Internet menga nima berdi-yu, nimalardan ayirdi?

Internet menga nima berdi-yu, nimalardan ayirdi? 

 

Bugungi  kunda  hayotni  Internetsiz  tasavvur  etib  bo`lmaydi.  Har  kuni 

dunyoning  turli   burchaklarida  sodir bo`layotgan  yangiliklar  va  turli  xil  xabarlarni 

bizga  beminnat  yetkazib  turgan  va  buning  uchun    bizdan  faqatgina  e’tibor  talab 

qilayotgan  Internet  O`zbekistonga  kirib  kelganiga  22  yildan  oshdi.  Yangi 

ma’lumotlarga  qaraganda,  bugungi  kunda  Internetdan  foydalanuvchilar  soni  3 

milliardga 

yetgan.  O`zbekiston  Aloqa  va  axborotlashtirish  agentligining 

ma’lumotiga  ko`ra, hozirgi  kunda mamlakatimizda  Internet  foydalanuvchilari  soni 

20 milliondan  ortiqni tashkil  qiladi. 

Ma’lumot  uchun,  Internet – katta va kichik  kompyuter tarmoqlarini  o`zaro 

bog`lovchi  butunjahon  kompyuter  tizimidir.  Unda  geografik  o`rin,  zamon  va 

makondan qat’iy  nazar, ayrim  kompyuter va  mayda tarmoqlar  o`zaro hamkorlikda 

global informatsiya  infratuzilmasini  tashkil  etadi. Internet standart internet protokoli 

(IP)  orqali  ma’lumot    almashinuvchi  kompyuter    tarmoqlarining  butunjahon  va 

omma uchun ochiq to`plamidir. 

Endi esa, bevosita asosiy mavzu haqida to`xtaladigan  bo`lsak, Internet menga 

nima  berdi-yu, nimalardan  mahrum  qildi?   

Avvalo,  har  daqiqada dunyoda diqqatga  sazovor voqealar  sodir b o`layotgan 

hozirgi  zamonda yangiliklardan  birinchilardan  bo`lib Internet orqali  xabar topamiz. 

Birgina  misol  qilib  bugungi  kunda  butun  dunyoni  zir  titratgan  koronavirus 

pandemiyasini  keltirib  o`tishimiz  mumkin.  Ushbu ko`rinmas dushman keltirayotgan 

xavf-xatar  ko`rsatkichlari  har  soniyada  o`zgarib  bormoqda.  Yangilanayotgan 

statistika-yu,  ijtimoiy  hayotimiz  bilan  bog`liq  taqiq  va  ruxsatlardan  yaqin 

do`stimizga  aylanib  ulgurgan  ijtimoiy  tarmoqlar  va  ommaviy  axborot  vositalari 

voqif etib turibdi. Yana  qo`shimcha sifatida, talaba va o`quvchi yoshlarning  onlayn 

ilm  olishida  “butun  jahon  o`rgimchak  to`ri”  najot  bo`layotganini  eslatib  o`tish 

darkor.  Bundan  tashqari,  ijtimoiy  tarmoqlardagi  turli  sahifalarga  obuna  bo`lgan 

holda,  istalgan  chet  tilini,  pazandachilik  sir-asrorlari-yu  go`zallik  bo`yicha 

tavsiyalarni  xuddi men kabi o`rganayotgan yoshlar ham talaygina  topiladi.   

Bizning  huquqshunoslik  fanida  ham  Internetning  o`rni  beqiyosdir. Arizachi 

o`z  arizasini  Internet  tufayli  uzoq  masofadan  ham  bildirishi  mumkin.    Umuman 

olganda,  to`g`ri  foydalanilsa,  Internet  juda  foydali  deb  o`ylaymiz.  Bu  esa  bizga 

qulayliklar  yaratadi.  

Internetning  asosiy  yutug`i  shundaki,  u  axborot  tashuvchisi  hisoblanadi.  

Axborot esa hozirgi  globallashuv  davrida   neft,  gaz, oltin  va  shu kabi  qimmatbaho 

tabiiy  boyliklardan  yuqoriroq  baholanadi.  Axborotga  ega  bo`lgan  odam  hamma 

narsaga  ega bo`ladi. Biroq borgan sari  Internet  o`z zimmasiga  yuklatilgan  vazifani 

emas, aksincha, undan hech kim kutmagan   narsalarni  bajarmoqda.  

Shunday  bo`lsa-da,  shaxsan  men  yoshligim  turli  gadjetlar-u  Internetsiz 

o`tganidan  mamnunman.  Bugun  tasodifan  qarshingizdan  5-6  yoshlardagi  bolakay 

chiqib qolsa, uning  jajji  barmoqchalaridagi  bahaybat smartfonni  ko`rish  biz uchun 

odatiy holga  aylanib  ulgurdi.  Boshqa hech qachon ortga qaytib  kelmaydigan  inson 

umri  bahorini  qandaydir  qurilmalarga  tikilib  o`tkazish  – juda  achinarli.  Bu  davrda 

ko`chalarda  qiy-chuvlashib,  bir-biri  bilan  quvlashib,  talashib  o`ynagandagi  zavqni 

qandaydir bir qurilmalar  qayerdan ham bersin?! 

Internetning 

salbiy 

jihatlari 

haqida 

gapiradigan 

bo`lsak, 

unda 

mentalitetimizga  to`g`ri  kelmaydigan  axloqsiz  kino  va  kliplar,  qo`shiqlar,  har  xil 

vaqtni  behudaga sariflaydigan   ijtimoiy  tarmoqlar mavjud. Bu narsalar esa ko`ngilni 

xira  qiladi.    

Kompyuter,  telefon  va  shunga  o`xshash  turli  kommunikatsiya  vositalari 

qarshisida  uzoq o`tirish  insonning  jismoniy  rivojlanishiga  salbiy  ta’sir  tug`diradi. 

Bunday holatlar  oqibatida inson kam harakat qilib, natijada,  bu omil  turli  xastaliklar 

sababchisi bo`lib qoladi. Ammo bu haqda ko`pchiligimiz  unutib qo`yganmiz. Ushbu 

insonlar  qatoriga  o`zimni  ham  kiritishim  mumkin.  Ya’ni  kichik  paytimda 

boshlangan  ko`rish  qobiliyatimning  tushishi,  mana,  necha  yildirki,  haligacha 

pasayishda  davom  etmoqda. Shuning  uchun,  bu  davrlarni  ming  nadomatlar  bilan 

esga olaman.  Agar kompyuter, telefon kabi vositalar bo`lmaganida, men  ham 

dunyoga sog`lom odam kabi o`tkir ko`zlar orqali boqqan bo`lar edim, balki… 

“Butun jahon o`rgimchak to`ri”ning  yana bir  salbiy jihati  yoshlarda o`qish va 

bilim  olishga yengiltaklik  bilan munosabatda bo`lishning  avj olishidir.  Buning isboti 

sifatida  shuni  keltirib  o`tishimiz  mumkinki,  Internetdan  tayyor  dars ishlanmalari, 

turli  mavzularga  javoblarni  osongina  topish hisobiga  dars topshiriqlarini  mustaqil 

bajarmaslik  holatlari  uchrab  turibdi.  Birgina  “Google”  do`stimizni  yordamga 

chaqirsak  bas!  Ana  senga  tayyor  uy  vazifasi!  Ortiqcha  ovoragarchilik,  bosh 

qotirishga ne hojat?..  

Kompyuter  va  turli  ijtimoiy  tarmoqlardan  foydalanish  imkoniyatlarimiz 

tugamaydi  va u kengayib  borgani uchun Internetga  haddan tashqari bog`lanib,  real 

dunyodan uzilib    qolmoqdamiz (shaxsan  men  ham).  Yoshlarning  soatlab “ekranni 

siypalash”  bilan  o`tkazishi  o`zi qilishi  kerak  bo`lgan  vazifalardan  chalg`ishiga  olib 

kelmoqda.    

Hozirda Internetdan dunyoning  barcha soha vakillari  unumli  foydalanmoqda. 

Siyosatshunoslardan 

tortib, 

o`qituvchilargacha, 

ishchilardan 

tortib, 

jurnalistlargacha.  Jurnalistika  sohasida  dunyoning  u  chekkasida  turgan  muxbir 

istalgan  ma’lumotni  istalgan  paytda dunyoning  bu  chekkasiga  jo`natishi  mumkin. 

O`qituvchilar  esa o`z o`quvchilariga  mavzuga  oid qaynoq ma’lumotlarni  yetkazishi 

mumkin.  Dunyoning  gigant  kompaniyalari  ishlarining  bari  Internet  orqali 

yurgiziladi.    Bunga  misol  qilib,    “Alibaba”  korporatsiyasini  olishimiz  mumkin. 

Internet  hozirda   eng  tez rivojlanayotgan   OAV lardan  biri  bo`lib, yaqin  kelajakda 

televediniye,  radio  va  gazetalarning  ham  o`rnini  bosishi  kutilmoqda.  Internet 

umumiy  va u hech kimga  tegishli  emas. Mana shu narsa uni boshqarib bo`lmasligini 

anglatadi.   

 

       Xulosa  sifatida  shuni  aytish    mumkinki,  hozirda  Internet  juda  ko`p 

sohalarda  odamlar  ishlarini  yengilashtirmoqda  va  bundan  foydalanish  odamlarga 

vaqtni tejashda va har xil  qog`ozbozliklardan  qutilishga  yordam bermoqda. To`g`ri, 

Internetning  salbiy  jihatlarini  ham  inkor  eta  olmaymiz.  U  istalgan  daqiqada  o`z 

ta’sirini  ko`rsatishi  mumkin.  Ammo “butun dunyo o`rgimchak  to`ri”  dan yaxshilik   

maqsadida  foydalanilsa,  undagi  salbiylik  o`z-o`zidan  bartaraf  etiladi.  Zero,  “Illat 

izlaganga illatdir dunyo, hikmat izlaganga hikmatdir dunyo”. Bizning fikrimizcha, 

internetdan  foydalanish    odamning  o`ziga  bog`liq.  Undan  kerakli  maqsadlarda 

foydalanishimiz  lozim,  albatta.  Shundagina  insonning  o`z  qo`li  bilan  yaratgan 

narsalari  unga  qarshi  qurol  bo`lib  emas,  jamiyat  rivoji,  uning  manfaatlari  yo`lida 

xizmat  qiladi.