Ijodiy ta’lim att kafedrasi katta o’qituvchisi: Salixova Muhayyo Shakirovna

Ijodiy ta’lim

IJODIY TA’LIM

ATT kafedrasi katta o’qituvchisi: Salixova Muhayyo Shakirovna

Reja:

• 
  KIRISH
  
• 
  “Shaxs o’zligi” tushunchasi va shaxs rivojlanishining o‘ziga xos xususiyatlari.
  
• 
  “Shaxs o’zligi” tushunchasining pedagogikadagi ahamiyati.
  

Insoniyat o‘z rivojlanishining yangi bosqichiga qadam qo‘ydi – axborotlashgan jamiyat shakllanayabdi, unda axborot va axborot jarayonlari inson hayot faoliyatining muhim tashkil etuvchilaridan biri bo‘ladi. Bu o‘quv jarayoni professor-o‘qituvchilardan elektron axborot ta’lim resurslaridan keng foydalanishni talab qiladi, ammo bu jarayonni professor-o‘qituvchilarni maxsus tayyorlamasdan turib, tashkil qilish mumkin emas. Hozirgi kunda professor-o‘qituvchilarni, yangi ta’lim natijalarini erishishga qaratilgan ta’limni elektronlashtirish jarayonida ijodiy yondashuv hamda kreativ fikrlashni rivojlantirish va qo‘llash uchun ushbu fan ishlab chiqilgan.

Hozirgi zamon ta’limi insonning savod darajasini oddiygina ko‘tarishga emas, balki atrof dunyoning tez o‘zgarayotgan iqtisodiy, texnologik, sotsial va axborot realligiga moslashgan fikrlashning boshqacha obrazi va usulini, insoniyat hamjamiyati hayotida va insonning o‘zining faoliyatida axborot va axborot jarayotlarining hal qiluvchi rolini tushunishga asoslangan yangi axborotlashgan dunyoqarashni shakllantirishga qaratilgan bo‘lishi kerak.

AKT vositalaridan foydalanishigagina emas, balki uning ijodiy ta’lim resurslarini loyihalashga, ishlab chiqishga va uni takomillashtirish metodikasini yaratishiga ham zaruriyat tug‘ilayabdi.

Ijodiy ta’lim predmeti bo‘lajak mutaxassislarda ijodiy ta’lim jarayoni tashkillashtirish, kreativ pedagogikani tashkil etuvchi kompyuter vositalari, ularning turlari va ular foydalanishga qo‘yilgan talablar haqida tushuncha berishi bilan ahamiyatlidir.

Shaxs tushunchasi nima?

“Shaxs o’zligi” chi?

Shaxs tushunchasi insonga ta’lluqli bo‘lib, psixologik jihatdan taraqqiy etgan, shaxsiy xususiyatlari va xattiharakatlari bilan boshqalardan ajralib turuvchi, muayyan xulq-atvor va dunyoqarashga ega bo‘lgan jamiyatning a’zosini ifodalashga xizmat qiladi.