Ижара шартномаси

3. Томонларнинг мажбуриятлари 
3.1. Ижарага олувчи қуйидаги мажбуриятларни ўз зиммасига олади: 
талабалар турар жойида ўтказиладиган теварак-атрофларни кўкаламзорлаштириш ва ободонлаштириш ишларида 
кўнгилли равишда иштирок этиш; 
ҳар кун дарсга ёки бошқа юмуш билан кетиш олдидан калитни фойеда турадиган навбатчига қолдириб кетиш; 
истиқомат қилаётган хонасини тоза ва озода сақлаши, буюмларини тартиб билан жавонга жойлаштириши, жиҳоз ва 
мебелларини асраб-авайлаши; 
шартнома муддати тугагач, хона ва жиҳозларни бут ҳолатда белгиланган муддатда турар жой маъмуриятига 
топшириш; 
талабалар турар жойининг ички тартиб қоидалари ва йўриқномалари, ҳамда интизомга қатъий риоя қилиш; 
талабалар турар жойига киришда назоратчига рухсатномани очиқ ҳолда кўрсатиш; 
умумий фойдаланиш жойлари (ҳожатхона, душ, ошхона, кир ювиш жойлари) дан тартиб интизомга риоя қилган ҳолда 
унумли фойдаланиш; 
хонадошлари ва бошқа талабалар турар жойи ходимлари билан хушфеъл муносабатда бўлиш; 
талабалар турар жойида ўтказиладиган тадбирларда кунгилли равишда иштирок этиш, маънавият ва маърифат 
хонасидаги газета-журналлардан, тадбирлар ўтказиш хонаси, спорт зали, дам олиш хоналаридаги мавжуд жиҳозлардан 
оқилона ва унумли фойдаланиш; 
спорт хонаси, тренажёрлар, ошхона, кир ювиш хонаси ва бошқа умумфойдаланиш хоналаридан белгиланган 
меъёрларда (график асосида) фойдаланиш; 
талабалар турар жойи бошлиғининг рухсатисиз бир хонадан бошқа хонага кўчиб ўтмаслик; 
истиқомат қилаётган хонада кир ювмаслик, ҳўл сочиқ, кийимларини мебелларга осиб қуритмаслик; 
хонадаги анжомларни бошқа хонага рухсатсиз кўчирмаслик; 
хонадаги электр тармоқларини ўз хоҳишича ўзгартириш ва қўшимча ёритгич ўрнатмаслик; 
талабалар турар жойига тегишли асбоб ускуна ва бошқа мол-мулкни бинодан ташқарига олиб чиқиб кетмаслик; 
хона деворларига турли расмлар чизмаслик ва турли расм, плакатлар ёпиштирмаслик; 
талабалар турар жойи ва хонадаги мебелларни, дераза ва унга қўйилган ойналарини синдирмаслик, эшик ва 
қулфларни рухсатсиз алмаштирмаслик; 
умумий фойдаланиш жойларига қўйилган унитазларни, раковиналарни, электр чироқларни ва уларнинг патронларини, 
электр плиталарни, душ, ювиниш, дазмоллаш хонаси, ошхона ҳамда ундаги мавжуд жиҳозларга зиён етказмаслик, 
бутунлигини таъминлаш; 
электр плиталардан хавфсизлик техникаси қоидаларига риоя қилган ҳолда тўғри ва тежамли фойдаланиш, хонада 
қўшимча электр иситгич асбобларидан фойдаланмаслик; 
ўзга шахсларни талабалар турар жойида тунаб қолишга йўл қўймаслик ва хонага бегона шахсларни турар жой 
маъмурияти рухсатисиз киритмаслик; 
талабалар турар жойига спиртли ичимликлар ва тамаки маҳсулотларини олиб келмаслик ҳамда истеъмол қилмаслик;

---

деразадан турли чиқинди ва бошқа нарсаларни ташламаслик; 
турар жой қаватида ва вахтада жадвал бўйича навбатчилик қилиш (кириб-чиқиш қоидаларига амал қилган ҳолда) талаб 
даражасида қаватни ҳамда умумий фойдаланиш жойлари (ҳожатхона, ювиниш хонаси, ошхона ва бошқалар)ни тозалаш, 
ахлат ва бошқа чиқиндиларни ўз вақтида чиқариш; 
талабалар кенгаши томонидан белгиланган қават сардорларининг ўз вазифаларига масъул бўлиши; 
талабалар кенгаши раиси ва қават сардорларининг кўрсатмаларини бажариш. 
Талабалар турар жойига тунги соат 22.00 дан кечикмасдан келиш. 
3.2. Ижарага берувчи қуйидаги мажбуриятларни ўз зиммасига олади: 
стандартларга мос келадиган, сифатли жиҳозлар ва хона билан таъминлаш; 
ижарага олувчини талабалар турар жойига рўйхатга қўйиш; 
берилган жиҳозларнинг яроқлилигини назорат қилиш; 
ёзги таътил даврида талабалар турар жойидаги умумий фойдаланиш жойларини заруриятга қараб жорий ва капитал 
таъмирдан чиқариш; 
таълим олувчилар жойлардаги маънавият ва маърифат хоналарини газета ва журналлар билан таъминлаш ҳамда турли 
тадбирлар уюштириш. 
3.3. Талабалар турар жойи ҳаётида фаол иштирок этаётган намунавий хулқли талабалар қуйидаги тартибда 
рағбарлантирилади: миннатдорчилик билдириш; мақтов ёрлиғи; эсталик совғалар; 
3.4. Ижарага олувчи томонидан талабалар турар жойи ички тартиб-қоидаларини бузган талабаларга нисбатан 
қуйидаги чоралар кўрилади: 
талабалар кенгаши қарорига мувофиқ биринчи марта огоҳлантирилади ва талабалар турар жойи маъмуриятига 
маълумот берилади; 
талабалар турар жойидан чиқарилади; 
талабалар турар жойи асбоб–ускуналарини бузган, уларга зарар етказган шахслардан етказилган зарарнинг 100% 
миқдоридаги тўлови ундирилади.