G’aznachilik faoliyatining tashkiliy-huquqiy asoslari

G’aznachilik faoliyatining tashkiliy-huquqiy asoslari

G’AZNACHILIK FAOLIYATINING TASHKILIY-HUQUQIY ASOSLARI

Reja:

• 
  G’aznachilik faoliyatini shakllantirishning huquqiy tartibga solinishi
  
• 
  Byudjet Kodeksi davlat byudjeti g’azna ijrosining huquqiy asosi
  
• 
  “Byudjet tizimi Byudjetlarining g’azna ijrosi qoidalari”ning mazmuni va tarkibi
  
• 
  Moliya vazirligi G’aznachiligining tarkibi va tashkiliy tuzilishi, funktsiya va vazifalari
  

G’aznachilik faoliyatini shakllantirishning huquqiy asoslari

O’zbekiston Mustaqillikka erishgandan so’ng, xo’jalik yuritishning bozor tizimiga o’tilishi, iqtisodiyot bozor infratuzulmasining shaklla­nishi va rivojlanishi mamlakat xo’jalik jarayonlarini amalga oshirish uchun zarur bo’lgan mexanizmni yaratishni talab etdi. Byudjet mablag’laridan oqilona va samarali foydalanishni ta’minlovchi shunday mexanizmlardan biri – davlat byudjeti ijrosining g’aznachilik tizimidir.

“Davlat moliyasini boshqarishni isloh qilish loyihasini amalga oshirishga tayyorlanish chora-tadbirlari to’g’risida” gi qaror (O’z.Res Vazirlar Mahkamasi 26.04.2002 144-son)

Mazkur loyihani amalga oshirishga Xalqaro tiklanish va taraqqiyot banki tomonidan 400,0 ming AQSh dollari miqdorida mablag’ ajratildi.

Bundan tashqari: “Yaponiya hukumati tomonidan O’zbekiston Respublikasida moliya axborot tizimining funktsional va texnikaviy tuzilmasini ishlab chiqishga” 500,0 ming AQSh dollari miqdorida grant berilishi bildirildi.

Loyihaning maqsadi: Davlat moliyasini boshqarishni takomil­lashtirish, zamonaviy kompyuterlar va axborot texnologiyalaridan foydalangan holda byudjet mablag’larining samarali sarflanishini ta’minlash, byudjet ijrosining yangi tizimini yaratishdan iborat edi.

O’zbekiston Respublikasi Vazirlar Mahkamasining “Davlat moliyasini boshqarishni isloh qilish loyihasini amalga oshirishga tayyorlanish chora-tadbirlari to’g’risida”gi 144-son (26.04.2002) Qarori, 1-band.