Имрӯзҳо дар мамлакати мо дар фаъолияти воситаҳои ахбори оммавӣ, аз ҷумла дар телевизион дигаргуниҳои басо мусбат ба амал меоянд

Имрӯзҳо дар мамлакати мо дар фаъолияти воситаҳои ахбори оммавӣ, аз ҷумла дар телевизион дигаргуниҳои басо мусбат ба амал меоянд.

Рейтинги каналҳои телевизионӣ аз қабили «Миллий», «Uzreport TV», «Mening Yurtim», «Sevimli», «Renesans TV» сол то сол боло рафта истодааст. Зеро ин телеканалҳо аз ҷиҳати таъсир, гуногунрангӣ ва суръати кор аз телеканалҳои давлатӣ ақиб намемонанд.

Аммо вақтҳои охир мо бо чунин вазъият рӯбарӯ мешавем, ки қариб дар аксарияти телеканалҳо барнома ва рекламаҳои бемаъно намоиш дода мешаванд.
Мисол, барномаи «Ёр-ёр»-и шабакаи «Zo’r TV» ро гирем. Ба касе пӯшида нест, ки ин барнома баҳсҳои зиёди интиқодӣ ба бор оварда, фаъолияти он аз ҷониби зиёиёни кишвар шадидан маҳкум шудааст ва ҳанӯз ҳам фикрҳои манфӣ баён карда мешаванд.
Мутаассирона ин гуна барномаҳо ба ҷои кам шудан зиёд мешаванд. Аз рӯзҳои наздик ки дар шабақаи телевизионии «Sevimli TV» пахш шудани барномаии "Вохӯрии аввал", низ баҳсҳои зиёдеро ба миён овард.
Ин намоишнома, ки одамони то чилсоларо ба студияи худ даъват мекунад ва барои расидан ба бахти ба назар дастнорас кумак мерасонад, аз як ҷиҳат аз намоиши «Ёр-ёр» фарқе надорад.
Онҳо пойафзоли шуморо мекашанд ва шуморо паҳлӯ, ба паҳлӯ гузошта, муқоиса мекунанд, то бубинанд, ки қади шумо мувофиқ аст, сафед ё сиёҳ ҳастед ва ҳатто ҳар як доғи рӯйи шуморо муҳокима кунанд.
Ба кӣ маъқул мешавад, вақте ки онҳо бо табассум гӯянд ки "Дар ҳаёти минбаъдаи шумо мо вазъиятҳои "ошиқона"ро тасаввур мекунем. ."
Ҳамаи инҳо ба тарбияи насли наврас таъсир мерасонад. Ба зиёд шудани афзоиши беинтизомӣ дар байни ҷавонон, одатҳои бемаънӣ ва ҳодисаҳои таҳқири кас таъсири калон мерасонад.
Дар гузашта Осиёи Миёна ҳамеша макони маориф ва маркази фарҳангӣ буд. Афсӯс, ки ҳоло мо талош дорем, ки ба “кишварҳои ғарб” монанд шавем.

- Бафикрам дар тарбияи фарзанд таъсири падару модар ва оила хеле муҳим аст. Аммо бояд гуфт, ки намоишу филмҳо низ дар раванди тарбияи фарзанд ҷойгоҳи худро доранд. Масалан, мо наметавонем фарзандони худро аз тамошои телевизор ё интернет комилан маҳрум кунем, то онҳо намоишҳои беҳударо тамошо накунанд, зеро онҳо ҷанбаҳои муфиди зиёде доранд. Аз иттилоот ва хабарҳои марбут ба соҳаҳои муҳиме чун илму техника огоҳӣ доштан лозим аст. Аммо фикр мекунам, ки агар ба баъзе намоишҳои телевизионӣ маҳдудият ҷорӣ шавад, бе фоида нахоҳад буд,- гуфт муаллимаи мактаби 70-и шаҳри Самарқанд З.Иброҳимова.

Писар ва духтарони мо аз баъзе қаҳрамонҳои филму сериалҳо ба худ намуна гирифта, ба падару модари худ гап гардонда, шабҳо дар кӯчаҳо сайру гашт карда, худро шахси мустақил мешуморанд, ҳамаи инҳо нуқтаҳои ибтидоии ҷинояткории чавонон мебошанд.

– Имрӯз шабакаҳои иҷтимоӣ чунон пеш рафтанд, ки ҷавонон танҳо барои дидани мусобиқаҳои футбол ё дигар барномае, ки дар он худашон иштирок карданд, телевизор тамошо намекунанд, - гуфт донишҷӯи Донишгоҳи давлатии Самарқанд ба номи Шароф Рашидов – З.Давронов.

– Ҳоло вақте ки бо аҳли хонавода телевизор тамошо мекунед, масалан рекламаи антиперспирант мебарояд, ё аз ин ҳам бадтар дар баъзе каналҳо чизҳои шахсие, ки маҳс бонувон истифода мебаранд, тарғибот мекунанд. Аз ин рӯ ман дар чунин ҳол телевизор тамошо намекунам, - гуфт Д.Болиев – донишҷӯи Донишгоҳи давлатии Самарқанд ба номи Шароф Рашидов.

Имрӯзҳo «Ёр ёр» ва намоишҳои ба ин монандро намоиш медиҳанд . Фикр мекунам, беҳтар мебуд, ки ин гуна лоиҳаҳо камтар пахш мекарданд ё сифати онҳо баландтар мешуд.