Haq taolo bandasinnng qismatin Chun azal devonida qilmish raqam

QIT’ALAR

1

Haq taolo bandasinnng qismatin
Chun azal devonida qilmish raqam.
Chun aning tag‘yirining imkoni yo‘q,
Negakim, qilmish o‘zi javful qalam.
Kimki, andin ortuq o‘ksuk istagay,
Bordur oning jahli ortuq, aqli kam.
Tengri ehsonig‘a shod o‘lg‘an, qilur
O‘zni shod-u mehnatidin elni ham.
Shokir o‘lmay ulki, oz-u hirsdin,
Doim etgay o‘zni g‘amgin, kimga g‘am.
*
2
Biyik maqomig‘a ulkim tilar sabot, kerak
Ki, egrilikni qo‘yub, tuzluk aylasa qonun.
Tuz o‘lsa soyasida el tinib manor kebi,
Sipehr uyida turar qarnlar nechukki sutun.
Gar egridur yog‘ibon o‘qu bog‘lanib bo‘yni,
Bo‘lur qabaq yig‘ochidek besh-o‘ncha kunda nigun.

3
Har kishikim topsa davron ichra joh-u e’tibor

Kim, aning zotida bedod-u sitam bo‘lg‘ay qilig‘.
Yaxshilig‘ gar qilmasa, bori yomonlig‘ qilmasa
Kim, yomonlig‘ qilmasa, qilg‘ancha bordur yaxshilig‘.

4
Og‘zinga kirgan takallum rishtasin chekma uzun

Kim, bu ishtin sarnigunluq yuzlanib, nuqson kelur.
Ko‘rki, chun og‘zig‘a kirgan rishtasig‘a berdi tul,
Ankabut ul rishtadin har dam nigunsor osilur.

5
Chun g‘araz so‘zdin erur ma’ni anga,

Noqil o‘lsa xoh xotun, xoh er.
So‘zchi holin boqma, boq so‘z holini
Ko‘rma kim der oni, ko‘rgilkim ne der.

6
Dedi hazrati mufhiz koinot,

Anga kim edi huznin o‘ksitguchi.
Ki, dunyoda bo‘lg‘il nechukkim, g‘arib
Va yoxud aningdekki, yo‘l o‘tkuchi.

7
Tuzlukka moyil o‘lki, ishing borg‘ay ilgari,

Yuz mushkil o‘lsa yo‘qsa ming ollingda har zabon.
Yuz safha bir qalam bila kotib qilur raqam,
Ming qo‘yni bir aso bila har yon surar shubon.

8

Ul-ki, if-looos-din a-yo-g‘in-da
Kafsh yo‘ -liy az-mi cho-g‘i yo‘q-tur a-ning,
Shukr qil-dik ba-qib bi-rav so-ri
Ki, yu-rur-g‘aa a-yo-g‘i yo‘qtur aning.

9
Ko‘p oltun, kumush sori qo‘l sunmog‘il

Ki, tutsang kafingni qora zang etar,
Ko‘ngulda dag‘ii maylini asrama
Ki, ko‘nglungni dog‘i hamul rang etar
10

Agar oqil esang, uzgil jahon ahlidin ulfatkim,

Alardin juz jafo kelmas, agar yuz yil vafo qilsang.
Biriga yuz Xito mulki xirojin aylasang iysor,
Xatosiz qasdi joning qilg‘usidur, gar xato qilsang.

11
Nokas-u nojins avlodin kishi bo‘lsun debon,

Chekma mehnatkim, latif o‘lmas kasofat olami
Kim, kuchuk birla xo‘dukka necha qilsang tarbiyat,
It bo‘lur, dog‘i eshak, bo‘lmaslar aslo odami.

12
Tavozuu yaxshi, ammo yaxshiroqdur

Agar da’b etsa oni ahli davlat.
Erur ham afv xo‘bu xo‘o’broq ul
Ki, zohir bo‘lg‘ay el topqanda qudrat.
Ato ham turfa ishdur turfaroq bil,
Agar yo‘qtur aning yonida minnat.
Hakim insoni komil debtur oni
Ki, bo‘lg‘ay zotida buu necha xislat.

13
Qarilar xotiri nozukdur, ey tifl,

Shikastidin qilib vahm, o‘lma gustox:
Unuttungmuki, atfol o‘ynag‘anda,
Sinar oz mayl ko‘rgandin quruq shox.

14
Kiyib samur ila kish qilma asru ra’noliq,

Ipak libos ila tutma g‘urur jomi to‘la.
Tiyinning o‘z tuki-o‘q bo‘ldi jonig‘a ofat,
Farisa paridin keldi o‘z boshig‘a balo.

15

Qanoat go‘shasin tutqilki, chun anqo bu da’b etti,
Anga qushlar ichinda qurb qofida nishimandur.
Chu parvoriy tovug‘ning og‘zi tinmas tu’madin garchi,
O‘lar oxir anga avval katak zindoni maskandur.

16
Yuziga asli yomonning ko‘p ochma gulshani xulq,

Siyahgilemga albatta mehr aylama fosh
Ki qilmadi gul isi birla toza ruh jual,
Quyosh charog‘ig‘a parvona bo‘lmadi xuffosh.

17
Kamol et kasbkim, olam uyidin

Sanga farz o‘lmag‘ay g‘amnok chiqmoq.
Jahondin notamom o‘tmak biaynih,
Erur hammomdin nopok chiqmoq.