Internetda sport-pedagogik axborotlarni izlash va almashishda tarmoq texnologiyalaridan foydalanish

Elektron pochta xabarlarini yaratish va jo’natish.
Elektron pochta xabarlarini yaratish uchun Файл menyusidan Создать – Сообщение bandlari tanlanadi yoki uskunalar panelidagi Создать piktogrammasi bosiladi. Natijada elektron pochta xabarlarini yaratish va uni taxrirlashga mo’ljallangan quyidagi oyna ochiladi (2.3 – rasm).

Elektron pochta xatlarini yaratishda yordam beradigan barcha imkoniyatlar bilan tanishib chiqamiz.

Eng avvalo, elektron xatlarni qabul qiluvchining manzilini ko’rsatish kerak. Bu manzilni oynaning Кому qismiga kiritiladi. Shu o’rinda ta’kidlab o’tish lozimki, Siz xatni bitta manzilga emas, balki bir nechta manzilga jo’natishingiz mumkin. Buning uchun Кому qismiga barcha manzillar nuqtali vergul (;) bilan ajratilgan holda kiritiladi.
Копия qismiga ham bitta yoki bir nechta manzillarni kiritish mumkin. Bunda ularga ham shu xatning nusxasi yuboriladi. Faqat bunday xatlarda nusxa eslatmasi qo’yilgan bo’ladi.
Bu ikki holda xatni oluvchilar boshqalarga ham shu xatning nusxasi jo’natilganligini biladilar. Agar xatni bir necha manzilga jo’natish va xat oluvchilar bu xatning boshqa shaxslarga ham jo’natilganini bilmasligi kerak bo’lsa, “yashirin nusxa” funksiyasidan foydalanish kerak.

Buning uchun uskunalar panelidagi Параметры bo’limidan SK bandini tanlash kerak. Natijada yuqoridagi oynaga yana bitta qator qo’shiladi. Bu qator СK deb nomlanadi. Shu qatorga barcha manzillar nuqtali vergul bilan ajratilgan holda kiritiladi. Natijada xat oluvchilar uning nusxaligini bilmaydilar. Shunday bo’lsada, baribir, Кому qatorida hech bo’lmaganda bitta manzil ko’rsatilgan bo’lishi shart.

Manzillarni kiritib bo’lgandan so’ng, uning mavzusini yozish kerak. Bu ishni qilish shart emas, lekin xat mavzusining yozilishi odob doirasiga kiradi hamda xat oluvchiga xatlarni saralashda yordam beradi. Xatning mavzusi Тема qatoriga yoziladi.
Endi oynaning eng katta qismiga xatni yozish mumkin. Shu o’rinda aytib o’tish kerakki, Microsoft Outlook dasturida elektron xatlarni uch xil formatda yozish imkoniyati mavjud. Birinchisi, oddiy matn bo’lib, bunda xatning shriftlarini o’zgartirish, uni bezash imkoniyati yo’q. Shuning uchun bunday xatlarning hajmi kichiq bo’ladi. Natijada ularni jo’natish va qabul qilishga ko’p vaqt sarflanmaydi. Ikkinchisi, RTF (Rich Text Формат) formatida yoziladi. Bunda xatda turli shriftlarni o’zgartirish, matnni bezash imkoniyati mavjud. Bunday xatlarning hajmi katta bo’lib, ularni jo’natish va qabul qilish ancha vaqtni talab etadi. Uchinchisi, HTML formati bo’lib, unda HTML formatida yozilgan xatlarni, ya’ni Web – sahifalarni yozish va jo’natish mumkin. Xatlarning formatini uskunalar panelining HTML qismidan amalga oshiriladi.
Xatni yozib bo’lgandan so’ng uni jo’natish zarur bo’ladi. Buning uchun uskunalar panelidagi Отправить tugmasini bosish kerak yoki Файл menyusidan Отправить bandini tanlash kerak. Natijada xat Исходящие papkasiga o’tadi va Internetga ulanishingiz bilan xat jo’natiladi.
Elektron pochtaning eng katta yutug’idan biri – xatga turli xil fayllarni biriktirish va xat bilan birga jo’natish imkoniyati mavjudligidir. Buning uchun Вставка menyusidan Файл bandi tanlanadi yoki uskunalar panelidan Добавить файл piktogrammasi bosiladi. Natijada quyidagi oyna ochiladi (2.4-rasm).



Bu oynadan kerakli fayl tanlanib, Вставить tugmasi bosiladi. Natijada rasmdagi oyna ikki qismga bo’linadi: yuqori qismida yozilgan matn va uning pastki qismida tanlangan faylning belgisi turadi.
Albatta, bitta elektron xatga bir nechta fayllarni biriktirish mumkin. Lekin doim elektron pochta serveri ajratgan joy hajmining chegaralanganligini esda tutish lozim.