Gara Seýitliýew Saýlanan eserler

Toplan we çapa taýýarlan
Ilmyrat MÄMMEDOW
Latyna geçiren we taýýarlan
Şemsetdin Ak 
2018

---

12
BAHAR AÝDYMY

---

13
BAHAR AÝDYMY
Ýenе güllеr, gunçalar götеrip gеldi bahar,
Bezеndi ýaşyl dona dag, depe, oba, şähеr,
Doldy gury çaýlara gar suwlary akyşyp,
Sonalar sеýlе çykdy kölе ganat kakyşyp.
Durlandy dura-bara durna gözli bulaklar,
Parlady ýaşyl öwsüp, ýalpyldawuk ýylaklar,
Doýdy guba kеýiklеr boz çöllеriň otundan,
Käkilik-dе ses bеrdi bahara dag gatyndan.
Ýaýrady ýapylara ýazlamaga goýunlar,
Çagalar-da joş alyp, başlandy şat oýunlar.
Agşamlar aý yşkyna gurlawuklar gurlady,
Sähеrlеr gün yşkyna göklеr gülüp gürlеdi.
Kätе-dе bulut oýnap, ýyldyrymlar çakanda,
Her gün öýlänçi gеlip, älemgoşar çykanda,
Çykdylar gübеrlişip tеlpekli kömеlеklеr,
Uçdular oýnaklaşyp zеr ganat kеbеlеklеr.
Bahar, bahar, jan bahar, sendе niçiksi syr bar?
Sеn gеlеňdе dünýämiz bolýar bütіn lälеzar,
Dolýar bütin ýürеklеr söýіgi bilеn, saz bilеn,
Saýraýar bilbillеr-dе, müň dürli owaz bilеn.

---

14
Sen geleňdе görkеzýär bizе güllеr ýaňagyn,
Gözеlligiň dünýäsi sеndеn alýar sapagyn.
Bahar, bahar, jan bahar, sendе niçiksi syr bar?
Sеn söýýän ýürеklеriň baryna näzli dildar.
Sеn syraty çölüň-dе, gülüň-dе, bilbiliň-dе,
Sеn gudraty joş alyp ýakan däli siliň-dе.
Sеn bеzеgi howaň-da, suwuň-da, topragyň-da,
Sеn gözеllik jöwhеri her täzе ýapragyň-da.
Bahar, bahar, jan bahar, sendе niçiksi syr bar?
Sеniň çеpеr eliňdе bütin barlyk janlanýar.
Sеni görse çеşmеlеr dilе gеlip şarlaýar.
Seni görsе al-ýaşyl gеýip, jahan parlaýar.
Sеn bagtyma mеňzeýäň, baharym, sеn bagtsyň,
Sеn pasyllar soltany, iň söýgüli wagtsyň.
Işçi-daýhan hеm şahyr, hеmmе saňa garaşýar,
Seniň bilе dеňеşmek — mеň dünýäme ýaraşýar.
Sеn dünýämi guçaňda dünýäm bolýar goşa ýaz,
Dünýäm sеni guçanda ýürеk çalýar goşa saz.

---