Информационный дайджест

Rasmiy

«O‘zstandart» agentligiga Bosh direktor tayinlandi

O‘zbekiston Respublikasi Prezidentining 2018-yil 20-avgustdagi PQ-3916-son qaroriga muvofiq Sattorov Dilshod Ne’matovich «O‘zstandart» agentligi Bosh direktori lavozimiga tasdiqlandi. Bu haqda agentlik matbuot xizmati xabar berdi.

1976-yilda Namangan viloyatida tugʻilgan. Maʼlumoti oliy. 1998-yilda Andijon muhandislik - iqtisodiyot institutini, 2010-yilda – Oʻzbekiston Respublikasi Prezidenti huzuridagi Davlat va jamiyat qurilishi akademiyasini tamomlagan.

2001-2002 yy. – AT “Xamkorbank” Toshkent filialining Qimmatli qogʻozlar va valyuta nazorati boʻlimi mutaxassisi;

2002-2005 yy. – Oʻzbekiston Respublikasi Moliya vazirligi Sanoatni bazaviy tarmoqlari va yoqilgʻi-energetika kompleksi moliyasi boshqarmasining bosh iqtisodchisi, Sanoatni bazaviy sohalari boʻlimi boshligʻi;

2005-2006 yy. – Oʻzbekiston Respublikasi Moliya vazirligi Sanoatni bazaviy tarmoqlari va yoqilgʻi-energetika kompleksi moliyasi boshqarmasi boshligʻi-ning birinchi oʻrinbosari – Yoqilgʻi-energetika kompleksini moliyaviy tartibga solish va geologiya boʻlimining boshligʻi;

2006-2007 yy. – Oʻzbekiston Respublikasi Moliya vazirligi Sanoatni bazaviy tarmoqlari va yoqilgʻi-energetika kompleksi moliyasi boshqarmasi boshligʻi-ning oʻrinbosari – Yoqilgʻi-energetika kompleksini moliyaviy tartibga solish va geologiya boʻlimining boshligʻi

2007-2010 yy. – Oʻzbekiston Respublikasi Moliya vazirligi Davlat byudjeti Bosh boshqarmasi boshligʻining birinchi oʻrinbosari

2010-2012 yy. – Oʻzbekiston Respublikasi Moliya vazirligi Gʻaznachiligi boshligʻining birinchi oʻrinbosari

2012-2013 yy. – Oʻzbekiston Respublikasi Moliya vazirligi Sanoatni bazaviy tarmoqlari va yoqilgʻi-energetika kompleksi moliyasi boshqarmasi boshligʻi-ning oʻrinbosari v.b. – Yoqilgʻi-energetika komplek-sini moliyaviy tartibga solish va geologiya boʻlimining boshligʻi

2013-13.09.2016. yy. – Oʻzbekiston Respublikasi Moliya vazirligi Sanoatni bazaviy tarmoqlari va yoqilgʻi-energetika kompleksi moliyasi boshqarmasi boshligʻi – Yoqilgʻi-energetika kompleksini moliyaviy tartibga solish va geologiya boʻlimining boshligʻi

2016-2018 yy. – G'aznachilik boshlig'i - O'zbekiston Respublikasi Moliya vaziri o'rinbosari.

Eslatib o‘tamiz, «O‘zstandart» agentligi standartlashtirish, metrologiya va sertifikatlashtirish sohasidagi vazifalarni hal qilish uchun maxsus vakolat berilgan O‘zbekiston Respublikasining davlat boshqaruv organi hisoblanadi. «O‘zstandart» agentligi o‘z faoliyatini amaldagi Qonunchilikka ko‘ra bevosita va quyi tizim tashkilotlari orqali amalga oshiradi.

(Manba: Gazeta.uz)