Issiqlik texnikasi fani uch bo‘limdan iborat

KIRISH
Issiqlik texnikasi umumtexnik fundamental fanlardan biri bo'lib, texnikada issiqlikni hosil qilish usullarini, issiqlikni energiyaning boshqa turiga aylantirish usullarini, issiqlikni uzatish usullarini va issiqlik ishlatilishini o ‘rgatadi. Sanoatning metallurgiya, mashinasozlik, tog‘-kon ishi va boshqa sohalarida issiqlik berish va uning ajralib chiqishi, issiqlik almashuvi, mashina, qurilmalarda sodir b o ‘ladigan issiqlik jarayonlari hamda elektr energiya va issiqlikdan unumli foydalanish muhim ahamiyatga ega. Issiqlik texnikasi fani yuqori malakali va raqobatbardosh kadrlar tarbiyalab tayyorlashda asosiy o ‘rin tutadi. Bu fan talabalarni ilmga qiziqtirish, qonunlar texnikada qo‘llanilishi, termodinamik jarayonlarni hisoblash, issiqlik kuch qurilmalarining optimal holatlarini aniqlashga tayyorlashda yordam beradi.
Issiqlik texnikasi fani uch bo‘limdan iborat:
1) texnikaviy termodinamika;
2) issiqlik uzatilishi;
3) issiqlik energetik qurilmalari.
Termodinamika so‘zi grekcha so‘zdan olingan bo'lib «termos»— issiqlik, «dinamikos» — kuch degan m a’noni bildiradi. Texnikaviy termodinamika issiqlik effektlari bilan sodir bo‘ladigan turli jarayonlarda energiyaning birturdan ikkinchi turga o ‘tishi, ya’ni issiqlikning ishga va ishning issiqlikka aylanishini o‘rganadigan fan.
Issiqlik texnikasini o'rganish jarayonida aniq masalalarni hisoblash, ifodalarni keltirib chiqarish va ular orasidagi bog‘lanishlarni aniqlashda matematika fanining o ‘rni kattadir. Jismlarni, hodisalar va jarayonlarni o ‘rganishda, tahlil qilishda fizika va kimyo fani bo‘yicha bilimlar talab etiladi. Issiqlik texnikasi fanidan olingan bilimlar faqat fan-texnika taraqqiyoti uchun zarurbo‘libgina qolmay, balki ozod va obod Vatan, erkin va farovon hayot qurish, mustaqil Respublikamiz ravnaqi uchun intellektual saviyasi keng, axloq-odobli barkamol insonni tarbiyalashga ham o ‘z hissasini qo'shadi.