«innovative academy» ilmiy tadqiqotlarni

Денов тадбиркорлик ва педагогика институти ўқитувчиси 
[e-mail]  
 
Аннотация: Ушбу мақолада мафкуравий профилактика ва унинг ғоявий-
мафкуравий жараёнлар тизимида тутган ўрни ва инсон дунёқараши билан 
алоқадорлиги масалалари назарий-методологик жиҳатдан кўриб чиқилган. Шунингдек, 
соҳа мутахассисларини бу бўйича ёндашувлари таҳлил қилинган. Шунингдек, хулоса 
қисмида муаллифнинг мавзуга доир фикр-мулоҳазалари келтирилади. 
Калит сўзлар: мафкуравий профилактика,ғоявий-мафкуравий жараёнлар, 
мафкуралардан ҳимоя, ислоҳотлар, таҳликали жараён, миллий тикланишб, аҳоли, 
тафаккур, тараққиёт, ислоҳот, ижтимоий ҳаёт соҳалари. 
КИРИШ 
Инсониятнинг тарихий тараққиёти шу нарсани кўрсатадики, жамиятдаги ҳар бир 
аҳоли қатлами ўз мақсад ва муддаоларини ифода этувчи мафкуравий тизимини яратгач, 
бошқаларни ҳам шунинг таъсирига тортишга, ўз маслакдошлари сафини 
кенгайтиришга ҳаракат қилиб келган ва у ҳозир ҳам давом этмоқда. Бунда ушбу 
йўналишдаги маънавий-маърифий фаолият ва таълим-тарбия жараёни муҳим 
аҳамиятга эга. 
Ғоялар жамиятда ҳақчил бўлиб, кўпчиликнинг эҳтиёжларига жавоб берса, 
мамлакатдаги барча соҳаларда таълим-тарбия масаласига катта эътибор қаратилса, 
тарбиячи ўқитувчилар фаол ва ватанпарвар бўлса, тарбиядан кўзланган мақсад 
мукаммал бўлади. Шунда ўсиб келаётган ёш авлод ўз мақсадини англаб етиши ва ўз 
мафкурасини шакллантириб боришида ҳар бир ёш ўз мақсадларини қалби-онги ва 
шуурига муттасил сингдиришни долзарб вазифага айлантиради. Мана шундагина 
жамиятнинг, айниқса, баркамол авлоднинг мафкуравий иммун тизими тўлақонли 
аҳамият касб этади. 
“Халқ билан мулоқот ва инсон манфаатлари йили”[1] давлат дастурда ёшларни 
маънавий етук ва руҳий жиҳатдан соғлом қилиб тарбиялаш масаласига жиддий этибор 
қаратилган. 
Унда, шунингдек, таълимнинг барча шаклларини бугунги кун замон талаблари 
асосида такомиллаштириш масаласи ўта долзарб ва кечиктириб бўлмайдиган муҳум 
вазифадир.