Iqlim o‘zgarishi va ekologik moslashuv

“Iqlim o’zgarishi va ekologik moslashuv” fanining maqsadi va vazifalari. 
Ekologik xavfsizlik milliy xavfsilikning muhim ko’rsatkichlaridan biri. XXI 
chaqiriq O’zbekiston Respublikasi Oliy Kengashining XI sessiyasida 
Konstituttsiyamiz bilan bir paytda “Tabiatni muhofaza qilish to’g’risida”gi 
qonunning qabul qilinganligi bejiz emas. Chunki mustaqil davlat belgilaridan biri – 
dahlsiz chegaralar bilan belgilangan yer kengliklariga ega bo’lish va undagibarcha 
tabiiy boyliklarni muhofaza qilish hamda ulardan o’z xalqining xohish-istaklariga 
muvofiq ravishda foydalanishdir.
“Iqlim o’zgarishi va ekologik moslashuv” kursida iqlim va ob-havo 
tushunchalari, ularning inson hayotida tutgan o’rni, shakllantiruvchi omillari va 
o’zgarish sabablari, mahalliy, mintaqaviy va global miqiyosda o’zgarishiga oid 
bashoratlar haqida so’z yuritilgan. Eng asosiysi, o’quvchilar iqlim o’zgarishi 
natijasida yuzaga kelayotgan salbiy holatlarni umumlashtirish uchun qanday hatti-
harakat qilishlari keraklgi ko’rsatib o’tilgan. 
Fanning maqsadi: Iqlim va uning o’zgarishiga oid turli ko’rinish va shakldagi 
ma’lumotlarni sodda va ravon tilda, ortiqcha shov-shuvlarsiz, keskin siyosiy va 
iqtisodiy mulohazalarsiz o’quvchiga tushuntirib berish orqali yoshlarning ekologik 
ong va madaniyatini shakllantirish zamonaviy pedagogik texnologiyalar asosida 
tushuntiriladi.
Fan bo’yicha talabalarning bilimiga, ko’nikma va malakasiga qo’yiladigan 
talablar:  
“Iqlim o’zgarishi va ekologik moslashuv” o’quv fanini o’zlashtirish jarayonida 
amalga oshiriladigan masalalar doirasida bakalavr: iqlim va ob-havo tushunchasi, 
uning o’zgarish mexanizmi, obe’ktiv va sube’ktiv sabablari va oqibatlari hamda 
global, mintaqaviy va milliy hududiy muammolar doirasidagi xalqaro hamkorlik, 
har bir inson, u kim bo’lishiva qanday ijtimoiy mavqega ega bo’lishidan qat’iy nazar, 
iqlim hodisalarini ta’g’ri anglash, ongli ravishda to’g’ri qaror chiqarishi orqali atrof-
muhitni asrash, tabiiy resurslardan oqilona foydalanish va buzilgan tabiat 
majmualarini qayta tiklashga yo’naltirilgan kundalik faoliyati haqida ilmiy bilimlar, 
amaliy o’quv va ko’nikmalariga ega bo’lishi kerak.
Fanning o’quv rejadagi boshqa fanlar bilan o’zaro bog’liqligi: “Iqlim 
o’zgarishi va ekologik moslashuv” fani matematika va tabiiy (oily matematika, 
informatika, fizika, kimyo, ekologiya) fanlar, umumkasbiy fanlardan yetarli bilim 
va ko’nikmalarga ega bo’lishlari talab etiladi.

---

Fanning ilm-fan va ishlab chiqarishdagi o’rni: Milliy ekologik xavfsizlikning 
ajralmas bir bo’lagi bo’lgan ekologik xavfsizlik davlat siyosatining eng ustuvor 
vazifalaridan biri hisoblanadi. Ekologik xavfsizlikni ta’minlashesa iqtisodiyotning 
barcha tarmoqlarida ekologiyalashtirilgan ishlab chiqarish jarayonlarini keng joriy 
qilish va ularga yuqori malakali kadrlarni yetkazib berish bilan bevosita bog’liqdir. 
Shuning uchun ham turli soha yo’nalishidagi talabalarning ekologik ongi va 
madaniyatini shakllantirish majburiy ta’lim tizimi talablariga kiritilgan.