Ishlatilgan texnik moylarni topshirish, to‘plash, ular uchun hisob-kitob qilish, ularni saqlash va tashISh TARTIBI to‘G‘risidagi nizomni tasdiqlash haqida

O‘zbekiston Respublikasining Bosh vaziri Sh. MIRZIYOYEV
Toshkent sh.,
2012-yil 4-sentabr,
258-son
Vazirlar Mahkamasining 2012-yil 4-sentabrdagi 258-son qaroriga
ILOVA
Ishlatilgan texnik moylarni topshirish, to‘plash, ular uchun hisob-kitob qilish, ularni saqlash va tashish tartibi to‘g‘risida
NIZOM
I. Umumiy qoidalar
1. Ushbu Nizom “Chiqindilar to‘g‘risida”gi O‘zbekiston Respublikasi Qonuniga hamda O‘zbekiston Respublikasi Prezidentining “Motor moylarini ishlab chiqarishni tashkil etish chora-tadbirlari to‘g‘risida” 2012-yil 22-maydagi PQ–1759-son qaroriga muvofiq ishlatilgan texnik moylarni topshirish, to‘plash, ular uchun hisob-kitob qilish, ularni saqlash va tashish tartibini belgilaydi.
2. Mazkur Nizomda quyidagi asosiy tushunchalardan foydalaniladi:
Oldingi tahrirga qarang.
ishlatilgan texnik moylarni to‘plash va qayta ishlash tashkiloti — ishlatilgan texnik moylarni to‘plash, saqlash va tashish uchun zarur infratuzilmaga, shuningdek ularni qayta ishlash uchun zarur quvvatlar va texnologiyalarga ega bo‘lgan tashkilot;
(2-bandning ikkinchi xatboshisi O‘zbekiston Respublikasi Vazirlar Mahkamasining 2017-yil 14-fevraldagi 78-sonli qarori tahririda — O‘R QHT, 2017-y., 7-son, 96-modda)
Oldingi tahrirga qarang.
(2-bandning uchinchi xatboshisi O‘zbekiston Respublikasi Vazirlar Mahkamasining 2017-yil 14-fevraldagi 78-sonli qaroriga asosan chiqarilgan — O‘R QHT, 2017-y., 7-son, 96-modda)
ishlatilgan texnik moy (keyingi o‘rinlarda ITM deb ataladi) — mineral, yarim sintetik va sintetik asosdagi, o‘zining dastlabki maqsadiga ko‘ra bundan keyin foydalanishga yaroqsiz bo‘lgan, foydalanish jarayonida belgilangan sifat ko‘rsatkichlarini, iste’mol xususiyatlarini yo‘qotgan yoki uning uchun belgilangan muddatlarda ishlatib bo‘lingan har qanday industrial yoxud motor moyi;
Oldingi tahrirga qarang.