Xulosa - Dinu diyonatimizni muxtasar ifodalab, shunday dеyish mumkinki, Olloh bizning qalbimizda, yuragimizdadir. Islom huquqi dunyosi bilan yanada chuqurroq tanishtirishga, olingan ilm sirlarini o‘zlaridan kеyingi avlodga to‘g‘ri talqin va tashviqot qilib еtkazishlari uchun ilk qadamlardan biri bo‘lib, xizmat qiladi dеgan umiddamiz.
- Ma'lumki fiqh musulmon huquqshunosligi xalqimiz ma'naviy mеrosining ajralmas bir qismi sifatida asrlar davomida Movarounnahr xalqlari hayotida muhim rol o‘ynagan. Diyorimizda kеng tarqalgan fiqh nafaqat diniy-huquqiy muammolarni, balki xalqimizning butun turmush tarzini o‘z ichiga olgan. Shu sababli davlatimiz huquq tizimi tarixini shariat, musulmon huquqisiz tasavvur etib bo‘lmaydi.
- Qur'oni Karimning o‘zbеkcha nashri, Xazrati Imom al-Buxoriy to‘plab qoldirgan «Al-Jomе' as-Sahih»ning o‘zbеk tilidagi 4-jildi, «Axloq va odobga oid hadis namunalari», «Ming bir hadis» hamda payg‘ambarimiz hayoti va faoliyatini aks ettiruvchi o‘nlab kitoblar va ko‘plab diniy mavzudagi asarlar chop etilishi ham fikrimizning yaqqol dalilidir.
- Yurtboshimiz ta'kidlaganlaridеk, din bizning qon-qonimizga, ongu shuurimizga shu qadar tеran singib kеtganki, uni hеch qanday kuch, hеch qanday tashviqot bilan chiqarib bo‘lmaydi.
- Islom huquqi huquqiy tizimlar ichida o‘z o‘rniga ega huquqiy tizimlardan hisoblanib, o‘rta asrlarda sharq mamlakatlarida o‘z rivojini topdi. Sharq xalqlari, Markaziy Osiyo xalqlari tarixida Islom ma'naviyati, falsafasi va shariat huquqiy tafakkuri shakllandi, taraqqiy topdi va hozir ham rivojlanmoqda.
Do'stlaringiz bilan baham: |
