Issn 2181-9696 Doi Journal 10. 26739/2181-9696

Ключевые слова. Классификация Флинна, параллельные вычислительные машины, 
цифровая 
обработка 
сигналов, 
параллелизм, 
многоядерный 
процессор, 
массовые 
параллельные системы, MPP 
 
Atrof-muhirni o’rab turgan dunyodan bizga yetib keluvchi barcha signallarni qayta ishlash 
masalasi doimo dolzarb bo’lib kelgan. Ayniqsa, signallarga raqamli ishlov berish masalasi 1940-
yillardan keyin yanada dolzarblashgan. Buning asosiy sababi esa miya faoliyatini o’rganish, inson 
tanasida doimiy ravishda hoail bo’lib turadigan juda kichik miqdordagi elektr signallarini qayd etish 
va o’rganish talabidir. Bu borada hisoblash mashinalarining o’rni beqiyos ekanligini ta’kidlagan 
holda[1], ular yordamida qayta ishlanadigan signallarni va sifatini oshirishga asosiy diqqatni qaratgan 
holda, dastlab hisoblash mashinalarining arxitekturasi, ma’lumotlarni qayta ishlashga bo’lgan 
tashkiliy yondashuvlar haqida to’xtalib o’tish joizdir. Hisoblash mashinalarining arxitekturasini 
tasniflashning birinchi taklif etilgani va eng mashxuri 1966 yilda M. Flinn tomonidan taklif 
etilganidir. Bu tasniflash potok tushunchasiga asoslanadi. Potok – MP tomonidan qayta ishlanadigan 
ma’lumotlar, komandalar yoki elementlarning ketma-ketligidir. Komandalar potoki soni va 
ma’lumotlar potoki soniga ko’ra Flinn arxitekturani 4 ta sinfga ajratishni taklif etadi.
1) SISD (Single Instruction stream/Single Data stream) – bitta komandalar potoki va bitta 
ma’lumotlar potoki. Bu sinfga klassic klassik ketma-ket ishlovchi mashinalar misol bo’ladi, 
boshqacha aytganda fon-Neyman mashinalari. PDP-11 yoki VAX 11/780 kabi. Bunday mashinalarda 
faqat bitta komanda potoki mavjud bo’lib, barcha komandalar ketma-ket bajariladi va har bir 
komanda potok bilan bitta operatsiya bajaradi. Hisoblash tezligini oshirish uchun konveyerli tizim 
ishlatilishi ham shu tizimga kiradi, chunki bunda ham komandalar ketma-ket bajariladi. 
2) SIMD – (Single Instruction stream/Multiple Data stream) bir potok komanda va ko’p potok 
ma’lumotlar. Bu arxitekturada yagona potokli komanda tizimi saqlanib qolgan, faqat SIMD dan farqli 
ravishda vektorli komandalar qo’shilgan. Vektorli komandalar esa bitta arifmetik amalni vektorning 
elementlari ustida (boshqacha aytganda ko’plab ma’lumotlar bilan) bajaradi. vektorli amallarni 
qanday bajarilishini tashkil qilinishi ahamiyatsiz – u MP matritsasi shaklida (ILLIAC-IV kabi) yoki 
konveyer shaklida bajarilishi mumkin (CRAY-1 kabi) 
3) MISD – (Multiple Instruction stream/Single Data stream) ko’p potok komanda va bir potok 
ma’lumotlar. Bunda bitta masalani hal qilish bilan shug’ullanadigan ko’p protsessorli arxitekturalar 
tushuniladi. Hozirgacha aynan bir hisoblash mashinasini bu texnologiyaga tegishli deb qat’iy xulosa 
qilinmagan. Ba’zi kuzatuvchilar konveyerli mashinalarni shu turga kiritish mumkin deb hisoblashadi, 
lekin bu ilmiy tarafdan asoslanmaganligi sababli bunday tipdagi mashinalar amaliyotda mavjud emas 
deb hisoblanadi. 

---