Ilk qadam davlat o‘quv dasturi asosida kichik guruhlarda yil davomida

Bolalar uchun amaliy ish.
Kichkintoylar stullarga o’tirishadi. Tarbiyachi so’raydi: «Bolajonlar, har biringizning oldingizda ikkita tasma turibdi. Ularga yaxshilab e’tibor bering. Tor qog’oz tasmaning rangi qanday? Qanday bilsak bo’ladi? To’g’ri, tasmalarni ustma-ust qo’yib eni o’lchanadi».
Tasmalarning keng–torligi ustiga va yoniga qo’yish usullari yordamida aniqlangandan keyin tarbiyachi topshiriq beradi: tor tasmani balanddan, keng tasmani pastdan qo’yinglar, tor tasmaga bitta jo’ja qo’yinglar, keng tasmaga ko’p juja qo’yinglar. Oxirida tarbiyachi so’raydi: «Bitta jo’ja turgan tasma kengmi, tormi? Ko’p jo’jalar turgan tasmachi kengmi, tormi?»
Bolalar bilimini mustahkamlash uchun O’yin: «Poezd».
Bolalar bilan «Poezd» O’yini o’ynaladi. Tarbiyachi: «Men elektrovoz bo’laman, sizlar – vagonchalar». Poezd oldindan tayyorlangan keng va tor yo’llardan, ko’priklardan o’tadi. Keng va tor ko’prik, yo’llardan o’tayotganda tarbiyachi bolalardan, «Qanday yo’ldan o’tayapmiz-keng yo’ldanmi yoki tor yo’ldanmi?» deb so’raydi.
Bilimlarni mustahkamlash va aniqlash uchun savollar:
1. Keng tasmaga qancha jo’ja qo’ydingiz?
2. Tor tasmaga nechta jo’ja qo’ydingiz?
Faoliyat yakunida tarbiyachi bolalarni rag’batlantiradi.


Miqdor (Kattalik)


Mavzu: Balandlik bo’yicha qiyoslashni o’rgatish
Maqsad:

• Bolalarni balandlik bo’yicha taqqoslashga o’rgatish, taqqoslash natijalarini nutqida baland, past, pastroq, balandroq, uzun, qisqa, uzunroq so’zlari bilan ifodalash.

  
  

Kutilayotgan natija:

• Bolalar 2 ta predmetni balandligi, uzunligiga ko’ra taqqoslashni va buni nutqda ifoda etishni o’rganadilar.

  
  

Kerakli jixozlar:

• Har xil balandlikdagi 2 ta Qo’g’irchoq (8-10 sm farq kiladigan),

  
  

• 2 ta ko’ylak, uzunligi xar xil (8-10 sm farq qiladigan).