Иссиқлик изоляцияси ва акустик материаллар умумий маълумотлар

Пенополивинилхлорид бикр ва эластик кўринишлари ишлаб чиқарилади. Бикр поливинилхлорид –600С дан 600С ҳарорат орасида хоссаларини қисман ўзгартириши мумкин бўлган иссиқлик изоляцияси материалидир. У одатда сарғиш рангда бўлиб, таркибига турли рангдаги пигментлар киритиш натижасида исталган рангдаги маҳсулотни тайёрлаш мумкин. Маҳсулот ўлчами 500х750 мм, қалинлиги 35-70 мм плиталар кўринишида ишлаб чиқарилади. Пенополивинилхлориднинг ўртача зичлиги 95-195 кгм3, иссиқлик ўтказувчанлиги 0,06 Вт(м.0С), 24 соат ичидаги сув шимувчанлиги 0,3%, ишлатилиш ҳарорати 700С атрофида, бўлади. Улар асосида плиталар қурилиш конструкциялари, саноат ускуналари ва трубопроводларни иссиқлик изоляцияси учун ишлатилади. Эластик пенополистирол ўрама маҳсулот кўринишида ишлаб чиқарилади ва иссиқлик изоляцияси ва безак материали сифатида қўлланилади. Пенополивинилхлорид материаллари сув ва агрессив муҳитларга чидамли ва пенополистирол, пенополиуретан кабиларга нисбатан камроқ ёнувчандир.
Мипора карбамид-формалдегид полимери таркибига кўпиртирувчи ва қотирувчи компонентлар киритиб олинадиган жуда енгил иссиқлик изоляцияси материалидир. Мипоранинг ўртача зичлиги 10-20 кгм3, иссиқлик ўтказувчанлиги 0,026-0,03 Вт(м.0С), ишлатиш ҳарорати 1100С гача. Юқори даражада гигроскопиклиги ва мустаҳкамлигининг пастлиги мипоранинг камчилиги ҳисобланади. Мипора каркас конструкцияларни, трубопроводларни, совутгичларни иссиқлик изоляцияси учун ишлатилади.
Карбамид смоласи, кукун тўлдиргич, қотирувчи ва газ ҳосил қилувчи компонент ва модификаторлар аралашмасини совуқ ҳолда кўпчитиб, ўта енгил ячейкали полимербетонлар олиш мумкин. Бу технологияда таркибида карбонатлар мавжуд бўлган кукунлар (бархан қуми, оҳактош, гилтупроқ ва ш.к.) билан кислоталар (ортофосфор кислотаси ва бошқ.) ўртасидаги кимёвий реакция натижасида ҳосил бўладиган карбонат ангидриди гази туфайли ячейкали полимербетон олинади. Уларнинг ўртача зичлиги 80-200 кгм3, сиқилишдаги мустаҳкамлиги 2-8 МПа.
Фенол-формалдегид пенопласти ушбу полимер таркибига шиша толаси ёки каучук ҳамда каучук ва газ ҳосил қилувчи алюминий упаси киритиб тайёрланади. Технологик жараён компонентларни аралаштириш, қиздириб кўпиртириш, қолиплаш ва қотириш (совутишдан) иборат. Таркибига каучук қўшилган фенол-формалдегид пенопластлари 200-2500С ҳароратда ишлатишга бардошли бўлади. Кўпик полиэтилен. “Ресурс” (Россия) компанияси кўпикполиэтилен асосида Петрофон, Алюфом Gold савдо маркалари асосида иссиқлик изоляцияси материалларини ишлаб чиқармоқда.
Петрофом юқори даражали иссиқлик, - товуш ва гидроизоляция материали ҳисобланади.