Иқтисодиёт / Ахборот ва ахборотлаштириш. Электрон тижорат

4-боб. Юридик шахсни Технопарк резиденти мақомидан маҳрум қилишнинг асослари ва тартиби
21. Қуйидагилар Технопарк резиденти мақомидан маҳрум қилишнинг асоси ҳисобланади:
Олдинги таҳрирга қаранг.
Технопарк резиденти амалдаги фаолиятининг рўйхатда белгиланган фаолият турларига мувофиқ эмаслиги;
(21-банднинг иккинчи хатбошиси Ўзбекистон Республикаси Вазирлар Маҳкамасининг 2020 йил 30 октябрдаги 672-сонли қарори таҳририда — Қонун ҳужжатлари маълумотлари миллий базаси, 31.10.2020 й., 09/20/672/1437-сон)
Дирекция билан тузилган Технопарк резидентининг фаолияти шартлари тўғрисидаги шартномада кўрсатилган мажбуриятларни бажармаслик;
Технопарк резидентининг ночор (банкрот) деб эътироф этилиши;
Технопарк резиденти резидент мақомидан ўз хоҳиши билан воз кечиши;
Олдинги таҳрирга қаранг.
ўз фаолияти, солиқ ва статистика ҳисоботлари, бизнес-режа, шунингдек, аудиторлик ҳисоботи ва аудиторлик хулосаси тўғрисидаги маълумотлар белгиланган муддатларда тақдим этилмаганлиги ёки уларда ишончсиз маълумотлар тақдим этилганлиги;
ушбу Низомнинг 18-банди бешинчи хатбошисида белгиланган ажратмаларнинг тўланмаганлиги;
юридик шахс қайта ташкил этилганлиги;
(21-банд Ўзбекистон Республикаси Вазирлар Маҳкамасининг 2020 йил 30 октябрдаги 672-сонли қарорига асосан олтинчи — саккизинчи хатбошилар билан тўлдирилган — Қонун ҳужжатлари маълумотлари миллий базаси, 31.10.2020 й., 09/20/672/1437-сон)
Олдинги таҳрирга қаранг.
солиқ солиш объектлари ва солиқ солиш билан боғлиқ объектларга тааллуқли бухгалтерия ҳисоби регистрлари ҳамда бошқа бошланғич ҳужжатларини автоматлаштириш йўналишларида ишлаб чиқилган автоматлаштирилган ҳисобга олиш ўлчов воситалари (ахборот тизимлари, дастурий маҳсулотлари) солиқ органларининг ахборот тизимлари билан интеграция қилинмаган ҳолда қўлланилганда;
(21-банд Ўзбекистон Республикаси Вазирлар Маҳкамасининг 2022 йил 12 майдаги 255-сонли қарорига асосан тўққизинчи хатбоши билан тўлдирилган — Қонунчилик маълумотлари миллий базаси, 13.05.2022 й., 09/22/255/0412-сон)
Ўзбекистон Республикаси қонунларига мувофиқ бошқа асослар.
Олдинги таҳрирга қаранг.
22. Технопарк резиденти мақомидан маҳрум қилиш тўғрисидаги қарор Дирекция томонидан қабул қилинади. Қарор қабул қилингандан кейин юридик шахсга бу ҳақда хабар юборилади ҳамда Резидентларнинг ягона реестрига тегишли ўзгартиришлар киритилади.
Технопарк резиденти мақомидан маҳрум қилиш юридик шахснинг Низомда белгиланган мажбуриятлари тугашига олиб келмайди.
(22-банд Ўзбекистон Республикаси Вазирлар Маҳкамасининг 2020 йил 30 октябрдаги 672-сонли қарори таҳририда — Қонун ҳужжатлари маълумотлари миллий базаси, 31.10.2020 й., 09/20/672/1437-сон)
Олдинги таҳрирга қаранг.
(23-банд Ўзбекистон Республикаси Вазирлар Маҳкамасининг 2020 йил 30 октябрдаги 672-сонли қарорига асосан ўз кучини йўқотган — Қонун ҳужжатлари маълумотлари миллий базаси, 31.10.2020 й., 09/20/672/1437-сон)
Олдинги таҳрирга қаранг.
24. Дирекция юридик шахснинг Технопарк резиденти мақомидан маҳрум қилингани тўғрисидаги ёзувни Резидентларнинг ягона реестрига киритган кундан бошлаб 3 иш куни мобайнида Ўзбекистон Республикаси Давлат солиқ қўмитаси ва Давлат божхона қўмитаси ва юридик шахсга хизмат кўрсатувчи тижорат банкига хабар беради.
(24-банд Ўзбекистон Республикаси Вазирлар Маҳкамасининг 2020 йил 30 октябрдаги 672-сонли қарори таҳририда — Қонун ҳужжатлари маълумотлари миллий базаси, 31.10.2020 й., 09/20/672/1437-сон)