Њзбекистон республикаси адлия вазирлиги

Egalik huquqining turlari. Biz yuqorida egalik bevosita va bilvosita turlari bilan tanishdik. Rim yuristlari, bundan tashqari, yana egalikning sivil turini ajratganlar. Egalikning bu turi XII jadval qonunlarida ham ko’rsatilgan. Bu turdagi egalik umumjamoa yerlaridan bir qismini egallab olish bilan bog’liq bo’lib, shaxs unda ikki yil ishlaganidan keyin yer unga egalik huquqida berilgan. Pretor faqat bunday mulk egasinigina emas, balki uni foydalanishga olgan shaxslarni ham himoya qilgan. Rimda: “Maza-maza shularniki” degan gap ham yurgan. Demak, egalik asosan de-fakto tan olingan. Chunki ashyoga egalik qilib turgan odamning boshqalarga nisbatan huquqi ko’proq hisoblangan.

Egalik ham qonuniy, ham g’ayriqonuniy bo’lgan. XII jadval qonunlariga asoslangan egalik qonuniy va insofli egalik hisoblangan. Unga to’g’ri kelmaganlari esa (masalan, birovning yerini egasi yo’g’ida bosib olish va h. k.) g’ayriqonuniy va insofsiz egalik hisoblangan.