Guruh: 1B 21Metallurgiya Tayyorlovchi: Begaliyeva G. I

Konusli maydalagichlarning ishlashi

• Yirik maydalovchi konusli maydalagichga ruda vagon orqali beriladigan holatda maydalagich tiqilish ostida ishlashi mumkin, bu esa maydalanuvchi mahsulotni ag’dariluvchi vagondan bevosita yuklanishini ta`minlaydi. Kichikroq o`lchamdag maydalagichlar tiqilish ostida ishlay olmaydi, shu sababli ularda dastlabki mahsulot uchun qabul qiluvchi moslama o`rnatish ko`zda tutiladi. Bunday holda, qabul qiluvchi qurilmadan mahsulot maydalagichga plastinkali ta`minlagich orqali yuboriladi.
• Maydalangan mahsulot lentali konveyerga tushiriladi va keyingi maydalash bosqichiga yuboriladi. Odatda, mahsulot o`rta maydalashga lentali konveyer yordamida yetkazib beriladi, maydalagichdan avval esa maydalash jarayoniga tushishi kerak bo`lmagan mayin mahsulotni elash uchun g’alvir o`rnatiladi.
• G’alvirdan elak usti mahsuloti maydalagichga tushadi, elak osti mahsuloti esa maydalagichga tushmasdan maydalangan mahsulot konveyeriga yuboriladi

Katta unumdorlikka ega boyitish fabrikalarida yirik maydalash bo`linmasining ishlash tartibi odatda o`rta va mayin maydalash bo`limlarining ishlash tartibiga to`g’ri kelmaydi.
Shu sababli, ushbu bo`linmalar o`rtasida yirik maydalangan ruda ombor quriladi, buni ayni paytda bir vaqtning o‘zida o‘rta maydalash maydalagichlariga rudani taqsimlab berish uchun ishlatiladi, chunki, unumdorlik jihatidan bir nechta parallel ishlaydigan maydalagichlarni o‘rnatishga to‘g‘ri kelib qoloshi mumkin. Ombordan ruda bitta har bir maydalagichga alohida konveyerlar bilan yuboriladi.
Zamonaviy boyitish fabrikalarida o`rta va mayin maydalovchi maydalagichlar bir xil darajada va bitta binoda joylashadi. Rudani maydalagichlarga tarqatish uchun kichik sig’imga ega bo`lgan bunkerlar qurilgan bo`lib, ularning ostida elaklar o`rnatiladi. Yirik sinfdagi mahsulot maydalagichga kalta konveyer yordamida yetkaziladi. Bunday joylashtirish tartibida barcha maydalagichlar bitta yig’ma konveyerining ustiga joylashtiriladi. Bu konveyer orqali maydalangan mahsulotlar maydalagichdan chiqarib yuboriladi.
Yirik maydalovchi konusli maydalagichlarda maydalanish darajasi 6 ga teng
bo`lganda maydalashga sarflanadigan energiya bir tonna maydalangan mahsulot
uchun 0,1 dan 0,8 kVt soatni tashkil qiladi.
Yirik (a) va o`rta (b) maydalovchi konusli maydalagichlarni o`rnatish sxemasi: 1 – konusli maydalagich; 2 – ag’dariladigan temir yo`l vagoni; 3 –maydalangan mahsulot uchun lentali konveyer; 4 – o`rta maydalagichga rudani yetkazib beruvchi konveyer; 5 - g’alvir; 6 – ko`prikli kran.
Konusli maydalagichlari maydalash maydonida maydalanuvchi mahsulot
bo`lganda ishga tushiriladi. Ishga tushirishdan oldin moy rezervuaridagi moy miqdori tekshiriladi. Avval moylash tizimi nasosi va moyni sovutish tizimi ishga tushiriladi.
O`rta va mayin maydalovchi maydalagichlarga ruda bilan birga metall
bo`yumlar tushib qolishi oqibatida maydalagich sinishi va ishdan chiqishi mumkin. Maydalagichga rudani yetkazib beriladigan konveyer bo`ylab ikkita metall
aniqlovchi qurilma o`rnatiladi va ularning o`rtasiga osilib turuvchi kuchli maydonga ega bo`lgan elektromagnit o`rnatiladi.

E‘tiboringiz uchun raxmat