I. Боб. “Корпоратив бошқарув ва рақобатни ривожлантириш”

 
 
 
 
 
 

---

4 
Кириш 
Ўзбекистон 
Республикаси 
мустақилликка 
эришганидан 
кейин 
тадбиркорлик фаолиятини юритиш ва корпорацияларни бошқариш усуллари 
ўзгара бошлади. Корпоратив бошқарув андозаларини жорий этишнинг 
иқтисодий жиҳатлари, корпорациялар бошқарувининг самарали тизимини 
шакллантириш, бошқарувнинг тамойиллари, уни тузишга таъсир этувчи 
омиллар каби масалалар ҳозирги вақтда долзарб ҳисобланади. 
Ушбу дарсликда корпорацияларни бошқариш усуллари ва уларнинг 
амалдаги тизими, корпорацияларни бошқаришнинг ҳозирги замон ривожланиш 
тенденциялари, корпоратив бошқарув андозаларини жорий этиш масалалари 
кўриб ўтилган. Корпоратив тушунчасининг иқтисодий мазмуни ва моҳияти, 
Ўзбекистон Республикасида мулк шаклларини ўзгартириш жараёнларини 
амалга оширишда келиб чиқадиган низолар ва уларнинг турлари, шунингдек, 
уларни бартараф этиш масалаларига алоҳида тўхталган. 
Ўзбекистон Республикасида корпоратив бошқаришнинг миллий 
моделини шакллантириш жараёнлари давом этмоқда, шу сабабли ушбу уқув 
қўлланмада корпоратив бошқарув муаммолари ва уларни бартараф этиш 
мавзуларига ҳам алоҳида эътибор қаратилди. 
Ушбу ўқув қўлланманинг асосий мақсади талабаларда корпоратив 
бошқарув тизими ва таркиби, компанияларда корпоратив маданиятни жорий 
этиш бўйича тушунчаларга эга бўлишдир. 
Ўқув қўлланманинг асосий вазифалари - бу корпоратив бошқарув 
тизимини ва асосий назарияларини ўрганиш, компанияларни бошқариш 
фаолияти тамойиллари, корпоратив низоларни ечиш ва уларнинг ҳуқуқий 
меъёрий кўникмаларини ҳосил этишдан иборат.
Ўқув қўлланма иқтисодий мутухассисликлар талабалари учун иқтисодий 
фаолиятни юритиш мақсадида назарий ва амалий билимларга эга бўлиши 
мумкин.Корпоратив алоқаларини кучайтириш ва ҳамкорликни мустаҳкамлаш
очиқ иқтисодиёт йўлида изчил ривожланишимизнинг муҳим омили 
ҳисобланади. 

---

5