Фехтования

“KELIShILDI” O‘zbekiston sambo assotsiatsiyasi raisi _______________ А.Аlimov “____” _______________2023-yil

“TАSDIQLАYMАN” O‘zbekiston Respublikasi Sportni rivojlantirish vaziri o‘rinbosari _______________ A.Aslonov “____” _______________2023-yil

Sportning sambo turi bo‘yicha 2023-yilda
O‘zbekiston chempionati, O‘zbekiston kubogi
hamda Respublika turniri musobaqalarini
o‘tkazish to‘g‘risidagi


N I Z O M I


Toshkent 2023 yil
Sportning sambo turi bo‘yicha 2023-yilda O‘zbekiston chempionati, O‘zbekiston kubogi hamda Respublika turniri
musobaqalarini o‘tkazish to‘g‘risidagi
N I Z O M I

Mazkur Nizom sambo sport turi bo‘yicha yilda O‘zbekiston chempionati, O‘zbekiston kubogi hamda Respublika turniri musobaqasini (bundan buyon matnda musobaqa deb yuritiladi) maqsadi va asosiy vazifalari, sport musobaqalari jarayonini tashkil etish va boshqarish, ularni o‘tkazishga rahbarlik qilish, uni moliyalashtirish, shuningdek musobaqa g‘olib va sovrindorlarini taqdirlash tartibini belgilaydi.

I-bob. Umumiy qoidalar

1. O‘zbekiston Respublikasi Prezidentining 2022-yil 11-apreldagi “Mahallalarda yoshlarni ommaviy sportga jalb qilishni yangi bosqichga olib chiqish chora-tadbirlari to‘g‘risida”gi PQ-201-sonli hamda 2022-yil 6-iyundagi “Davlat sport-ta’lim muassasalari faoliyatini mutlaqo yangi tizim asosida tashkil qilish chora-tadbirlari to‘g‘risida”gi PQ-268-sonli qarorlariga qarorlariga muvofiq, olimpiya, noolimpiya va milliy sport turlari bo‘yicha uch bosqichli umumrespublika sport musobaqalarini o‘tkazish tizimi joriy etilgan.

Bular quyidagilar:
birinchi bosqich — tuman (shahar) musobaqalarida g‘oliblikni qo‘lga kiritgan sportchilar, ikkinchi bosqich — viloyat musobaqalarida g‘oliblikni qo‘lga kiritgan sportchilar va uchinchi bosqich — respublika (final) musobaqalari.
Bunda, ushbu talablarga rioya qilinmasa jamoalar (yakka sportchilar)ni ishtirok etishiga yo‘l qo‘yilmaydi;
2. Musobaqalar O‘zbekiston Respublikasi hududida amaldagi FIAS International Sambo Federation (bundan buyon matnda FIAS deb yuritiladi) qoidalari asosida: o‘tkaziladi.
O‘zbekiston chempionati:
- kattalar, yoshlar, o‘smirlar va kichik o‘smirlar;
- sport maktablari, ixtisoslashtirilgan sport maktablari, oliy sport mahorati maktablari, oliy mahorat sport maktablari, Respublika oliy sport mahorati maktablari, sport turlari bo‘yicha ixtisoslashtirilgan davlat maktab-internatlari, Respublika Olimpiya va paralimpiya sport turlariga tayyorlash markazi, Olimpiya va paralimpiya zaxiralari kollejlari (kollejda mavjud bo‘lsa) (bundan buyon matnda sport ta‘lim muassasalari deb yuritiladi);
- sport tashkilotlari va jamiyatlari (MVSM, Kasaba uyushmalari sport jamiyati, “Yoshlik” KSJ, “Talaba” KSJ, sport klublari) ishtirok etadilar.
b) O‘zbekiston kubogi:
- kattalar, yoshlar, o‘smirlar va kadetlar o‘rtasida o‘tkaziladi va hakamlar xayʼati tomonidan baholanadi.
3. Musobaqani o‘tkazish uchun hakamlar hayʼati tarkibi O‘zbekiston Respublikasi sportni rivojlantirish vazirligi (bundan buyon matnda vazirlik deb yuritiladi) tomonidan tasdiqlanadi.
4. Musobaqalarni O‘tkazish jarayonida O‘zbekiston Respublikasi Konstitutsiyasi va Qonunlariga, O‘zbekiston Respublikasi Oliy Majlisi Palatalarining qarorlariga, O‘zbekiston Respublikasi Prezidentining Farmonlari, qarorlari va Farmoyishlariga, O‘zbekiston Respublikasi Vazirlar Mahkamasining qarorlari va farmoyishlariga, mazkur Nizomga hamda boshqa Qonun hujjatlariga amal qilinadi.