Fizika oqıtıwda kinofilmlerden paydalanıwdı joybarlaw Reje I. Kirisiw II. Tiykarǵı bólim

Bilimlendiriwde kinofilmlerden paydalanıwdıń áhmiyeti
Jańa texnologiyalardan oqıw processinde paydalanıw sabaq natiyjeliligin asırıw, temanı tereń ózlestirip alıw imkaniyatın jaratadı. Oqıtıwshılar multimediya oıqıw qollanbaların islep shıǵıwda bir qansha programmalıq qurallardan paydalanıwlarına tuwrı keledi. Anıq ayta alamız, keleshektegi oqıtıwshılar multimedia mádeniyatı ásirinde islewleri kerek. Olar ushın multimedia texnologiyalarınıń múmkinshilikleri, didaktikalıq potencialın biliw, olardı ámelge asıra alıw, nátiyjeli multimedia oqıw qollanbaları hám multimedia vizual texnologiyaların jaratıw texnologiyasına iye bolıw júdá zárúrli bolıp tabıladı. Zamanagóy oqıtıwshı ushın bul texnologiyalardı puqta iyelew onıń kásiplik iskerligi natiyjeliliginiń zárúrli shártine aylanadı. Bolashaq oqıtıwshılardı bilimlerdi uzatıwdıń multimediya formaların islep shıǵıwǵa tayarlaw processinde multimedialı bilimlendiriw procesin qáliplestiriw kompyuter texnologiyaları menen shuǵıllanıwshı shaxslar moynına júkletilip atır. Hár bir pán oqıtıwshısı óz pánin tereń biledi, biraq multimedialı bilimlendiriw processinde tiykarǵı itibar temanıń zárúrli sapalarına emes, bálkim programmalıq quraldı ámelge asırıw texnologiyasına qaratıladı. Óz pánin joqarı dárejede biletuǵın pedagoglarǵa bolsa multimedialı bilimlendiriw procesin shólkemlestiriwde kompyuter sawatxanlıǵı jetispeydi.
Búgingi kúnde multimedialı bilimlendiriw processinde video malıwmatlardan paydalanıw, video lekciyalardı jaratıw jáhán pedagogikalıq tájiriybesinde keń qollanılmaqta. Videosabaqlıq, ádetde, janlı bayanatta bar bolǵan quramdı saqlaydı. Video lekciyalardıń mánisi ne? Eger biz olardıń barlıq abzallıqlarınan paydalanıw hám usı texnologiyanı oqıw procesine nátiyjeli qollanıwdı qálesek, bizge tiyisli dárejedegi sapalı tayarlıq hám qollap-quwatlaytuǵın texnikalıq qurallar kerek boladı. Birinshiden, texnikalıq (videonı
qanday súwretke alıw kerek?, temanı qanday dárejede kórsetip beriw kerek?), ekinshiden, didaktikalıq (odan maksimal didaktikalıq effektti qanday alıw múmkin?) sorawlarǵa juwap izlew kerek.
Zamanagóy bilim beriw processinde jáhán tájiriybesinde invertirlengen klass bilimlendiriwi keń qollanılmaqta.
Invertirlengen klass (aylantırılǵan klass xanası) - oqıwshılardıń úy sharayatında baǵıtlanǵan tálim alıwı, mısalı, video sabaqlıqlardı tamasha etiwi hám klasstaǵı waqıtları jańa bilimlerdi interaktiv hám sheriklikte isletiwde paydalanılatuǵın oqıw strategiyası.
Inverterli klass - oqıtıwshı tárepinen úyde ǵárezsiz oqıw ushın material usınıs etiwshi oqıw texnologiyası bolıp, klassta material az mólsherde úyreniledi. Temanıń tiykarǵı bólegi oqıwshı tárepinen ǵárezsiz úyreniledi. Úy wazıypasın orınlaw vodkast (videofayl) texnologiyalarınan paydalanıwdı óz ishine aladı: oqıtıwshı tárepinen tayarlanǵan videosabaqlıqtı tamasha etiw, sabaqlıqlardı oqıw, túsindiriw sızılmaların kórip shıǵıw, temanı baslanǵısh iyelew dárejesin anıqlaytuǵın testlerdi orınlaw hám basqalar. Sabaq processinde úy wazıypasın orınlaw processinde payda bolǵan quramalı teoriyalıq bólim hám sorawlardı analiz etiwge arnaladı, ámeliy mashqalalardı sheshiw hám oqıtıwshı basshılıǵında ilimiy izertlew jumısların orınlawǵa waqıt sarplanadı. Oqıtıwshı sabaq temaları boyınsha video sabaqlıqlar tayarlawı, videomaǵlumatlardı jaratılıwı ushın bir qansha programmalıq qurallar bar.