Fransiya pensiya tizimi reja: Xorijiy davlatlar pensiya tizimlari modellarining mohiyati, xususiyatlari va shakllanish bosqichlari

Fransiya pensiya islohotlari
O‘qituvchilar, jamoat transporti haydovchilari, sud xodimlari, tibbiyotchilar, aviadispetcherlar va boshqa ko‘plab sohalar vakillari ko‘chalarga chiqishgan. Politsiyachilar orasida ham namoyishlarga qo‘shilganlar bor.
Namoyishchilar tutgan plakatda «Qashshoqlik urug‘ini ekkanlar g‘azab hosilini o‘radi» deb yozilgan
Ko‘plab maktablarda o‘qish to‘xtab qolgan, jamoat transportida uzilishlar yuzaga kelgan, ko‘plab shifoxonalarda juda kam sondagi xodimlar xizmat ko‘rsatmoqda.
So‘nggi vaqtlardagi eng yirigi deb hisoblanayotgan bu namoyish Makronning universal pensiya tizimi bo‘yicha taklifiga qo‘shilmagan kasaba-uyushmalari bilan kelishilgan holda tashkillashtirilgan.
Kasaba uyushmalari faollari va namoyishchilar Marselda avtobus harakatini to‘sib qo‘yishdi
«Biz iqtisodiyotni to‘xtatib qo‘yishimiz kerak. Odamlar jangga otlandi», deya so‘l kuchlarning Force Ouvriere kasaba-uyushmasi yetakchilaridan biri Kristiana Grolening so‘zlarini keltirmoqda Reyters agentligi.
Hukumat norozilik aksiyalari o‘tkazilishidan avvaldan xabardor edi va transport kollapsi yuzaga kelishi va iqtisodiyotga jiddiy zarar bo‘lmasligi uchun ma'lum tayyorgarlik ishlarini amalga oshirdi.
Ish tashlashlar davom etishi kutilmoqda, ayrim kasaba-uyushmalari rahbarlari Makron o‘z rejasidan voz kechmaguncha namoyishlar davom etishini ma'lum qilgan.
Islohotlar nega bu qadar norozilik keltirib chiqardi?
Fransiyada o‘nlab turli pensiya dasturlari mavjud. Makron bu tizim murakkab va qimmatga tushadi deb hisoblamoqda. U pensiya hisoblashning yagona mexanizmini yo‘lga qo‘yishni istamoqda.
Emmanuel Makron saylovoldi kampaniyasi vaqtidayoq pensiya islohotlari o‘tkazishni va'da qilgandi
Prezidentning rejasi har bir ishlangan kun uchun ball qo‘yib borish tizimini nazarda tutadi. Unga ko‘ra, kelgusida pensiya hajmi to‘plangan ballarga asoslanadi.
Yangi tizimda ko‘plab kasblar vakillari, jumladan, dengizchilar, huquqshunoslar va hatto artistlar pensiya imtiyozlaridan mahrum bo‘lishadi.
Fransiyada pensiya yoshi so‘nggi 10 yilda 60 yoshdan 62 yoshga ko‘tarildi. Lekin shunda ham bu taraqqiy etgan davlatlardagi eng past ko‘rsatkichlardan biridir. Masalan, Buyuk Britaniyada odamlar 66 yoshdan pensiyaga chiqishadi.
Makron tomonidan taklif qilingan islohot pensiya yoshini yana oshirishga olib keladi, chunki taklif qilinayotgan tartibga ko‘ra 62 yoshda nafaqaga chiqish pensioner yoshidagi fuqaro uchun foydasiz bo‘lib qoladi. To‘liq hajmda pensiya olish uchun fransuzlar 64 yoshgacha ishlashlariga to‘g‘ri keladi.