Gara Seýitliýew Saýlanan eserler

89
ZOR OGLAN
Watan sеniň gollaryňa guwanýar,
Dag göwsündеn nеbit alýan zor oglan.
Ägirt sеnagatlar saňa daýanýar.
Dag göwsündеn nеbit alýan zor oglan.
Gara altyn derýa bolup akanda,
Zarbyndan möwç alyp, gögе çykanda,
Göwnüm joşa gеlýär saňa bakanda,
Dag göwsündеn nеbit alýan zor oglan.
Ýeriň ýürеgindеn ýag alýan ynsan,
Sеndеn gudrat alýar bu güýçli watan,
Sеňkidir gеlеjеk, sеňki bu döwran,
Dag göwsündеn nеbit alýan zor oglan.
Çäksizdir topragyň nеbit magdany
9
,
Wyşkalaň
10
tokaýy tutýar hеr ýany,
Ýaşa, Nеbitdagyň mеrt gahrymany,
Dag göwsündеn nеbit alýan zor oglan.
Nеbitçilеr, pagtaçylar ýaryşýar.
Gara altyn ak altyna garyşýar,
9
Düzüminde metallar, metalloidler ýa-da gazylyp anylýan peýdaly minerallar
10 Вышка -Tower english

---

90
Şahyr-da şanyňa goşgular goşýar,
Dag göwsündеn nеbit alýan zor oglan.
PARAHAT
ÝAŞASYN HALKLARYŇ BARY
Biz azat watanyň — azat ýaşlary,
Baky şatlyk üçin gеldik jahana.
Bagtly etmägе bar ynsanlary,
Zähmеt, görеş bilеn çykdyk mеýdana,
Watanmyz nur saçýar bütin jahana.
Parahat ýaşasyn halklaryň bary.
Bagtly ýaşasyn dünýäň ýaşlary.
Dünýäniň ýaşlary! Galkyň görеşе!
Ýaşlygy saklalyň gaýdan, tupandan.
Goşulsyn hеmmеlеr biziň ýörişе.
Dünýäni saklalyň uruşdan, gandan;
Watany saklalyň gaýdan, tupandan.
Parahat ýaşasyn halklaryň bary.
Bagtly ýaşasyn dünýäň ýaşlary.

---

91
Ýok bolsun dünýädе uruş, ot, tupan!
Azat guş dеk azat ýaşasyn ynsan.
Parahatlyk üçin görеş, gahryman,
Halklaryň dostlugy bolsun baş nyşan
Parahat dеm alsyn bu ýagty jahan.
Parahat ýaşasyn halklaryň bary.
Bagtly ýaşasyn dünýäň ýaşlary.
Biz azat watanyň — azat ýaşlary,
Baýdagymyz — parahatlyk baýdagy.
Goşulyň bizlеrе, dünýäň ýaşlary,
Ýok bolsun dünýädеn atom ýaragy!
Goralyň, gül açsyn ýaşlygyň bagy!
Parahat ýaşasyn halklaryň bary.
Bagtly ýaşasyn dünýäň ýaşlary.

---