I variant 8-klass

I variant
8-klass
Ata-ananıhúrmetlewhaqqında

Áy, balam , aqıljúritipbilǵil: ata-ananıń húrmet- izzetin moyinǵa alıw lazim, sebebi perzenttiń túp tiykarı ata-anadur. Ne ushın ata-anamdı húrmet qılaman dep kewlińe keltirme.

Olar seniń ushın ólimǵe de tayar turadi. Sen sonı biliwiń kerek. Eǵer hárbir perzent aqıllı , dana bolsa , ata-ananıń mehr-muhabbatı ushın hesh nárseni orınlawdan da bas tartpaydı. Ata-ananıń jumısı-seni tárbiyalap ósiriw hám saǵan jaqsıliq úyretiw.
Ata-ananıń kewlin hesh te renjitpe ... Olardiń júrek bawırın daǵlama .
Sen ata-anań haqqinda din jaǵınan ámel qılmasańda , aqil múriwbet , adamǵershilik kóz qarastan ámel qıl. Kórǵil, ata-ana saǵan jan táni menen ǵamxorlıq qılar , eǵer sen olarǵa qáte is qılsań , sen heshqanday jaqsılıqqa sazawar emesseń, sebebi adam ata-ananıń jaqsılıǵın bilmese , basqa birewdiń jaqsılıǵına baha bere almaydı. hám óz perzentińniń seni húrmet qılıwın qáleseń, sen de óz ata-anańdı húrmet qıl, sebebi sen ata-anańa qanday is qılsań , perzentiń de saǵan sonday is qıladı.
Adam miywaǵa , ata-ana daraqqa usaydı. Daraqqa jaqsı tárbiya qılsań hám húrmetti kóbirek qılsań sen haqqındaǵı olardıń duwası tezirek qabil boladi.
Miyras aliw niyetinde ata-anańnıń ólimin hasla tileme . Olardıń ırısqısı arqalı ırısqıǵa iye bolasań , ırısqi boliw kúndelikli tirishilik dep ózińdi azapqa salma , birewdiń ırısqısın alaman dep háreket qılmaǵıl. Sennen hal-awhalı jaqsıraq bolǵan adamǵa qızǵanısh penen qaramaǵıl...
Dúnya-malsızliqtan jarlı bolsań da, aqılǵa bay bolıwǵa háreket qıl , sebebi dúnya-mal menen bolǵannan ǵóre aqılǵa bay bolǵan adamǵa jaqsıraq. Aqıl menen dúnya-tabiwǵa boladı, biraq dúnya-mal menen aqıl tawip bolmaydı. Ańqaw, nadan tez kámbaǵallasadı, biraq mına nárseni bilǵil : aqıl ol urı alıp kete almas , otta janbas, suwda batpas bir qımbat bahalı nársedur.
Eǵer aqıliń bolsa , óner úyren , sebebi ónersiz aqil , lipassız tán yáki bet-álpeti joq adam sıyaqlı.
Bilim-bul aqıl belǵisi deǵen ekenler. (“Qabusnama”dan)

Eskertiw:
1.Bayan jumısına joba dúzin`
2.Naqıl-maqallardan ,hikmetli so`zlerden paydalanıp pikirlerin`izdi o`z sheberligiń`iz benen tolıqtırıp jazıń.