Ўзбекистон фермер, дехқон хўжаликлари ва томорқа ер эгалари кенгаши ўзбекистон тадбиркорлик ва фермерликни қЎллаб

Ҳосилни йиғиштириш 
Уруғ экилгандан сўнг 35-45 кун ўтиб, бўйи 15-20 сантиметрга 
етганда петрушка боғлаб сотувга чиқаришга тайёр бўлади. Петрушка 
ўсимлиги эрта тонгда - кун нисбатан салқинлигида йиғиб олинади. 
Яхши парваришланганда гектаридан 10-12 тоннагача ҳосил олиш 
мумкин. 

---

Кашнич етиштириш 
 
Навлари. 
Экиш учун тавсия этиладиган навлар: Ўзбекистонда 
кашничнинг Янтарь («Қаҳрабо») нави 1953, Орзу нави 1999, Ором 
нави 2001 йилдан районлаштирилган.
Янтарь – ўртача кечки нав. Ҳосилдорлиги гектарига 14-18 
центнер. Кашнич доналаридаги эфир мойлари миқдори 2,4-2,7% ни 
ташкил этади. Бир гектар ер майдонидан олинадиган эфир мойи 
миқдори 26-36 кг.ни ташкил этади. 1000 дона уруғининг оғирлиги 7 
грамм. 
МДҲ давлатларида экилаётган кашнич навлари: 
Авангард – Алексеевский, Бородино, Венера, Восточний 
аромат, Дебют, Кин-дза-дза, Король ринка, Луч, Мисхор, Нектар, 
Пучковая, Ранний, Санто, Стимул, Тайга, Шико, Янтарь каби навлар 
кенг миқёсда экилади. 
 
Айрим навларнинг хусусиятларига тўхталамиз: 
Ранний – тезпишар нав. Ўртача ҳосилдорлиги гектарига 13,8 
центнер. Уруғлари таркибида эфир мойлари 2,25-2,44% ни ташкил 
этиб, гектаридан 20-28 килограмм эфир мойлари олинади. 1000 дона 

---

уруғининг оғирлиги 7 грамм. Қурғоқчиликка, уруғларнинг 
тўкилишига ва ётиб қолишга чидамли. 
Нектар – кузги ва баҳорги муддатларда экиш учун яроқли. 
Совуққа чидамли. Кузги муддатда экилганида гектаридан 22-
27 центнердан ҳосил беради. Уруғлари таркибидаги эфир мойлари 
2,4-2,54% ни ташкил этади. Рамуляриоз касаллигига нисбатан 
чидамли.
Мисхор – Ўртача кечки нав. Уруғлар тўкилиши ва ёрилиб 
кетишига нисбатан чидамли. Ҳосилдорлиги гектарига 16 центнер. 
Уруғи таркибидаги эфир мойлари 2,35-2,54%. Гектаридан 36,4 кг. 
Эфир мойи олинади. Рентабеллилиги 100 фоиз.