Ishlab chiqarilishi mahalliylashtirilishi lozim bo’lgan bo’lgan avariya-qutqaruv jihozlari va asbob-uskunalari ro’yxati

QARORI
FAVQULODDA VAZIYATLAR TUZILMALARINING FAOLIYATINI
YANADA TAKOMILLASHTIRISH BO’YICHA TASHKILIY CHORA-
TADBIRLAR TO’G’RISIDA
O’zbekiston Respublikasi Prezidentining 2019-yil 10-apreldagi «O’zbekiston
Respublikasida favqulodda vaziyatlarning oldini olish va bartaraf etish hamda yong’in
xavfsizligini ta’minlashning sifat jihatidan yangi tizimini joriy etish to’g’risida»gi PF-
5706-son Farmoniga muvofiq hamda favqulodda vaziyatlar tuzilmalarining faoliyatini
yanada takomillashtirish maqsadida:
1. Quyidagilar:
O’zbekiston Respublikasi Favqulodda vaziyatlar vazirligi to’g’risidagi nizom 1-
ilovaga muvofiq;
2019 ― 2021- yillarda O’zbekiston Respublikasi Favqulodda vaziyatlar
vazirligi faoliyatini yanada takomillashtirish bo’yicha «Yo’l xaritasi» 2-ilovaga muvofiq
tasdiqlansin.
Respublika vazirlik va idoralari rahbarlari zimmasiga «Yo’l xaritasi»da
belgilangan tadbirlarni o’z vaqtida va samarali amalga oshirish bo’yicha shaxsiy
javobgarlik yuklatilsin.
3. Quyidagilar saqlab qolinsin:
2019 moliya yilida YOng’in xavfsizligi bosh boshqarmasi va YOng’in
xavfsizligi instituti uchun ko’zda tutilgan moliyalashtirish, shahodatlangan xodimlarga
pul ta’minotini to’lab berish, maxsus unvonga ega bo’lmagan shaxslar mehnatiga haq
to’lashning amaldagi tartibi va hajmi;
Yong’in xavfsizligi bosh boshqarmasi va Yong’in xavfsizligi institutining
shahodatlangan xodimlari uchun mazkur qaror kuchga kirgunga qadar O’zbekiston
Respublikasi Ichki ishlar vazirligi ixtisoslashtirilgan uy-joy fondining yashash
xonalaridan foydalanish bo’yicha mavjud bo’lgan huquqi.

---

4
4. Belgilansinki:
a) 2020 yil 1 yanvardan:
O’zbekiston Respublikasi Favqulodda vaziyatlar vazirligining yagona tashkiliy-
shtat tuzilmasi joriy etiladi;
Favqulodda vaziyatlar vazirligi tizimiga Yong’in xavfsizligi bosh boshqarmasi
va Yong’in xavfsizligi institutidan o’tkazilgan shahodatlangan xodimlar uchun
Favqulodda vaziyatlar vazirligi harbiy xizmatchilariga nazarda tutilgan shartnoma
bo’yicha harbiy xizmatni o’tash va pul ta’minoti tartibi hamda ichki ishlar organlari
xodimlarining maxsus unvonlari bo’yicha oylik maosh miqdori, kiyim-kechak bilan
ta’minlash hamda tibbiy xizmat ko’rsatish me’yorlari va tartibi, shuningdek,
O’zbekiston Respublikasi Ichki ishlar vazirligi tizimida nazarda tutilgan barcha ijtimoiy
imtiyozlar va pensiya kafolatlari saqlanib qoladi;
professional yong’in bo’linmalarining ishchi-xizmatchilari qutqaruvchi
maqomiga ega bo’lganidan so’ng, ularga nisbatan O’zbekiston Respublikasi
Favqulodda vaziyatlar vazirligi tizimida nazarda tutilgan mehnatga haq to’lash tartibi
ko’llaniladi;
b) 2021 yil 1 yanvardan:
Favqulodda vaziyatlar vazirligi tizimiga o’tkazilgan Yong’in xavfsizligi bosh
boshqarmasi va Yong’in xavfsizligi institutining shahodatlangan xodimlariga
O’zbekiston Respublikasi Favqulodda vaziyatlar vazirligi harbiy xizmatchilarining
tegishli toifalari uchun nazarda tutilgan harbiy unvonlar bo’yicha oylik maoshi miqdori,
kiyim-kechak va tibbiy ta’minot tartibi hamda boshqa ta’minot me’yorlari, xizmat
davrini hisoblash, ijtimoiy imtiyozlarni va pensiya kafolatlarini ko’llash joriy etiladi;
Favqulodda vaziyatlar vazirligi tizimiga o’tkazilgan Yong’in xavfsizligi bosh
boshqarmasi va Yong’in xavfsizligi institutining shahodatlangan xodimlariga pensiya
hisoblanganda, ularning harbiy xizmat davriga oldingi xizmat joyi bo’yicha xizmat
davri, shuningdek, maxsus ofitser unvonlari berilgan holda ichki ishlar organlariga
xizmatga qabul qilingan ofitserlar tarkibi uchun ularning oliy ta’lim muassasalarida
kunduzgi shaklida o’qigan bir oy o’qish davri bir oy xizmat davriga tenglashtirilgan
holda kiritiladi.

---

5
5. Belgilansinki:
O’zbekiston Respublikasi Favqulodda vaziyatlar vazirligi boshqaruv organlari
va tuzilmalarining, shartnomalar tuzish asosida tashkil etiladigan bo’linmalardan
tashqari, moliyalashtirish manbalari O’zbekiston Respublikasi Davlat byudjeti
mablag’lari hamda qonun bilan taqiqlanmagan boshqa manbalar hisoblanadi;
O’zbekiston Respublikasi Favqulodda vaziyatlar vazirligining tashkilotlar bilan
tuzgan shartnomalari asosida tashkil etilgan bo’linmalari mazkur tashkilotlar
mablag’lari hisobidan ta’minlanadi;
O’zbekiston Respublikasi Favqulodda vaziyatlar vazirligiga berilayotgan hamda
yangidan tashkil etilgan tuzilmalar yong’in xavfsizligi va ushbu sohadagi ayrim faoliyat
turlarini litsenziyalash masalalarini tartibga soluvchi me’yoriy-huquqiy hujjatlar qabul
qilinishiga qadar amaldagi me’yoriy-huquqiy hujjatlarga amal qiladi.
6. O’zbekiston Respublikasi Vazirlar Mahkamasi ikki oy muddatda yangi tashkil
etilayotgan Favqulodda vaziyatlar vazirligi boshqaruv organlari va tuzilmalarining
xususiyat va maqsadlarini inobatga olgan holda to’laqonli faoliyatini ta’minlash
yuzasidan ularni joylashtirish, jihozlash va boshqa tashkiliy masalalarni hal etish
bo’yicha chora-tadbirlar dasturini tasdiqlasin.
7. Respublika vazirlik va idoralari bo’ysunuvidagi ob’yektlarda O’zbekiston
Respublikasi Favqulodda vaziyatlar vazirligi tuzilmalari bilan shartnoma asosida
faoliyat ko’rsatayotgan yong’in xavfsizligi bo’linmalarining to’laqonli faoliyatini
ta’minlasin.
8. Axborot texnologiyalari va kommunikatsiyalarini rivojlantirish vazirligi
Favqulodda vaziyatlar vazirligi bilan birgalikda ikki oy muddatda favqulodda
vaziyatlarning oldini olish, ularni profilaktika qilish va bartaraf etish tizimiga
zamonaviy axborot-kommunikatsiya texnologiyalarini tatbiq etish, shu jumladan
YAgona navbatchi-dispetcherlik xizmatini tashkil etish bo’yicha O’zbekiston
Respublikasi Vazirlar Mahkamasiga takliflar kiritsin.
9. O’zbekiston Respublikasi Favqulodda vaziyatlar vazirligi:
a) O’zbekiston Respublikasi Ichki ishlar vazirligi bilan birgalikda:
2020- yil 1- yanvar’ holatiga ko’ra berilayotgan tuzilmalarning balansidagi bino,

---

6
inshootlar va ularga tutash hududlarni, maxsus va boshqa moddiy vositalarni, mulklarni,
maxsus va avtomobil’ texnikalarini, Yong’in xavfsizligi bosh boshqarma va Yong’in
xavfsizligi instituti xodimlariga biriktirilgan ixtisoslashtirilgan uy-joy fondining yashash
xonalarini, qurol-yaroq va o’q-dorilarni, safarbarlik zaxirasi omborlarini operativ
boshqaruv asosida beg’araz topshirish-qabul qilishni amalga oshirsin;
O’zbekiston Respublikasi Ichki ishlar vazirligining boshqa tarkibiy
tuzilmalariga berilishiga yo’l qo’ymagan holda, Yong’in xavfsizligi bosh boshqarma va
Yong’in xavfsizligi institutining binolari, inshootlari, maxsus va avtomobil’ texnikalari,
uskunalari, asbob-anjomlari va boshqa mol-mulkining saqlanishini ta’minlash bo’yicha
kompleks chora-tadbirlarni qabul qilsin;
tashkiliy-shtat o’zgarishlarini amalga oshirish davomida berilayotgan
tuzilmalarning doimiy jangovar tayyorgarligi, yuqori darajadagi intizomi va
uyushqoqligini ta’minlasin;
O’zbekiston Respublikasi Favqulodda vaziyatlar vazirligiga yuklatilayotgan
yangi vazifalar mazmun-mohiyatini barcha shaxsiy tarkibga yetkazish bo’yicha
kompleks choralarni ko’rsin;
ikki oy muddatda barcha darajadagi ommaviy tadbirlarga tayyorgarlik ko’rish va
ularni o’tkazishda Favqulodda vaziyatlar vazirligi tuzilmalarining ichki ishlar organlari
bilan hamkorlikdagi harakatlari bo’yicha yo’riqnoma ishlab chiqsin va tasdiqlasin;
b) O’zbekiston Respublikasi Ichki ishlar vazirligi, Mudofaa sanoati davlat
qo’mitasi va Moliya vazirligi bilan birgalikda berilayotgan tuzilmalarni maxsus
yong’in-texnik va tadqiqot uskunalari, aloqa vositalari va maxsus kiyim-bosh bilan
bosqichma-bosqich ta’minlash, shuningdek, yong’in xavfsizligi tuzilmalarning bino va
inshootlarini qurish, rekonstruksiya qilish va kapital ta’mirlashni nazarda tutuvchi avval
qabul qilingan kompleks dasturlar ijrosini ta’minlasin;
v) manfaatdor vazirlik va idoralar bilan birgalikda 2019- yil yakuniga qadar,
yuklatilgan vazifalarni bajarish xususiyatlari va xalqaro standartlarni inobatga olgan
holda, favqulodda vaziyatlar tuzilmalari harbiy xizmatchi va qutqaruvchilari uchun
tubdan yangi xizmat va maxsus kiyimlarni, atributikalarni, farqlash belgilarini joriy
etish bo’yicha takliflarni ishlab chiqsin va kiritsin;

---

7
g) Oliy va o’rta maxsus ta’lim vazirligi bilan birgalikda ikki oy muddatda
O’zbekiston Respublikasi Favqulodda vaziyatlar vazirligi Akademiyasi qoshida
Ixtisoslashtirilgan litseyni tashkil etish, joylashtirish va faoliyatini yo’lga qo’yish
bo’yicha takliflarni ishlab chiqsin va O’zbekiston Respublikasi Vazirlar Mahkamasiga
kiritsin;
d) Moliya vazirligi bilan kelishilgan holda, O’zbekiston Respublikasi
Favqulodda vaziyatlar vazirligi boshqaruv organlari va tuzilmalarning moddiy-texnik
bazasini kuchaytirish, shaxsiy tarkibini rag’batlantirish uchun tushgan mablag’larni
taqsimlash va maqsadli yo’naltirish bo’yicha amaldagi tartibni saqlab qolgan holda
yuridik va jismoniy shaxslarga pullik xizmat ko’rsatish bo’yicha tasdiqlangan ro’yxatga
tegishli qo’shimchalar kiritsin;
e) O’zbekiston Respublikasi Adliya vazirligi bilan birgalikda qonun hujjatlariga
mazkur qarordan kelib chiqadigan o’zgartirish va qo’shimchalarning belgilangan
tartibda kiritilishini ta’minlasin.
10. Moliya vazirligi Favqulodda vaziyatlar vazirligi, Ichki ishlar vazirligi va
Mudofaa vazirligining xarajatlar smetalariga mazkur qaror talablaridan kelib chiqqan
holda tegishli o’zgartirishlar kiritsin, shuningdek, O’zbekiston Respublikasi Favqulodda
vaziyatlar vazirligining asoslangan hisob-kitoblari bo’yicha byudjetdan qo’shimcha
mablag’lar ajratsin.
11. Mazkur qarorning ijrosini nazorat qilish O’zbekiston Respublikasining Bosh
vaziri A.N. Aripov va O’zbekiston Respublikasi Prezidenti huzuridagi Xavfsizlik
kengashi kotibi V.V. Maxmudov zimmasiga yuklansin.
O’zbekiston Respublikasi Prezidenti SH. MIRZIYOYEV
Toshkent sh.,
2019- yil 10- aprel’,
PQ-4276-son