Тошкент давлат иқтисодиёт университети

Tadqiqotning vazifalari 
aksiyadorlik jamiyatlari moliyasi va unda foyda shakllanishi hamda 
taqsimlanishining nazariy jihatlari hamda tashkiliy xususiyatlarini tadqiq qilish;
dividendlar taqsimoti va dividend siyosatining konseptual asoslarini o‘rganish 
va nazariy xulosalar chiqarish; 
aksiyadorlik jamiyatlari jozibadorligining asosiy mezoni sifatida dividend 
siyosatining o‘ziga xos jihatlarini tadqiq etish; 
real sektor korxonalarida foyda taqsimoti, dividend siyosati va dividend 
to‘lovlari tahlilini amalga oshirish asosida holatni baholash; 
tijorat banklarida foyda taqsimoti, dividend siyosati va dividend to‘lovlari 
tahlili asosida banklar moliyaviy holati va dividend darajasini baholash; 
birjalar va sug‘urta kompaniyalarida dividend siyosati hamda dividend 
to‘lovlari tahlil qilish asosida holatni baholash; 
xorijiy aksiyadorlik jamiyatlarining foyda taqsimoti va dividend siyosati 
amaliyoti tahlil qilish asosida ulardagi ilg‘or tajribalarni O‘zbekistonda qo‘llash 
bo‘yicha taklif va tavsiyalar ishlab chiqish; 
dividend siyosatini takomillashtirish orqali aksiyadorlik jamiyatlari faoliyatini 
rivojlantirish masalalariga doir ilmiy taklif va amaliy tavsiyalarni ilgari surish. 
Tadqiqotning ob’ekti sifatida mamlakatimizdagi tashkiliy-huquqiy shakli 
aksiyadorlik jamiyati bo‘lgan biznes sub’ektlari hisoblanadi. 
Tadqiqotning predmeti aksiyadorlik jamiyatlarida sof foyda taqsimoti va 
dividend siyosati jarayonidagi yuzaga keladigan moliyaviy munosabatlar 
hisoblanadi. 
Tadqiqotning usullari. Dissertatsiyada faoliyat yo‘nalishlari asosida 
aksiyadorlik jamiyatlarini guruhlash, ekspert baholash, induksiya, deduksiya, davlat 
ishtirokidagi va xususiy aksiyadorlik jamiyatlarini o‘zaro taqqoslash, iqtisodiy-
statistik kabi tadqiqot usullaridan foydalanilgan.
Tadqiqotning ilmiy yangiligi quyidagilardan iborat: 
korporativ boshqaruvning turli modellari uchun xos bo‘lgan agressiv, 
o‘rtamiyona (mo‘tadil) va konservativ dividend siyosatlarini tanlashda aksiyadorlik 
jamiyatlari faoliyat barqarorligi davri hamda mulkdorlar tarkibini hisobga olish 
orqali dividend siyosati samaradorligini oshirish taklifi asoslangan; 
aksiyadorlik jamiyatlarida muntazam dividend siyosati yuritish va kompaniya 
ustavida sof foydaning dividendga yo‘naltiriladigan me’yorini qat’iy belgilab 
qo‘yish orqali davlat ulushini samarali xususiylashtirish hamda aksiyalarni IPO yoki 
SPOga muvaffaqiyatli joylashtirishni ta’minlash taklif etilgan; 
aksiyadorlik jamiyatlari tomonidan muntazam ravishda dividendlar to‘lab 
borish orqali ijobiy dividend tarixini shakllantirish va e’lon qilib borish tartibiga 
o‘tish asosida milliy va xalqaro moliya bozorida investitsion jozibadorlikni 
ta’minlash hamda qo‘shimcha emissiyalar bo‘yicha muvaffaqiyatga erishish 
asoslangan; 
ustav kapitalida davlat ulushi 50 foizdan yuqori bo‘lgan aksiyadorlik 
jamiyatlari 
bilan 
birga, 
xo‘jalik 
boshqaruv 
organlarining 
ulushi

---

9 
50 foizdan yuqori bo‘lgan aksiyadorlik jamiyatlarida ham sof foydaning kamida
50 foizini dividendga yo‘naltirish tartibini joriy qilish taklifi asoslangan.