Informaсiyalíq texnologiyalar hám kommunikaciyalardi rawajland

ÓZBEKISTAN RESPUBLIKASÍ INFORMAСIYALÍQ TEXNOLOGIYALAR HÁM KOMMUNIKACIYALARDI RAWAJLANDÍRÍW MINISTRLIGI

Muhammed al-Xorezmiy atındaǵı Tashkent informaciyalıq texnologiyaları universiteti Nókis filialı



Kompyuter injiniring fakultiti Dástúriy injinering baǵdarı 1-kurs 304-21 gruppa studenti

Jubatxanov Armannıǹ

“Akademiyalıq jazıw” páninen


Ózbetinshe jumısı

Tema: IKT terminleriniǹ semantikalıq usılda jasalıwı
Tapsırǵan: Jubatxanov.A __________
Qabılǵan: Jaksimova.U __________

Joba:

1. 
   Kirisiw
   
2. 
   Tiykarǵı bólim
   

1. 
   Terminlerdiń strukturalı dúzilisi
   
2. 
   IKT tarawındaǵı terminler
   

3. 
   Juwmaqlawshı bólim
   

I.Kirisiw
Terminler sózlik quramdaǵı arnawlı túrde arnawlı uǵımlardı definitivlik anıqlawshı leksikalıq birlikler qatlamınan ibarat. Termin - ózgeshe leksikalıq birlik, ol sózlik quramnıń basqa birliklerinen ayrıqsha belgileri arqalı ayırılıp turadı. Usıǵan sáykes til iliminde termindi anıqlawdıń norması júzege keldi.
Terminler arnawlı uǵımlardı logikalıq jaqtan dál anıqlaw maqsetinde qollanılatuǵın nominaciyalıq atamalardan quralǵan.
"Semantika" sózi XIX -ásirdiń aqırında frantsuz tilinen kirip kelgen hám zamanagóy filologiyada ol kóbinese málim bir til birliginiń leksik mánisin ańlatadı. Geyde onı til salasında qollanılatuǵın sózlerdiń semantik jugin úyrenetuǵın filologiya bólimi (bul lingvistik semantika dep de júritiledi) dep túsinedi. Bul bólimniń obekti bul tiykarǵı birliklerden birewiniń strukturalıq bólimleriniń kompleksi bolıp tabıladı. Mánisi sózdiń sırtqı qabıǵı retinde túsiniledi, onı dawıslı yamasa jazba belgiler izbe-izliginde ańlatıw múmkin. Ol ózi belgileytuǵın (denotatsiya) obekt penen jáne bul sóz eske túskende (mánisli) adamdıń sanasında payda bolatuǵın obekt menen ayriqsha baylanısqa iye.