 100 g nondan hosil bo`lgan 300 kkal energiyasiga nisbatan 2 marta kam bo`lishiga qaramasdan odamni to`q tutadi. Mazkur holatning sababini tushuntiring. masala. Ko`zning to`r pardasida 2 tipdagi tayoqchasimon va kolbachasimon retseptorlari bo`lgan hayvonlar, to`r pardasida bir xil tipdagi retseptorlar bo`lgan hayvonlarga nisbatan qanday afzallikka ega bo`ladi? masala. Ko`z soqqasida suyuqlik bilan to`lgan shishasimon tanacha joylashgan. Mazkur shishasimon tanachaning suyuqlik bilan to`lganligining ahamiyatini tushuntiring. Agar shishasimon tanacha havo bilan to`lganida qanday o`zgarish sodir bo`lardi. masala. Odam organizmining 1 minutda qancha energiya sarf qilishini yurak urushining chastotasi (puls) yordamida quyidagi formula yordamida: Q = 0,2 xA- 11,3; aniqlash mumkin. Bu yerda Q- energiya miqdori; A- yurak qisqarishining chastotasi (puls), qolgan kattaliklar o`zgarmas sonlar. Agar odam yuragi tinch holatda 70 marta urayotgan bo`lsa, unda bir minutda qancha energiya sarf bo`ladi? Bir soatda-chi? Bir sutkada-chi? masala. Odamning nafas olish organlari butunligiga qaramasdan uzunchoq miyaning zararlanishi nafas olish jarayonining to`xtashiga olib kelishining sababini tushuntiring. “Biosfera evolyutsiyasi. Biogenez, Noogenez, Noosfera” mavzusida Keysni quyidagicha o`tkazish tavsiya etiladi. topshiriq. Biosferaning noosfera bosqichida biosfera gomeostaz holatining buzilish sabablarini aniqlang. Yuzaga kelgan muammolarni tartib bilan yozing. 1-muammo:_________________________________ 2-muammo:_________________________________ Muammoning namoyon bo`lish sabablari: Muammoni hal etish yo`llari: Muammoni barataf etish tadbirlarini rasmiylashtirishda tayanch atamalar asosida konspekt tuzing: 1-muammo: 2-muammo: Muammoning namoyon bo`lishi
Muammoni hal etish yo`llari: 1. 3. 4. 2-topshiriq. Biosfera gomeostaz holatining buzilishni oldini olish tadbirlarini belgilang.
T — tahlil ; A — afzalligi; K—kamchiligi; I—imkoniyatlari; FM— foydalanishdagi muammolar; X— xulosa TAKIFMX — jadvali
Keys stadi quyidagi bosqich asosida tashkil etiladi: - bosqich. O`qituvchining kirish so`zi. Keys qoidalari bilan tanishtirish. O`quvchilardan teng sonli kichik guruhlarni shakllantirish. - bosqich. Kichik guruhlarga muayyan jarayonni o`rganish maqsadida shakllantirilgan muammoli savollardan iborat bo`lgan o`quv topshiriqlarini tarqatish va ularni topshiriqning didaktik maqsadi bilan tanishtirish. - bosqich. O`quvchilarning bilish faoliyatini o`quv muammolarini hal etishga yo`naltirish. - bosqich. O`quvchilarning muammoli vaziyatlarni hal etish bo`yicha axborotlarini tinglash. - bosqich. Kichik guruhlar o`rtasida o`quv baxsi va munozara o`tkazish - bosqich. Umumiy xulosa yasash. “Keys stadi” qo`llanilganda o`quvchilar avval o`zlashtirgan bilimlarini yangi vaziyatlarda qo`llab, bilimlarini kengaytiradi, chuqurlashtiradi, aqliy faoliyat usullarini egallaydi, shaxs sifatida aqliy rivojlanishi va kasbiy tayyorgarligi ortadi. O`quvchilarning bilish faoliyatining bu tarzda tashkil etilishi ularda ijodiy faoliyatni tarkib toptirishga imkon yaratadi. Ta`lim – tarbiya jarayonida o`quvchilar tomonidan tushuncha va atamalarni mustahkam o`zlashtirishga zamin tayyorlash muhim o`rin tutadi, shu sababli o`qituvchi har bir bob va mavzular mazmunidagi tushuncha va atamalarni “Atamalar zanjiri” tizimiga keltirishi kerak. “Atamalar zanjiri” bu atamalar va ularning ta`riflari bo`lib, ulardan o`qituvchi o`tgan mavzuni yakunlash, yangi mavzu yuzasidan o`quvchilarning bilimlarini mustahkamlash maqsadida darsning bir qismida foydalanganligi sababli lokal texnologiyalar guruhiga kiritish maqsadga muvofiq. 1 — tonshiriq. Atamalar raqamini ularning ta`rifi bilan juftlang.
Topshiriqning javobi: 1 - D; 2 - J; 3 - A; 4 - B; 5- E; 6 - I; 7- G; 8-F; 9 - K; 10 -H. Mazkur texnologiyadan ta`lim-tarbiya jarayonida foydalanishga bir necha usulda yondoshish mumkin. O`quvchilar “kichik guruhlarga" ajratilib, guruh a`zolaridan kichik konsultant tayyorlanadi. Kichik konsultant unga berilgan topshiriqdagi atamalar asosida guruh a`zolarini kartochka vositasida baholaydi. Bunda o`quvchilar aytilgan atamalarning izohini aytishi yoki izoxga qarab atamani aniqlashi mumkin. Har bir to`gri javob uchun kartochka berilganligi sababli, kartochkalar soni ularning to`plagan balini belgilaydi. O`quvchilarga bob va mavzular mazmunidagi tushuncha va atamalar ro`yxati beriladi. Ularning mazmuni va mohiyatiga ko`ra o`zaro mantiqiy bog`langan zanjir Klaster holiga keltirish talab etiladi. Ushbu yondoshuv ko`p vaqtni talab etsa-da samaradorligi yuqori bo`lib, o`quvchilarning mantiqiy fikr yuritish ko`nikmalarini rivojlantirish imkonini beradi. “Atamalar zanjiri” dan o`tgan mavzuni yakunlash qismida foydalanilganda o`quvchilarning kichik guruh a`zolaridan og`zaki holda atamalarni ketma-ket avvalgilarni takrorlagan holda mazmuni va mohiyatiga ko`ra o`zaro bog`liq holda yangi atama qo`shishi talab etiladi. Guruhning birinchi ishtirokchisi bitta atama bilan boshlagan o`yin yakunida guruh a`zolari soniga teng atamalar zanjiri vujudga keladi. Ikkinchi bosqichda mazkur atamalarga ta`rif berish va ularni izoxlash talab etiladi. Biologiyani o`qitishda tezkor o`yinlar va o`yin mashqlardan ham foydalanish muhim o`rin tutadi. Biologik diktant o`quvchilarning o`zlashtirgan nazariy bilimlarini yangi kutilmagan vaziyatlarda qo`llashga imkoni yaratib, o`quvchilar bilimidagi tipik xatoliklarni aniqlash imkonini beradi. Shu sababli biologiyani o`qitishsa o`quvchilarning bilimini nazorat qilish va baholashda biologik diktantlardan foydalanish tavsiya etiladi. Masalan, “Genetik injeneriya haqida tushuncha. Irsiyatning moddiy asoslarini o`rganish tarixi” mavzusida quyidagi biologik diktantdan foydalanish maqsadga muvofiq. Biologik diktantning birinchi turida o`quvchilardan nuqtalar o`rniga mos keluvchi tushunchalarni qo`yish tavsiya etiladi. O`tgan mavzu yuzasidan o`quvchilar bilimlarini nazorat qilish va baholash uchun topshiriqlar. I- topshiriq. Biologik diktant. 1-Organizmlarning irsiyat, irsiylanish va o`zgaruvchanlik qonunyatlarini o`rganadigan fan - . .............................................................................................. Gomologik bo`lmagan xromosomalarda joylashgan bo`lib bir necha belgining mustaqil irsiylanishi va alternativ namoyon bo`lishini ta`min etuvchi genlar - ..................................................................................................................... Gomologik xromosomolarning bir xil qismida joylashgan bo`lib bitta belgining keskin farq qiluvchi-alternativ holatda rivojlanishi tamin etuvchi dominant va retsetsiv shaklda bo`ladigan genlar-..................................................... Organizm miqdoriy belgilarining irsiylanishi va rivojlanishi darajasini belgilovchi,bir xil funksiyasiga ega bo`lgan noallel genlar - .................................. Genlarning epiztatik taъsiri natijasida patlari oq rangdagi tovuq zotlarini o`zaro chatishtirilganda G2 da fenotip va genotip jihatidan ajralish nisbati-........... Kumulyativ polimeriyada fenotip bo`yicha ajralish nisbati - ........................ O`simliklardagi xromosomalar sonining karra ortishi - ................................. Belgilarning xilma-xillik darajasi yoki o`zgaruvchanlik chegaralari - ........ Genetik materialning irsiy o`zgarishi - ........................................................... Bir gen doirasidagi bitta yoki bir nechta nukleotidlarning o`zgarishi yoki almashinishi bilan bog`liq mutatsiyalar - ................................................................ Biologik diktant javoblari : 1. Genetika. 2. Noallel genlar. 3. Allel genlar. 4. Polimer genlar. 5.13:3; 1:2:1:2:4:2:1:2:1. 6. 1:4:6:4:1. 7. Poliploydiya. 8. Reaksiya normasi. 9. Mutatsiya. 10. Nuqtali mutatsiya. Keyingi yillarda pedagogik texnologiyaning tarkibiy qismlaridan bo`lmish ta`limda blok-modul sistemasidan foydalanish masalasiga e`tibor kuchaymoqda. Download 0.59 Mb. Do'stlaringiz bilan baham: |
Ma'lumotlar bazasi mualliflik huquqi bilan himoyalangan ©fayllar.org 2024
ma'muriyatiga murojaat qiling
ma'muriyatiga murojaat qiling