Ishlab chiqaruvchi tashkilot: Toshkent tibbiyot akademiyasi Gematologiya

Nazorat savollari: 
1. Leykositlar 
2. Granulositopoez 
3. Neytrofil granulositlar 
4. Eozinofil granulositlar 
5. Bazofil granulositlar 
6. Monositopoez 
7. Monosit 
8. Limfositopoez 
9. Limfosit 
1.6. O‘tkir leykozlar, tushunchasi, klassifikatsiyasi,
asosiy klinik -laborator markerlar. 
Mashg’ulot maqsadi: leykozlar, leykozlar asosiy sitologik belgilari, o‘tkir 
leykoz, o‘tkir leykoz turlari, blast hujayraga xos sitomorfologik xususiyatlar, o‘tkir 
leykozda periferik qondagi o‘zgarishlar, o‘tkir leykozda suyak ko‘migidagi 
o‘zgarishlar, sitoximik reaksiyalar bilan tanishtirish. 
Leykozlar - gemopoetik hujayralardan rivojlangan xavfli o‘smalar guruhidir. 
O‘sma hujayralari suyak ko‘migi, qon, limfoid va boshqa to‘qimalarda 
proliferatsiyalanadi va kasallik boshidan tizimli harakterga ega bo‘ladi. 
Leykozlar asosiy sitologik belgilari: 
1. Nazoratsiz, to‘xtovsiz proliferatsiyalanadi. 
2. Apoptoz buzilishi. 
3. Hujayralar differensirovka va yetilish hususiyatlarini yo‘qotadi. 

---

30 
4. Hujayralar morfologik va metabolik atipizmi. 
5. Qon yaratish a’zolarida metaplaziya. 
6. Periferik qonga yyetilmagan, atipik hujayralar chiqadi. 
7. Gemopoezda ishtirok etmaydigan a’zolar va to‘qimalarda qon yaratish 
o‘choqlari paydo bo‘lishi (jigar, buyrak, teri osti kletchatkasi, ichak va b.). 
Leykozlar o‘sma hujayralar differensirovkasi va yetilish xususiyatlariga ko‘ra 
quyidagi turlarga bo‘linadi: 
1. O‘tkir leykoz (o‘sma substrati yyetilmagan blast hujayralari). 
2. Surunkali leykoz (o‘sma substrati yetilayotgan va yyetilgan hujayralar). 
O‘tkir leykoz - yyetilmagan hujayralaridan tashkil topgan qon tizimi 
geterogen, klonli xavfli o‘sma kasalliklaridir. 
Leykemik hujayralar sitomorfologik va sitoximik hususiyatlariga ko‘ra o‘tkir 
leykozlar uch guruhga bo‘linadi: 
1. O‘tkir mieloblast leykoz; 
2. O‘tkir limfoblast leykoz; 
3. Differensiallashmagan leykoz. 
JSST ma’lumotiga ko‘ra, o‘tkir leykozda periferik qon va suyak ko‘migida 
blast hujayralar 20% va undan ko‘p bo‘ladi.