Ii. Tiykarǵi bo’lim Muwapiqliqti bahalawda tiykarg’i tu’sinikler

muwapıqlıqtı tastıyıqlaw — normativ-huqıqıy hújjetlerdiń, sonıń menen birge texnikalıq tárepten tártipke salıw salasındaǵı normativ hújjetlerdiń talapları orınlanǵanlıǵı tastıyıqlang’ani haqqında Milliy akkreditasiya organı yamasa muwapıqlıqtı bahalaw shólkemleri tárepinen qabıl etilgen sheshimge tiykarlanǵan hújjetlestirilgen (akkreditasiya tuwrısındaǵı gúwalıq, muwapıqlıq sertifikatı hám muwapıqlıq tuwrısındaǵı deklaratsiya formasındaǵı ) tastıyıq;
xızmetkerler — muwapıqlıqtı bahalawǵa tiyisli islerdi ámelge asırıw ushın tayarlıqqa hám ilmiy tájriybege iye bolǵan qánigeler. Muwapıqlıqtı bahalawdıń tiykarǵı wazıypaları
Muwapıqlıqtı bahalawdıń tiykarǵı wazıypaları tómendegilerden ibarat
• insannıń ómiri hám den sawlıǵın, yuridikalıq, fizikalıq shaxslardin’ hám mámlekettiń buyım-múlki qawipsizligin támiyinlew;
• átirap -ortalıq qáwipsizligin, sonıń menen birge tábiy resurslardan aqılǵa say paydalaniwdi támiyinlew;
• ónim, islep shıǵarıw processleri, xızmetler, menejment sistemaları, xızmetkerlerdiń normativ-huqıqıy hújjetler, sonıń menen birge texnikalıq tárepten tártipke salıw salasındaǵı normativ hújjetler talaplarına muwapıqlıǵın tastıyıqlaw ;
• muwapıqlıqtı bahalaw shólkemleri akkreditasiyanin’ belgilengen salasında islerdi orınlawǵa wakillikli ekenligin tastıyıqlaw ;
• ishki hám sırtqı bazarlarda ónim hám de xızmetlerdiń básekige shıdamlılıǵın asırıw ;
• xalıq aralıq ekonomikalıq, ilimiy-texnikalıq sheriklikte hám xalıq aralıq sawdada qatnasıw ;
• sawda daǵı texnikalıq tosqınlıqlardı saplastırıw.
Muwapıqlıqtı bahalawdıń tiykarǵı principleri
Muwapıqlıqtı bahalawdıń tiykarǵı principleri tómendegilerden ibarat :
• muwapıqlıqtı bahalawdıń birden-bir qaǵıydaları hám tártip-dástúrlerin qóllaw ;
• muwapıqlıqtı bahalaw haqqındaǵı informaciyanıń isenimliligi hám ashıqlıǵı ;
• akkreditasiya etilgen muwapıqlıqtı bahalaw shólkemleriniń xızmetlerinen paydalanıwǵa tosıqlar qoyıwǵa hám olar ortasındaǵı básekini sheklewge jol qoymaw;
• mámleket sırlarınıń, kommerciya sırıniń hám nızam menen qoriqlanatuǵın basqa sirlardin’ saqlanıwı ;
• akkreditasiya boyınsha iskerlikti sertifikatlastırıwǵa, muwapıqlıqtı deklaratsiyalawǵa, júkti juklewden aldın hám júkti túsiriw waqtındaǵı inspeksiyani ámelge asırıwǵa, ónim sınawi, sanitariya-epidemiologiya, veterinariya, veterinariya-sanitariya, fitosanitariya juwmaqların beriwge, ekologiyalıq ekspertiza ótkeriwge tiyisli iskerlik menen qosıp alıp barılıwına jol qoymaw.