Инглиз психологи Ф. Галтон тестологиянинг асосчиси ҳисобланиб

«Gazeta.uz»: Миллий тизимда ишлатиладиган ҳар бир тест варианти апробациядан ўтказиладими? Бу тестларнинг сифати қандай назорат қилинади?
Sardor Rajabov: Ҳозирги кунда ҳар бир фандан биттадан тест варианти ишлаб чиқилган ва апробациядан ўтказилган. Бу вариантлар ҳамда уларнинг таҳлили ДТМ сайтида эълон қилинади. Тестларнинг мазмунига Таълим сифатини назорат қилиш давлат инспекцияси ва Халқ таълим вазирлиги масъул ва мен ўйлайманки, улар ҳам ҳаммаси апробациядан ўтказилади.
«Gazeta.uz»: Миллий тизим учун тестлар спецификациясидан кўриниб турибдики, бу тестлар ОТМга кириш тестларидан кўра кўпроқ кўникмаларни қамраб олади ва абитуриентлардан кўпроқ меҳнат талаб қилади. Нима учун бу фанлардан абитуриентларга ОТМларга кириш имтиҳонларида сертификатдаги балларига қараб пропорсионал балл берилади? Масалан, чет тилларидан сертификат эгаларига кириш имтиҳонларида максимал балл берилади.
Laziz Xo‘jaqulov: Агар абитуриент хоҳласа, у ёзги ОТМга кириш имтиҳонларида ҳам қатнаша олади. Иккинчи масала. Мен уйлайманки, бу (пропорсионал балл берилиши) тўғри, чунки чет элда ОТМга кираётганда талабни ОТМлар ўзлари қўяди. Масалан, IELTS 6,5 ёки 7 бўлсин дейди. Ўйлаб кўринг, мисол учун мен (миллий тест тизимида) 61 балл олдим ва менга (ОТМга киришда) максималл балл бериляпти, шеригим эса 90 балл олди ва унга ҳам максимал балл бериляпти. Бу ерда иккинчи абитуриент адолатсизлик дейди.
Sardor Rajabov: Умумтаълим фанларидан миллий тест тизими мактаб дастуридан четга чиқмайди. Чет тилидан Б2 ва ундан юқори даражадаги сертификат эгаларига ОТМларга кириш имтиҳонларида максимал балл берилади. Давлат таълим стандартига кўра эса мактаб ўқувчилари Б1 даража билан битиришади. Шу сабабли ҳам, яъни мактабда берилмаган билими борлиги учун чет тилида максимал балл берилади.
«Gazeta.uz»: 2018 йилдаги 3775-сонли президент қарорида умумтаълим фанларидан SAT сингари ҳалқаро сертификати бор абитуриентларга ОТМларга кириш имтиҳонларида шу фанлардан максимал балл берилиши белгиланган эди. Шу қарор бўйича қандай ишлар амалга оширилган?