Iqtisodiyot va pedagogika universiteti nodavlat talim muassasasi "tasdiqlayman"

Hisobotning tarkibiy qismlari: 
(namunaviy) 
Ishlab chiqarish amaliyoti bo‘yicha hisobot quyidagi tarkibiy qismga ega 
bo‘lishi kerak: 
- titul varag‘i; 
- mundarija; 
- kirish; 
- tahliliy (asosiy) qism; 
- xulosalar; 
- ilovalar. 
Hisobot titul varag‘i, kundalik daftarlarning shakli va mazmuni 1-ilovada 
keltirilgan. 
Hisobotning kirish qismida uning maqsadi, vazifalari, amaliyot sub’ekti va 
ob’ekti, erishilgan natijalar, ularning ahamiyati, hisobotning hajmi va tarkibi yoritiladi. 
Hisobotning tahliliy (asosiy) qismida ishlab chiqarish amaliyot dasturiga 
kiritilgan mavzular (savollar) bo‘yicha o‘rganish natijalari, ya’ni korxonada u yoki bu 
ob’ektni hisobga olishning amaldagi holati, undagi kamchiliklar ochib beriladi. Ushbu 
qismda o‘rganilgan mavzu (savol)larni yoritishda quyidagi ketma-ketlikka amal qilish 
tavsiya etiladi: 
- korxonaning tashkiliy tuzilishi; 
- korxonaning umumiy ta’rif – tavsifi (vazifasi, jihozlarining tarkibi, boshqa aloqa 
korxonalari bilan o‘zaro aloqasi, uning respublika, viloyat, tuman umumiy aloqa 
tarmog‘idagi o‘rni); 
- asosiy va yordamchi jihozlarning texnik tavsiflari; 
- korxonalarda jihozlarning texnik holatini ta’minlash uchun qo‘llaniladigan choralar 
(me’yoriy hujjatlar ro‘yxati); 
- rejali va rejasiz profilaktik va qayta tiklash bo‘yicha texnik xizmat ko‘rsatish 
(ta’mirlash); 

---

- ekspluatatsion o‘lchash turlari va doimiyligi, o‘lchashlar bo‘yicha hujjatlashtirish 
(kalendar grafiklari, o‘lchash bayonlari va h.k.); 
- jihozlarning texnik holatini ta’minlash bo‘yicha korxonada qilinadigan ishlarning 
xulosalari. bu ishlarni yaxshilash bo‘yicha takliflar. 
Mundarijada hisobotning har bir qismi (bo‘limlari)ning boshlang‘ich tartib 
raqami ko‘rsatiladi. 
Hisobotning xulosa qismida korxonada o‘rganilgan ma’lumot uzatish tarmoq va 
tizimlar bo‘yicha ma’lumotlar va ulardagi kamchiliklarni bartaraf etishga oid taklif va 
tavsiyalar beriladi. Ularga berilgan tartib raqamlar hisobot matnida keltirilgan tartib 
raqamlar bilan bir xil bo‘lishi kerak. 
Ishlab chiqarish amaliyoti bo‘yicha tayyorlangan hisobot va korxona tomonidan 
imzolangan hamda tasdiqlangan kundalik kafedraga amaliyot tugagan kundan boshlab 
3 kun muddatda topshirilishi lozim. 
Rahbarlar hisobotning rasmiylashtirilishi, mazmuni jihatdan qo‘yilgan 
talablarga muvofiqligiga baho beradi va o‘z mulohazalarini taqrizda aks ettiradi. 
Taqrizda ishning ijobiy tomonlari, mavjud kamchiliklari batafsil e’tirof etilishi, 
so‘nggida esa, hisobotning himoyaga qo‘yilishi yoki qo‘yilmasligi to‘g‘risida 
rahbarning xulosasi keltirilishi kerak. 
To‘g‘ri rasmiylashtirilgan, dasturda ko‘zda tutilgan savollar nazariy, amaliy 
jihatdan to‘liq yoritilgan hisobotlarga ijobiy taqriz beriladi va himoyaga qo‘yiladi. 
Rasmiylashtirilishi va mazmuni jihatdan qo‘yilgan talablarga javob bermaydigan ishlar 
himoyaga qo‘yilmaydi. Bunday hollarda talaba taqrizda ko‘rsatilgan kamchiliklarni 
belgilangan muddatlarda bartaraf qilishi va ishni qaytadan taqrizga berishi kerak. 
Oldingi taqrizda keltirilgan kamchiliklar to‘liq bartaraf qilingan taqdirda hisobot 
himoyaga qo‘yiladi. 

---