Urganch davlat universitetining tabiiy fanlar fakulteti «ekologiya va hayot faolyati xavfsizligi» kafedrasi

kologik audit haqida tushuncha

Asosiy tushunchalar
Ushbu Qonunda quyidagi asosiy tushunchalar qo‘llaniladi:
ekologik audit — ekologik audit subyekti amalga oshiradigan xo‘jalik va boshqa faoliyatni texnik jihatdan tartibga solish sohasidagi normativ hujjatlar hamda atrof-muhitni muhofaza qilish va tabiiy resurslardan oqilona foydalanish sohasidagi normativ-huquqiy hujjatlar talablariga rioya etish yuzasidan ekologik auditorlik tashkiloti tomonidan o‘tkaziladigan tizimli, hujjatlashtirilgan, mustaqil baholash;
ekologik auditor — ekologik auditorning malaka sertifikatiga ega bo‘lgan jismoniy shaxs;
ekologik auditning buyurtmachisi — ekologik audit o‘tkazish tashabbusi bilan chiquvchi xo‘jalik yurituvchi subyekt, uning mulkdori ishtirokchilari va (yoki) aksiyadorlari;
ekologik auditorning malaka sertifikati — ekologik auditorning malakasini tasdiqlovchi va ekologik auditorlik faoliyatini amalga oshirish huquqini beruvchi hujjat;
ekologik audit obyekti — ekologik audit subyektining atrof-muhitga ta’sir ko‘rsatadigan xo‘jalik va boshqa faoliyati, shuningdek uning atrof-muhitni boshqarish tizimi;
ekologik audit subyekti — mahsulot ishlab chiqarishni amalga oshiruvchi, ishlarni bajaruvchi va xizmatlar ko‘rsatuvchi, o‘zida ekologik audit o‘tkaziladigan xo‘jalik yurituvchi subyekt va boshqa tashkilotlar;
ekologik auditorlik tashkiloti — ekologik auditorlik faoliyatini amalga oshiruvchi yuridik shaxs;
ekologik auditorlik faoliyati — ekologik auditorlik tashkilotining ekologik audit o‘tkazishni va turdosh xizmatlar ko‘rsatishni o‘z ichiga olgan tadbirkorlik faoliyati;
ekologik audit xulosasi — ekologik audit buyurtmachisiga yo‘llangan, o‘tkazilgan ekologik audit jarayoni, texnik jihatdan tartibga solish sohasidagi normativ hujjatlar hamda atrof-muhitni muhofaza qilish va tabiiy resurslardan oqilona foydalanish sohasidagi normativ-huquqiy hujjatlar talablarining aniqlangan buzilishlari, o‘tkazilgan laboratoriya sinovlarining natijalari to‘g‘risidagi batafsil ma’lumotlarni hamda ekologik audit o‘tkazish natijasida olingan boshqa axborotni o‘z ichiga olgan hujjat.