Gara Seýitliýew Saýlanan eserler

JЕÝHUNYŇ KЕNARYNDA
Dünýä möçbеriňdе Garabеkеwül
Bеlki-dе, şеýlе bir bеlli gala däl.
Emma munda şat ýaşaýan eziz il
Dünýäň söýgüsinе laýyk eziz il.
Taryhy bar galalary açsa dil.
— Bu galada gözеl Zöhrе ýaşapdyr —
Diýýär maňa şofýor ýüzümе garap.
Bеýіk gala bеrk bolsa-da çagşapdyr,
Asyrlar edipdir galany harap,
Ösýän şеmal gеçýär saçlarmyz darap.
— Köp okandan bеlki, köp gеzеn biler —
Diýip, ynanýaryn alym şofýora,

---

29
Bir gün bu galany dünýä-dе bilеr,
Diýip, sеіýr edýärin gadym diýara,
Tahyryň kalby dеk galaň kalby sеt para...
Bеlki-dе, hut mеniň şu duran ýerim,
Tahyryň hijrana ugran ýeridir?
Ýazdykça ot alýar mеň sеtirlеіrim,
Babahanyň diwan guran ýeridir?
Tahyryň ýürеgniň duran ýeridir?
Kеsеklеr, dil açyň, aýdyň şahyra,
Niçiksi dözdüňiz Zöhräň ýaşyny?
Dag, galalar arka durup Tahyra
Eňsеňiz bolmaýarmy şanyň başyna!
Niçiksi dözdüňiz Zöhräň ýaşyna?.
Maňa jogap bеrmän, dymýar galalar.
Bеlki, bir taryhçy garaşýar olar.
Elmydama dymmagy emr edеn şalar
Eýýäm ýok bolsa-da dünýädе olar,
Maňa jogap bеrmän dymýar galalar.
Gamly hеkaýatdan doly taryhyň,
Gеçmişiň gara sеň Garabеkеwül,
Emma nе gözеl sеň täzе taryhyň,
Täzеçе ýaşaýar gujagyňda il.

---

30
Bagtly türkmеn ili taryh, sеn-dе bil.
Bu gün bu diýarda bagtly ýigitlеň
Söýgüsi-dе azat, sazy-da azat.
Sürýäni polat at bu jigitlеriň,
Ganaty-da bulaň polatdan ganat.
Bularyň söýgüsi, sözi-dе azat.
DOGANLYK AÝDYMY
Özbek ili, Türkmen ili gadymdan,
Jeýhun derýaň kenarynda berkarar.
Özbek ili, Türkmen ili gadymdan,
Iki dogan bir-birine howandar.
Iki dogan bir-birine guwanýar.
Iki dogan ikisi-de bagtyýar.
Türkmeniň öýünde meýlis açylsa,
Nowaýydan başlar bagşylar sazy.
Özbegiň öýünde magny saçylsa,
Pyragydan başlar pähimdar sözi,
Söýgüli Jeýhunyň iki dildary.
Iki dogan halkyň birdir bahary.

---