Ispan “Oltin bolasi” Pablo Gavi

Ispan “Oltin bolasi” Pablo Gavi
Bu maqola hozirda Yevropa maydolarida aqilbovar qilmas ishlarni amalga oshirayotgan yosh iste’dodli va umidli futbolchi Palbo Gavi haqida. Yevropa futbol osmoni yosh yulduzlarga to’la bo’lsa ham Pablo Gavi nomi alohida mazmunga ega. Chunki uning hayot yo’li va futbolchilik faoliyati o’ziga xos rang-barangliklarga ega. Muqaddima. Futbol yulduzi 2004 yil 5 avgustda Pablo Peaz va Gavinin Anasi oilasida Ispaniyaning Andalusiya mintaqasida joylashgan Los-Palasios y Villafranca shahrida dunyoga kelgan, “Gavi” nomi esa shunchaki taxallus, uning asl ismi Pablo Martin Paez Gavira. Gavi bolaligidanoq futboldagi iste’dodi tabiiy ravishda namoyon bo’la boshladi va ota-onasi ham asta-sekin uning istedodini rivojlantirishga yordam berishdi. Shuningdek Gavi bolaligida juda bilimdon edi va u o’z maktabida muvaffaqiyat qozonish qiyin bo’lsa ham ko’p vazifalarni bajarishni yaxshi ko’rardi. Buni bir tomondan kitob bilan, ikkinchi tomondan esa futbol bilan bajarardi.
Tarixning boshlanishi. Gavi o’zining mahorati va chiroyli o’yinlarini dastlab La Liara jamoasi bilan boshladi. Bu futbolchi ota-onasining uyi joylashgan hududdagi mahalliy jamoa edi. Gavi bu jamoaga 2010 yil 1 oktyabr, juma kuni ro’yxatdan o’tgan va shu yili Ispaniya jahon chempionatida g’olib bo’lgan. Futbolchining La Liara Balompie jamoasidagi qilayotgan harakatlari barchani hayratga sola boshladi. Buning asosiy sababi Gavi maydonda 6 yoshli futbolchilarga xos bo’lmagan va ularga o’rgatilmagan harakatlarni bajarardi. Bola La Liara bilan 4 yilni o’tkazdi va ota-onasi uni Real Betis jamoasiga o’tishini qo’llab –quvvatladi. Bu o’tish jamoa va bolaning otasi o’rtasidagi kelishuv asosida, Ispaniya klubi yosh futbolchini mehmondo’stlik evaziga oldi. Shu tariqa Gavi jamoa akademiyasida o’ynaydi va otasi Real Betis kir yuvishxonasida ish boshlaydi.
Ite’dodning uyg’onishi. Gavi Real Betis yoshlar jamoasiga kelib qo’shiladi va bir mavsumning o’zida 95 ta gol urishga muvaffaq bo’ladi. Shu tariqa Real Betis uning brinchi shon-shuxratiga guvoh bo’ladi va uni Balompie akademiyasi marvaridi deb atashadi. Bu muvaffaqiyatdan so’ng, Barselona va Real Madrid “Real Betis” ning qimmatli marvaridi bo’lmish Gaviga qiziqib, u to’g’risida ma’lumotlar to’play boshlashadi. Ko’p vaqt o’tmay yosh iste’dod sohibi Portugaliyaning Algarve shahrida bo’layotgan turnirda porlay boshlaydi va Chempionatning eng yaxshi futbolchisi nomiga sazovor bo’ladi, shundan so’ng Atletiko Madrid ham Barselona va Real Madrid kurashiga qo’shiladi. Lekin bu kurashda Barseloning imkoniyatlari kam bo’lsa ham ular Gavining ota-onasini Kamp Nouga taklif qilishadi. Kamp Nouga safar chog’ida mashhur bola ko’rganlaridan xursand bo’lib, ota-onasiga aytadi: Dada, eng yaxshilar shu yerda va men bu yerda o’ynashni xohlayman va shu tariqa Real Betis yulduzi 2015 yilda, 11 yoshida Barselona jamoasi bilan shartnoma imzoladi. Gavi FCB Infatil A jomasiga yozildi va uning yarim himoyadagi harakatlari va o’yini uni Sergi Milaning FCB Cadet B jamoasida asosiy o’yinchi sifatida ko’rsatishga zamin yaratdi. Gavining Barselonadagi dastlabki yillari omadli bo’ldi va shu yerdagi ilk yoshlik muvaffaqiyati Memorial Cristina Varani xalqaro futbol turnirida bo’ldi. Turnirda Gavi o’zining kuchli raqib ekanligini namoyon qildi va u maydonda eng ko’p ajralib turdi. Futbolchi nafaqat jamoasiga Italiya yoshlar chempioni bo’lishi eng ko’p xissa qo’shdi balki xalqaro turnirning MVP mukofotiga sazavor bo’ldi.
Yulduzlik davrining boshlanishi. Gavining texnik sifatini uni doimiy o’sishda ushlab turardi va uning o’z qat’iy rejalari bor edi. Bo’lajak yulduz 16 yoshga to’lganidan ko’p o’tmay, 2020 yil sentyabrida Kataloniya jamoasi bilan professional shartnoma imzoladi va Ronald Kuman Gavi bilan katta shartnoma tuzdi. Lekin ko’p o’tmay Kuman yulduzi so’ndi va jamoada Xavi inqlobi boshlanoyatgan davr edi, shu sababli yosh iste’dod sohibi kurashga kirishdi. Gavi 2021 yil 29 avgustda brinchi rasmiy o’yini o’tkazdi va Barselonaning eng yosh debyutantiga aylandi. 2021 yil 30 sentyabrda mahorat egasi murabbiy Luis Enerque tomonidan kutilmaganda Ispaniya terma jamoasiga chaqiruv oladi va 6 oktyabr kuni UEFA Millatlar Ligasi yarim finalida Italiyaga qarshi o’yinda debyut qiladi. Ispaniya terma jamoasida yuqori saviyadagi yosh o’yinchiga aylanadi. 2021 yilda ESPN xodimi Graham Hunter Gavini juda istiqbolli futbolchi sifatida maqtadi va futbolchilik fazilatlari, ya’ni driblingi, aql-zakovati, maydoni ko’rish qobiliyati, tezlikni o’zgaritish, top uzatish va tez burilish qobiliyatlari tufayli uni Barselonaning sobiq yulduzlari Xavi va Andres Iniesta bilan taqqosladi. Hozirda Gaviga Ispaniya va Barselonaning yangi oltin avlodi sitida qaralmoqda.
Sodir bo’lishi mumkin bo’lgan transferlar. Ayni damda Yevropaning 5 ta kuchli Chempionat jamoalari Gavi kabi yosh iste’dodlarni o’zlariga qo’shib olishni hoxlashadi, lekin bu ish unchalik ham oson emas. Hozirgi paytda Angliya Premier Ligasi vakillari Gaviga ancha jiddiy qiziqish bildirmoq. Agar futbolchi APL ga yoki boshqa chempionatga k’chib o’tsa nima bo’ladi? Yosh iste’dod oxirgi 3 yil davomida juda yuqori ko’rsatkichlarni qayd etdi, lekin APL La Ligaga o’xshamaydi. Uyerda maydoning har bir qarichi uchun kurashiladi, autsayderlar top jamoalarni mag’lub etadilar. Shu sababli ko’p futbolchilar APL ga o’tishga shoshilmaydilar. Biroq Gavining imkoniyatlaridan kelib chiqadigan bo’lsak, undan yuqori natijalar kutishimiz mumkin va u tez orada Premier Liga atmosferasiga o’rganib ketadi. Agar Italiya A seriyasiga o’tsa ham, u yerda ham oson bo’lmaydi. Klassik o’yinlar, top jamoalar va qizg’in kurashlar kutib turadi uni. Ammo A seriya nisbatan La Ligaga yaqinroq shu sababli yosh yulduzimiz o’zini yaxshiroq xis qilishi mumkin. Liga 1 dan asosiy davogar PSG haqiqatga yaqinroq, shayxlarning katta pullariga jamoaga Gavini olib kelish mumkin, u yerda yosh futbolchi mahoratli ustoz sifatida albatta Messini avzal ko’radi va undan juda ko’p narsa o’rganishi mumkin. Lekin Gavi o’zining intervyusida, u bolalikdan Barselonda top surishni va u yerda yutuqlarga erishishni hoxlaganini aytib o’tgandi. Uning boshqa jamoaga ko’chib o’tishi yoki o’tmasligini vaqt ko’rsatadi.
Minnatdorchilik eslatmasi: Vaqtingizni ajratib maqolani o’qiganingiz uchun rahmat aytamiz. Maqolani tayyorlashda “Ispaniyalik futbolchilar hayotiy hikoyasi”, “Yevropalik futbolchilarning tarjimai holi” va Vikipadia ma’lumotlaridan foydalanilgan.

Maqola muallifi: Abduvahobov A’zamjon