Ii ma’ruza. Neft va gaz quduqlarini burg‘ilash usullari

II ma’ruza. NEFT VA GAZ QUDUQLARINI BURG‘ILASH USULLARI

2.1. Quduqlarni burg‘ilashda qо‘llaniladigan asosiy vositalar

2.2. Neft va gaz quduqlari burg‘ilash usullari va ularning turlari

REJA
Tayanch iboralar: muvaffaqqiyatli tugallash, geologik-texnik naryad, professional, murakkabliklar, tayanch quduqlar, parametrik quduqlar, tuzilmali quduqlar, izlov quduqlari, qidiruv quduqlari, ishlatish quduqlar, maxsus quduqlar
2.1. QUDUQLARNI BURG‘ILASHDA QО‘LLANILADIGAN ASOSIY VOSITALAR

Neft va gaz quduqlarini qurish murakkab va xavfli jarayonlar-dan hisoblanadi. Neft va gaz quduqlarini burg‘ilashda va muvaffaqqiyatli tugallashda bir qator qoidalar va holatlarga amal qilinadi. Quyida shunday qoida va yо‘llanmalar tо‘g‘risida fikrlar berilgan
1.Burg‘ilash brigadasining hamma a’zolari asosan burg‘ilovchi geologik-texnik naryadni (GTN), shu jumladan maydonda burg‘ilash ishlarini olib borish xususiyatlarini, quduqning geologik qirqimlarini yaxshi bilishi shart. Burg‘ilash jarayonida oraliqlarda sodir bо‘ladigan mushkulotlarga jiddiy e’tibor berilishi talab qilinadi. Bunday oraliqlarni burg‘ilab о‘tish jarayonida ehtiyotkorlik tadbirlari qо‘llaniladi.
2. Burg‘ilash brigadasi jamoasi va asosiy bо‘linma bir–biri bilan dо‘stona munosabatda va chambarchas bog‘langan bо‘lishi shart. Burg‘ilash jarayoni va kuzatuv tadqiqot ishlaridan ma’lumki, neft va gaz quduqlarini qurishda kо‘tilmagan ekstremal holatlar (avariya, gaz otilmalar, yong‘in, favvoralar va boshqalar) sodir bо‘lib turadi. Bunday paytda burg‘ilash brigadasidan malakaviy tajriba, ustamonlik, sovuqqonlik, jasorat va ishonchlilik talab etiladi
3.Burg‘ilash brigadasining har bir a’zosi texnika xavfsizligi qoidalariga rioya qilishi, shikastlanuvchiga birinchi tibbiy yordam kо‘rsata olishi, gaz portlaganda, yong‘inda va boshqa ekstremal holatlarda о‘zining majburiyatlarini mukammal bilishi shart va zarurdir. Burg‘ilash ustasi tomonidan doimiy ravishda burg‘ilash brigadasining a’zolarini о‘qitib hamda harakatlanish tartiblarini о‘rgatib borladi.
4.Burg‘ilash brigadasining har bir a’zosi kо‘rsatma bо‘yicha о‘ziga berkitilgan vazifalarni amalga oshirishi shart. Qolgan hamma harakatlar burg‘ilash ustasining kо‘rsatmasiga binoan amalga oshiriladi.