Ўзбекистон Республикаси Марказий банки қайта молиялаш сиёсатини такомиллаштириш мақсадида: - Ўзбекистон Республикаси Марказий банки қайта молиялаш сиёсатини такомиллаштириш мақсадида:
- Марказий банк қайта молиялаш инструментларидан комплекс фойдаланишни жорий қилиши лозим;
- Мамлакатимиздан экспорт қилинаётган маҳсулотлар баҳосининг конъюктуравий ошиши натижасида олинадиган қўшимча валюта тушумининг бир қисмини республика Марказий банкига берилиши унинг валюта интервенцияси ва қайта молиялаш кредитлари бериш имкониятини оширади;
- Марказий банк қимматли қоғозининг эмиссия ҳажмини ошириш ва тижорат банкларининг Марказий банкнинг қимматли қоғозларидан олинадиган даромадларини солиқдан озод қилиш.
- Ўзбекистон Республикаси Марказий банкининг амалдаги мажбурий захира сиёсатини такомиллаштириш ва унинг сўм алмашув курсига нисбатан салбий таъсирга бархам бериш учун, депозитларнинг муддати ва ҳажмига боғлиқ равишда табақалаштириш лозим.
- Ўзбекистон Республикаси Марказий банкининг валюта сиёсатини такомиллаштириш мақсадида валютавий своп ва Голд своп операциялари ҳажмини ошириш йўли билан миллий валюта бозоридаги хорижий валюталар таклифига таъсир этиш даражасини ошириш зарур.
- Ўзбекистон иқтисодиёти ривожланишининг ҳозирги босқичида халқаро рейтинг агентликларининг юқори кредит рейтингига эга бўлган мамлакатимиз корхоналари ва банкларининг облигацияларини Марказий банкнинг очиқ бозор операцияларининг объектлари таркибига киритиш йўли билан унинг очиқ бозор операциялари сиёсатини такомиллаштириш зарур.
Do'stlaringiz bilan baham: |
