Islom Karimov nomidagi Toshkent DavlatTexnika Universiteti

Islom Karimov nomidagi Toshkent

DavlatTexnika Universiteti

“Eaf”-Fakulteti
3-Kurs 17s-21Rqt talabasi
METROLOGIYA va standartlash
Fanidan tayyorlagan

2-MUSTAQIL ISHI

Bajardi : Xakimjonov.Z

Qabul qildi: Magrupova.M

Toshkent-2023.

Mavzu: O‘zbekistonda LOCHIN uchuvchisiz dron.

1.1 Mudofaa sanoati davlat qo‘mitasi tasarrufidagi markaz O‘zbekistonda ilk uchuvchisiz dron ishlab chiqardi. LOCHIN apparati — razvedka qilish, zarba berish, real vaqt rejimida kuzatish, ma’lumot olish, artilleriya o‘t ochish jarayonini boshqarish kabi vazifalarni bajara oladi. Qolaversa, qurilmadan qishloq xo‘jaligida hamda qo‘riqxonalarni, yo‘llarni, ijtimoiy infratuzilma va muhim obyektlarni kuzatishda foydalanish mumkin

1.2 Mudofaa sanoati davlat qo‘mitasi tasarrufida Uchuvchisiz aviatsiya majmualarini ilmiy-ishlab chiqarish markazi tashkil etildi.

Qo‘mita matbuot xizmatining xabariga ko‘ra, ushbu markaz tomonidan xalqaro texnik talab va standartlarga to‘liq javob beradigan «LOCHIN» nomli uchuvchisiz uchish apparatlarini ishlab chiqarish yo‘lga qo‘yildi.
Ta’kidlanishicha, «ikki hil maqsadda foydalanishga mo‘ljallangan mazkur milliy loyiha Markaziy Osiyoda ilk bor O‘zbekistonda o‘zlashtirildi va yo‘lga qo‘yildi»
«Markaz uchuvchisiz aviatsiya majmualarini ishlab chiqarish, yig‘ish, ta’mirlash va texnik xizmat ko‘rsatish uchun zarur yig‘uv jamlanmalari, texnologik va maxsus uskunalar, tekshirish (test laboratoriya) moslamalari kabi texnologik jihozlar bilan to‘liq ta’minlandi», — deyiladi xabarda.
Mudofaa sanoati davlat qo‘mitasi tomonidan markazni yosh kadrlarni tayyorlash, qayta tayyorlash, yetakchi xorijiy davlatlarda stajirovkasini tashkil etish va malakasini oshirish yo‘li orqali uchuvchisiz aviatsiya sohasidagi mutaxassis kadrlar bilan butlash amalga oshirilmoqda.
Milliy brend ostida ishlab chiqilgan samolyot va kvadrokopter turidagi «LOCHIN» uchuvchisiz uchish apparati bir qancha maqsadlarda foydalanishga mo‘ljallangan bo‘lib, razvedka qilish, zarba berish, real vaqt rejimida kuzatish, ma’lumot olish, artilleriya o‘t ochish jarayonini boshqarish kabi vazifalarni bajarishga qodir.
Shu bilan bir qatorda qishloq xo‘jaligi, neft va gaz, o‘rmon xo‘jaligi, temir yo‘llar, geologiya, qidiruv sohalarida kartografiya, topogeodeziya, ekinlarni defoliatsiya qilish, qo‘riqxonalarni, yo‘llarni, ijtimoiy infratuzilma hamda muhim obyektlarni kuzatib borish va boshqa maqsadlarda foydalanish imkoniyatini beradi.
Markaz tomonidan strategik darajada qo‘llaniladigan uchuvchisiz aviatsiya majmualarini ishlab chiqarishni tashkil etish hamda uchuvchisiz aviatsiya sohasini innovatsion rivojlantirish bo‘yicha ilmiy-tadqiqot va tajriba-konstruktorlik ishlarini shakllantirish yo‘nalishlarida istiqbolli loyihalar olib borilmoqda.
Avvalroq, Mudofaa sanoati davlat qo‘mitasiga qarashli korxonalarda masofadan boshqariladigan yirik kalibrli pulemyot namunasi ishlab chiqarilgani va hozirda sinovdan o‘tkazilayotgani haqida yozgandik. Uni zirhli harbiy texnikalarga ham o‘rnatsa bo‘ladi