Тезкор ахборот

Хитой таҳдиди. Япония Иккинчи жаҳон урушидан кейин илк бор ҳарбий харажатларини каррасига оширмоқда
Япония ҳукумати мамлакат учун янгиланган миллий хавфсизлик режаси тақдим этди. У Иккинчи жаҳон урушидан буён илк бор мудофаа харажатларини икки баравар ошириш, ҳарбий қудратни сезиларли даражада кўтариш ва умуман олганда халқаро сиёсатда мамлакат конституцияси билан мустаҳкамланган пацифизм тамойилларидан сезиларли даражада четлашишни назарда тутади.
Бундай фундаментал бурилиш Япониянинг мамлакатнинг энг яқин қўшнилари бўлган Хитой ва Шимолий Корея томонидан тез суръатлар билан ўсиб бораётган таҳдидлардан хавотири туфайлидир.
Жума куни кечқурун мамлакат бош вазири Фумио Кисида миллатга телеомурожаат қилиб, ҳукумат бирданига учта бир-бирига ўзаро боғланган ҳужжатни қабул қилганини айтди - Мамлакат миллий хавфсизлик стратегияси, Миллий мудофаа стратегияси ва Мудофаа кучларини ривожлантириш режаси.
Асосий янгиликлардан бири Токиога «қарши зарба бериш қобилияти»га, яъни бош вазир тушунтирганидек, «фавқулодда вазият юзага келганда ва муайян шароитлар»да бошқа давлат ҳудудига ҳарбий зарба бериш имкониятига эга бўлишни таъминловчи қоидадир.
«Украинадаги уруш бизга кўрсатдики, биз жанг қилиш қобилиятига эга бўлишимиз зарур - Япония эса ҳозиргача бунга тайёр бўлмаган», - дея Япония ҳаво кучларининг истеъфодаги генерали Тосимити Нагаявунинг сўзларини келтирган маҳаллий нашрлар. «Япония жуда кеч старт олди. Биз 400 метр масофага югуриш мусобақасида 200 метрга ортда боряпмиз», дея куйинади у.
Япония мудофаа вазирлиги раҳбари Ясукадзу Ҳамада декабр ойи бошида мамлакат молия вазири билан биргаликда яқин беш йил ичида мамлакат мудофаа харажатларини икки баробарга ошириб, НАТОга аъзо бўлган мамлакатларга тавсия этилган ЯИМнинг 2 фоизи даражасига кўтариш йўлларини топиш бўйича топшириқ олганини айтганди.
ЖЧ-2022. Суперфиналда Аргентина Францияни пенальтилар серияда мағлуб этиб, жаҳон чемпионига айланди
Аргентина ва Франция ўртасидаги финал баҳси билан Қатарда ўтган жаҳон чемпионатига якун ясалди.