Фридрих шиллер макр ва мухаббат драма Комил Яшин ва Маъруф Хаким таржимаси

. Фердинанд. Сен ўзингни соғлом сезаётирсанми, Луиза?
Луиза. Бу савол нега керак?
Фердинанд. Бу дунёдан ёлғончи бўлиб ўтишингга ачинаман.
Луиза. Вальтер, ёлвораман сизга!
Фердинанд. Йўқ! Йўқ! Бу қасос ҳаддан ортиқ даҳшатли! Худо сақласин... Мен буни у дунёга-қолдиролмайман. Луизам! Сен маршални севар эдингми? Билиб қўй, бу уйдан остона ҳатлаб чиколмайсан.
Луиза. Майли, нимани истасангиз шуни сўранг. Мен энди, сира жавоб бермайман. (ўлтиради.)
Фердинанд (жиддий). Иймонинг қайғусини чексангчи, Луиза! Сен маршални севармидипг? Сен бу уй­дан чиколмайсан!
Луиза. Хеч қандай жавоб бермайман!
Фердинанд (қўрқинчли бир ҳаяжон ичида қиз олдига тиз чу кар). Луиза? Сен маршални севармидинг? Бу шам ёниб бўлгунча, сен улуғ тангри олдида жавобга ҳозир бўласан!
Луиза (қурқиб сакраб турар). Тангрим! Нима дединг? Аллақандай бўлиб кетаётибман. (Яна стулга ўлтириб қолади.)
Фердинанд. Мунча тез? Сиз хотин зотига сира тушуниб бўлмайди! Сизнинг нозик асабларингиз одамзодни таг-томири билан кемирувчи даҳшатли жиноятларга чидаб турган ҳолда зиғирдай заҳардан қақшаб қолади.
Луиза. Заҳар! Заҳар! Тангрим!
Фердинанд. Сен келтирган шарбат ширинликни жаҳаннамдан олган бўлса керак. Сен уни ўлиш учун ичдинг!
Луиза. Ўлим! Ўлим! Марҳаматли тангрим! Шарбатда заҳар ва ўлим! Оҳ, улуғ тангрим, ёш жонимга раҳм эт! .
Фердинанд. Хамма гaп шунда. Мен ҳам худодан шуни сўрайман.
Луиза. Отам, онам-чи... Тангрим! Менинг ҳалок бўлган бечора отам!.. Шундай ёш бўлсаму наҳотки нажот бўлмаса. Мен шу холда ўлиб кетаманми?
Фердинанд. Нажот йўқ! Ўлишинг керак! Аммо кўнгилни тўқ тут. Бу сафарга икковимиз биргалашиб жўнаймиз!
Луиза. Сен ҳам ичдингми, Фердинанд! Заҳар! Фер­динанд! Заҳарни солган сен! Тангрим, уни кечир! Мархаматли тангрим, уни бу гуноҳдан қутқар!
Фердинанд. Яхшиси ўз гунохларингни ҳисобга ол! Ўйлайманки, аҳволннг анча ёмон бўлса керак.
Луиза. Фердинанд! Фердинанд! Ох! Энди ортиқ жим туролмайман... Ўлим... Ўлим бугун ичган қасамлардан мени қутқаради. Фердинанд! Мендай бахтсизни на ер билади, на кўк. Мен гуноҳсиз ҳолда ўлиб кетаётипман, Фердинанд!