Графика: «Знак рубля» танлови финал босқичида қатнашган белгилар

Рубль — ₽
Россия рубли белгисининг ҳозирги кўринишига яқинроқ бўлган кўринишларини 1999−2000 йилларда дизайнер-графиклар ўртасида «Деньги» номли журнал томонидан ўтказилган «Знак рубля» танловида таклиф қилишган.

Графика: «Знак рубля» танлови финал босқичида қатнашган белгилар.
Танловда 300 дан ортиқ муаллифлар 1000 га яқин белгилар таклиф қилишган. Аммо аҳамиятли жиҳати, танлов давомида рубль белгиси XVII-XIX асрларда қўлланиб келингани тўғрисидаги илк далиллар топилди.
Шунингдек, бу каби танловлар 2005−2007 йилларда, жумладан 2006 йилда РИА Новости томонидан ҳам ўтказилган. 2006 йилда бу борада бир қарорга келиш учун Россия ҳукумати жиддий киришади ва валюта белгиси борасида бир қатор талаблар эълон қилинади. 2007 йил ўрталарига келиб бир қатор дизайнерлик студиялари рубль белгисининг ҳозирги кўриниши — ₽ белгисини таклиф қилишади. Бироқ бу борада бир қарорга келиш ортга сурилаверади ва ниҳоят 2013 йилда Россия Банки интернет фойдаланувчилари ўртасида аноним сўровнома ўтказади. Сўровномада 280 мингдан ортиқ кликлар бўлиб, биринчи ўринни олган белгига 61% иштирокчи овоз бергани айтилади. Бироқ сўровнома аноним тарзда ўтказилгани учун энг кўп овоз тўплаган белгилар очиқланмайди. Аммо 2013 йил декабрида 61% овоз тўплаган белги оҳир-оқибат расман рубль белгиси деб эълон қилинади.
2014 йилда рубль белгиси Юникод белгилари қаторига киритилади.
Қадимги Новгород шаҳрида (Россия) пул ўрнига лосос балиғи ишлатилган.
Россия зарбхонаси маълумотига кўра, битта беш рублли тангани тайёрлашга 67 тийин, икки рублли тангага – 79 тийин, бир рубллига – 35 тийин, эллик тийинликка – 26 тийин, бир тийинлик чақани ясашга эса 13 тийин маблағ сарф бўларкан.
Rubl — Rossiya Federatsiyasi pul birligi. 1992-yildan muomalaga kiritilgan. IP. = 100 kopeyka. Xalqaro ifodasi RUR. Xalqaro valyutalar kursi boʻyicha 1 AQSH dollari = 34,04 Rubl (2004, 20-yanvar).
Rubl 1917-yildagi Oktyabr toʻntarishiga qadar Rossiya imperiyasi, 1919—91 yillarda sobiq SSSR (shu jumladan, 1924—91 yillarda Oʻzbekiston)da amalda boʻlgan. "Rubl" atamasi 13-asrda Novgorodsa grivna [uz. 20 sm, ogʻirligi 200 g ga yaqin boʻlgan kumush quymasining kesilgan (ruscha "rublenniy")] yarim boʻlagi nomi tarzida paydo boʻldi. 1704-yildan boshlab muntazam holda vazni 28 g boʻlgan kumush Rubllar zarb qilina boshlandi, shuningdek, mis va oltin Rubllar ham zarb qilinishi davom etdi. 1843-yildan esa Rubl davlat xazinasining qogʻoz biletlari koʻrinishida chiqarila boshlandi. 1897-yilga kelib oltin Rubl asosiy pul birligiga aylandi va 1914-yilgacha muomalada boʻldi.
Dastlabki Sovet Rubl 1919-yilda kredit bileti sifatida chiqarilgan. Sobiq Ittifoq davrida Rubl banknotlari butun mamlakat miqyosida yagona pul birligi sifatida toʻliq amal qilgan. Oʻsha davrda Rubl Oʻzbekiston Respublikasining ham rasmiy pul birligi boʻlgan va uning hududida "soʻm" deb nomlangan. SSSR mustaqil davlatlarga boʻlinib ketganidan soʻng Rubl Rossiya Federatsiyasining milliy valyutasi sifatida saqlanib qrldi.