Fizika oqıtıwda kinofilmlerden paydalanıwdı joybarlaw Reje I. Kirisiw II. Tiykarǵı bólim

Movie maker, Pinnatle studio, Adobe premiere dástúrleri járdeminde kinofilmńer jaratıw.
Sabaq processlerinde paydalanıw ushın bayanatshı video islep shıǵara almasa, dizayner yamasa úshinshi tárep sherikliginde islep shıǵılǵan video quramnan paydalanadı. Bayanatshı videofayldı ámeldegi bar bolǵan onlayn video quramınan ashıq bilimlendiriw dárekleri yamasa geybir derekler arqalı tańlaydı, mısalı, YouTubeden alıwı múmkin. Aldınan jazılǵan hám ulıwma kópshilikke usınıs etilgen bul materiallar oqıw processinde paydalanılıwı múmkin. Olardı Internette, maǵlıwmatlar bazalarında yamasa arxivtan tabıw múmkin. Tayın joqarı sapalı video sabaqlıqlarǵa iye kóplep derekler bar. Mısalı, dúnyaǵa ataqlı Xan akademiyasınıń biypul video sabaqları, TED, MOOC, YouTube lekciyaları. Eger uyqas video lekciya tabılsa, onı kerekli formatqa ótkiziw hám saylanǵan LMS (Moodle) ge júklewǵana qaladı. Mısalı, Xan akademiyasınıń vebsaytında (www.khanacademy.org) matematika, tariyx, densawlıqtı saqlaw, medicina, finans, fizika, ximiya, biologiya, astronomiya, ekonomika, kosmologiya, organikalıq ximiya, tiykarlar boyınsha 4,200 den artıq biypul mikro-lekciyalar toplamınan paydalanıw múmkinshiligin beredi. Lekciyalar ingliz tilinde alıp barıladı, biraq qalewshiler tárepinen olardı basqa tillerge, sonday-aq, rus, ózbek tiline de awdarmalaw boyınsha joybar qollap quwatlanadı.
Sabaq procesin jáne de natiyjelilew shólkemlestiriw maqsetinde oqıtıwshı ózinde video ónimlerdi programmalıq qurallardan paydalanıp jaratıwı múmkin.
Movie Maker - Microsoft Windows operacion sistemasınıń standart programmalarınan bolıp, ol arqalı filmler ústinde islew, dawıs jazıw, súwretli filmler jaratıw múmkinshiligi bar. Movie Maker programmasında tómendegi ámeller orınlaw múmkin:

• 
  video jazıw;
  
• 
  suwretke alıw;
  
• 
  Movie Makerge multimedialı fayllardı import qılıw;
  
• 
  fayllardı saqlaw;
  
• 
  klipti montaj qılıw;
  
• 
  videoeffekt hám tekstler menen islew;
  
• 
  dawıslar menen islew.
  

Videofayldı jaratıw tómendegi basqıshlardan ibarat:
1-basqısh: video, foto, muzıka, effect sıyaqlı materiallardı tayarlaw.
2-basqısh: joqarıdaǵı materiallardı birden-bir klipqa montaj qılıw.
3-basqısh: alınǵan videonı talap etilgen formatqa ózgertiriw.
4-basqısh: CD yamasa DVD-disktı jaratıw.

2-súwret. Windows Movie Maker aynasınıń uıwmalıq kórinisi.
Programma jumısqa túsirilgennen soń onıń jumısshı maydanı payda boladı. Jumısshı maydan tómendegi aynadan ibarat:

3-súwret. Movie Maker jumısshı maydanı.
Jumısshı aynada, tiykarınan, tómendegi bántler menen jumıs alıp barıladı.
1. ―Запись видео- bar bolǵan video, súwret hám dawıslı fayllardı jumıs maydanına jaylastırıw;
2. ―Монтаж фильма – video effekt, kadrlar arasındaǵı animaciyalar hám jazıwlarǵa animaciyalardı jaylastırıw.
3. ―Завершение создания фильма –tayın bolǵan materialdı kompyuter yadı yamasa kórsetilgen mánzilde saqlaw.
Ádetde, Windows Movie Maker video tahrirlawshı programmasında jaratılǵan materiallar (. wmv) keńeytpe menen saqlanadı. Bul programma .wav; aif; aiff; aifc; .snd; .mp3 sıyaqlı fayllar menen isleydi. Ayırım. avi,.MPEG4,.mov, HD keńeytpeli video fayllardı qabıl etpeydi. Bul keńeytpeli
videodan paydalanıw kerek bolsa, ol halda onıń keńeytpesin arnawlı videoconverter programmalarınan paydalanǵan halda ózgertiriw kerek.
Windows Movie Makerdiń tabısı sonda, bul jerde hátte kompyuter grafikalarınan uzaq bolǵan shaxsta ańsatǵana islewi múmkin. Ol jaǵdayda tómendegi islerdi orınlaw múmkin:

• 
  prezentaciyanı jaratıw;
  
• 
  súwretler qosıw;
  
• 
  hár qanday videonı kompilyaciya qılıw;
  
• 
  ájayıp video effektleri hám ótiw effektleri;
  
• 
  barlıq filmlerdi ornatıw.
  

Bunnan tısqarı, programmada video hám audio fayllar menen ózgertiriwler kirgiziw múmkin:

• 
  temanı tańlaw;
  
• 
  bólimlerge bóliniw;
  
• 
  páseyiw (tegis jılısıw ushın silindirlerdiń basında hám aqırında);
  
• 
  óz-ara baylanıwshı klipler.
  

Bul effektler tiykarınan videolar ústinde islewde júdá kóp járdem beredi.
Windows Movie Maker programması ózi barlıq XP paydalanıwshıları ushın Microsoft Windows XP Service Pack 2 (SP2) paketine ornatıladı. Bólek etip qoyıw múmkin emes.
Endi Windows Movie Maker video tahrirlawshı programmasınan qanday paydalanıw haqqında qısqasha maǵlıwmat beremiz. Programmada, tiykarınan, barlıq sazlamalar ―kadrlardı jaylastırıw qatarında atqarıladı. Ol jaǵdayda kadrlardı birlestiriw, filtrler qoyıw, kadrlar arasına effektler, perexod (otiw)ler jaylastırıw múmkin.
Windows Movie Makerda basqıshpa-basqısh tómendegishe jumıs atqarıladı :
1. Windows daǵı Movie Maker programmasına kiriń.
2. Ásbaplar panelinde " Import video" nı saylań. Fayldı júklep alıw ushın bir az waqıt kerek. Bul tuwrıdan-tuwrı bul fayldıń kólemine baylanıslı.
3.Video faylı júklengeninde, ol jumısshı paneldegi bir neshe kliplar kórinisinde boladı.
4. Biz bul kliplardı birlestiremiz hám bul kliptı " dawıs" yamasa " muzıka" trekine ótkizemiz. Fayllardı birlestiriw ushın siz Ctrl + A tuymelerin basıwıńız múmkin (barlıǵın saylań ), keyin Ctrl + M (birlespe) túymelerin saylań.
5. Fayldı saqlap, joybardıń audio kórinisin tańlaymiz hám sazlamalar arqalı audiojazıwlardı tahrirlaymız.
6. Jaratılǵan fayldı ashıń hám ol kompyuterde qanday kóriniwin tekseriń.

4-súwret. Movie Makerde videofayllardı jaylastırıw.
Tayın materialǵa at beriw, kadrlarǵa tekst qoyıw hám tamamlawdı ańlatıw (tamam―end) sıyaqlı tekstler jaylastırıw ámelleri atqarıladı. Tayın bolǵan video materialdı bul ayna arqalı kórsetilgen mánzilde kerekli at penen saqlaw múmkin.
Монтаж фильма-bóliminen kadrlarǵa filtrler hám olar arasına tómende kórsetilgendey perexodlardı jaylastırıp shıǵıw kerek. Создание названий и титров-den video fayldıń baslanıwına, dawamıy anıqlama beriwge (subtitr) hám juwmaqlawshı sózlerdi qoyıp animaciyalardı tómendegi áynalardan paydalanıp tayarlap shıǵıladı. Muzıka hám audiofayllar jaylastırıladı hám payda bolǵan proyekt kompyuter yadı yamasa basqa bir mánzil boyınsha saqlanadı.

5-súwret. Kliplar jaratıw
Windows Movie Maker járdeminde video hám audio fayllardı kompyuterge jazıw múmkin. Audio hám video jazıwlardı jazıw ushın cifrlı videokamera, analog kamera yamasa videomagnitofon, veb kameraTV tuner platası yamasa mikrofon kerek.
Pinnacle Studio HD Ultimate Collection - Blu-ray disklarınan kiritilgen videolardı HD video járdemi menen videonı tahrir qılıw ushın kópshilikke arnalǵan programma. Programmalar ápiwayı hám qolay interfeyske iye, onıń járdeminde túrli effektler, ótiwler hám animaciyalardı qollaǵan halda joqarı sapalı video jaratıw múmkin.

6-súwret. Pinnacle studio dástúri